Didarmuhammet
12.04.2020 22:38
Ýüregiň böküp dur, dünýä syganok,
Sähel zada gülen on sekiz ýaşym.
Uly dünýä bir garaýşa degenok,
Wah, özgesi ýalan, on sekiz ýaşym.
Duýman galdym neneň niçik geçenin,
Toýlarda tans oýnap, serden geçenim.
Şol gözeliň gözlerine gaçanym,
Girdaba gark bolan on sekiz ýaşym.
Çolaşasyň geldi dilber näzine,
Sataşasyň geldi söýen gyzyňa.
Biygtyýar düşdüň-gitdiň yzyna,
Ýatlamadan gelen on sekiz ýaşym.
Göz astynda ogryn-ogryn bakmaýar,
Wada berýär, wagty bilen çykmaýar.
Agşam Aý yşygna şöwür çekmeler,
Bar wagtyňy alan on sekiz ýaşym.
Asmana baksaňam şol gyzyň keşbi,
Zemine baksaňam şol gyzyň keşbi.
Beýle jebir nädip paýyňa düşdi,
Soňsuz dedi salan on sekiz ýaşym?
Ähli ahmyr-armanlarym alardym,
Indi näme etjegimi bilerdim.
Diläniňe bitse, ýatyp dilärdim,
Ýeke gezek dolan, on sekiz ýaşym.
Diýdi: ”Şahyr gury hyýal haýyşyň” –
Ýyllar gulagyma çakdy çawuşyn.
Şindiki ýaşlardan ýalňyz haýyşym:
Gadyryny biliň on sekiz ýaşyň.
7
253
Didarmuhammet
04.04.2020 00:22
KLASDAŞ
On bäşimde oýun etdim ot bilen—
SÖÝGI atly ýalyn bilen, klasdaş,
Geçen günler bu gün bize ýat bolan,
Ýatlamalar ýalan bolan, klasdaş.
Garaňy görmesem, teý durup bilmän,
Ýüregiň ahyny goýduryp bilmän,
Bu ahwaly, saňa duýduryp bilmän,
Diýip bilmän dilim bilen, klasdaş
Bagrym dilim-dilim bolan, klasdaş,
Göýä seni gijelerden gysganyp,
Gezdim şamdan daň ataryna gyssanyp,
Bir gijäniň uksyny ýassanyp,
Goşgy ýazdym galam bilen, klasdaş.
Goşgy ýazylan kagyz ýekeje tagta,
Şo tagta kagyzy bije edip bagta,
Bukja salyp, agzyn bagladym pugta,
Elim bilen, ýelim bilen, klasdaş.
Hat gitdi— gündize çekildi nikap,
Garaşdym ynamy sabyra çykap,
(Aýtdylar) iberen goşgymy okap,
(Äsgermänmi!) gülen bolan, klasdaş.
Gülzardan aýrylsa-bilbile çol kyn,
Bürgüt lebzin deňäp alyna tilkiň,
Sowuk ýylgyryşyň, biperwaý gülkiň,
Barabardy ölüm bilen, klasdaş.
Ykballar aýralyk sazyn çalanda—
Gezdim bir delalat görüp çilimde.
… Bu gün ýürek sanjyp gitdi elimde,
Seni görüp, gelin bolan klasdaş
11
248
Didarmuhammet
03.04.2020 00:02
Toýuňa gutlagym!
Sen diysem öwrülse garagym tüme..
Tutardym adyňy gaýgyrman gözüm.
Garylsa, Sen diýsem kükregim ýere.
Goýsada urmasyn Mejnun ýüregim.
Şondada adyňy tutaryn mydam.
Söýgimi gowşurman näzik güllere.
Diňe Sen bolardyň ömrüň gunçasy.
Diňe sen bolardyň yşkyň nowçasy.
Şonun üçin bu dünýäde geregim.
Sen diýip ýaşaryn. Ýaşatsa Takdyr.
Ýumaýsam gözlerim bijeli bir gün.
Oň üçin ahmyr däl, Seň üçin ahmyr.
Baglanmasa keç ykbal gursa duzagyn,
ýüregim boş ursa, yşkym tütese.
Meň barlygym bu äleme ne derkar.
Artyklygym bu äleme sygmasa.
Ýöne seň bagtyňa guwansa didäm,
artyk galman. Kem galmasam jahana.
Duýmasa duýmasyn kemligim älem.
Şärik bolsam islemersiň, şonda-da.
Pursat ber, syn kylaýyn azajyk,
bir çetde, orun alan kalbyňda,
bagyn hazan uran, Söygi mülkime.
Pursat ber, Rugsat ber!
Sen azajyk.
Ökünmersiň ökünseňde geçmişe,
Sen diýip elenen daglanan ýürek,
ýazygyndan tapmasada karary.
Aýňalsyn gözýaşlaryň akmasyn.
Şatlyk bilen açylsyn goý çyragy.
Sabyryn bermedik ykbal duzagy,
indi hiç ýykmasyn söýginiň öýün.
Saňa duşjak Bilbil, bilbilleň beýgi.
Has belentden çalsyn Söyginiň sazyn.
Bagt bersin, Tagt bersin Ylaýym,
Zar bolma hiç söýgi bilen şatlyga,
Bagt Sizi gujagyna atarsyn.
Gurşasyn daşyňyz soň gelmez Söygi.
Şatlykdan gözlerde durmasyn ýaşyň.
Hesretden däl, bagtdan aýlansyn başyň.
Iň soňky umydyn sözledi göwün,
Arzuwlar çemenin baglady Saňa!
Dostuň däl, dogan däl, näbelli tanşyň
9
383
Didarmuhammet
02.04.2020 23:54
《Gitme ýanymdan》
Bu dünýäde ýeke geze bilmerin,
Gitme gülüm, gitme meniñ ýanymdan
Ykbalymda sensiz ýaýnap-gülmerin,
Ýalbarýan ezizim gitme ýanymdan.
Mydam söýüp gezjegiñe söz berdiñ,
Şondan soñ kalbymyñ közüni dördüñ,
Näme boldy meni müñ derde goýdyñ,
Gitmesene, gitme meniñ ýanymdan.
Ýa meñ beren söýgümi az gördüñmi?
Ýa-da göwne degjek sözüm diýdimmi?
Ýa menden başgada birin söýdüñmi?
Ýeketägim gitme meniñ ýanymdan.
Arzuwlarym bardy bile toý-tutmak,
Seniñ bilen bagtyñ soñuna ýetmek,
Saña ýaraşmaýar aýrylyp gitmek,
Mähribanym gitme meniñ ýanymdan
10
323
Didarmuhammet
16.03.2020 00:08
Öwseña ýalan diýer, Öwmeseñem taşlap gider.
Hemme islàn zadyna bor diyseñ yaman öwrenśer, Ýok diýseñem düśünjesiz diýer.
Ýanyna köp gitseñ ýüregine düśersiñ, Az gitseñem gaty görer.
Gowja geýinseñ jalaý diýer, Üns bermàn geyinseñem wkusam ýokla diýer.
Gabansaña hereketleriñ gowy dàl diýer, Gabanmasañam meni söýenok diýer.
Bir iki minut gijà galsañ kyýamaty goparar, Özi bir sagat gija galsa welin nàme boldy diýer.
Egerde dostlarymyz bilen görüşmek islesek näme isiñ bar diýer, Özi joralary bilen duşuşasy gelse welin, Men gyzlañ ýanyna gitjek diýer.
Başga gyzlara seredäýseñ gözüñi oýar, Başgalary olara seretse welin, Waý meni halapdyr bolar.
Gürlap durka diñlenilmegini islar, Diñlap dursañam näme üçin gürläñok diýer
Bu bir degisme gyzlar gaty gorman yone azajygam bolsa kawagt sizem seyle pikir edyarsiniz dogry gerek???????
8
421
