BaýramBejidow
05.11.2022 21:49
Seni söýip ýadamadym,
Ýadamadym ezizläbem,
Gussalardan hassalasam,
Başga derman gerek dälem.
Seni söýip ýadamadym,
Ýadamadym irmedimem,
Señ bagyñdan başga bagdan,
Özge güli tirmedimem.
Senden asla ýadamadym,
Ýadamadym posalañdan,
Şirin-şeker süýjilikli,
Bal damyp dur dodagyñdan.
Päk bagtymyñ eýesi sen,
Bu göwnimiñ şadymydyñ,
Ýaşap ýadan günlemde-de,
Senden asla ýadamadym...
Awtory: Baýram Bejidow
18
147
BaýramBejidow
05.11.2022 15:39
Bahanaly, tukat durmuş ýadatdy,
Ýadadym boş kasam, wadalardanam,
Kalbyña girýäler pursatyn añtap,
Gorkýan soñky dörän sadalardanam.
Bahanaly, tukat durmuş ýadatdy,
,,Bolýa" diýseñ ejiz saýýar köpüsi,
Haýyryñ, sogabyñ işigin kakman,
Haramlygyñ köp açylýar gapysy.
Uzyn dilde, söýgi, duýgy ähli zat,
Päli ýaman neçin pälin tapanok?,
Ýalanlara öwrenişen gulaklar,
Janygañda hak söziñe bakanok.
Üýtgewsiz boljakdym, boş hyýal eken,
Ýüz görsem ýüzüme urdy ykbalym,
Üýtgemez diýenleñ üýtgeýän eken,
Indi geñ geremok saçymyñ çalyn...
Baýram Bejidow
15
122
BaýramBejidow
31.10.2022 20:04
Ah pany! Sen nirä sowdyñ ýüzüñi?,
Gününi bimany ötürýänler bar,
Onki synasy sag, jany ýarap dur,
Şonda-da el serip otyrýanlar bar.
Gazanjy añsatdan gazanjak bolup,
Sähel dogry söze bulanjak bolup,
Saña dostsyraşyp, ulanjak bolup,
Buýrmadyk işiñi bitirýänler bar.
Ädamkärlik bolsa aýak teýinde,
Görseñ meseledir çörek öýünde,
Ýasyñda görünmez, emma toýuñda,
Şir bolup, söz sözläp atylýanlar bar.
Hemmezadyñ nyrhy galypdyr, ýöne,
Ynsanlygyñ nyrhy könedir-köne,
Guýrygny ýamzyna dykana dönüp,
Gara şaý görseler satylýanlar bar.
Hars urup, nebsini öñe tutuşyp,
Pespäl bendelere şyltak atyşyp,
Namysy, tenini teññä satyşyp,
Içde imanyny ýitirýänler bar.
Eý ynsan! Erkiñ-ä eliñde welin,
O dünýäñ soragna gözlegin delil,
Toba et asmana göterip eli,
Çünki günälerñi geçirýäniñ bar.
2016ý.
Awtory: Baýram Bejidow
13
96
BaýramBejidow
31.10.2022 08:44
...Meni hormat bilen toýtaleşgäniñ arkasyna geçirdiler, gowmy oglanlar näme hyzmat diýdim haýyma-maýyma garaman eýleden-beýleden el ýagyp ugrady bir arkan ýykylanymy bilýän, täzeje köwüş akja köýnek ütügiñ çyzygy ýitmedijek täzeje jalbar gölä ýapaýmaly bolupdyr, men haýran galýan ýatan ýerimden, meni çagyran bir oglandy bir adamda munça el barmykaraý diýip, eller henizem ýagyp durdy, öýlänçiñ çagbasam beýdip ýagýan däldir, bir tötänleýin şarpyga munça jogap bolýanyny ine görüp durşum, birdenem gün çykyp öýlänçi sowlan ýaly boldy, añyrdan bir dogumly daýza gelip talpany dagatdy otyryberdi, men şeýle pikir etdim Hydyr ata daýzañ keşbine girip gelen ýaly-dy, ,,Gyrandegenler toýy bulajak bolmañ birki gezek uran bolsañyz boldydyrda..." Diýdi-de golumdan tutup ,,tur gyw" diýdi, iter-sañsar bolup zordan turdym, töwerege seredýän ähli blogerler, tiktokrlar üýşen eken daşyma, zordan daýzañ elinden tutup ýöräp başladym, toýam gutaryberipdir, küşdepdi aýdyp dur bagşam, ana şeýdip gullukdaşyñ toýunam gördük mazaly...
Aslynda ý:at oba barylsa myhman urmak modamy nämemi, ý:at oba baryp urulmadyk ýerim az-azdyr, ý:at oba toýa gitjek oglanlar maslahatym ýa-ha gitmäñ, gitseñizem baryp ahrana tutunyñ...
Gürrüñ beren Selim.
Awtory: Baýram Bejidow
17
152
BaýramBejidow
31.10.2022 07:15
Toýa gitdik.
Gullukdaş öýlendi, toýa çagyrdy ýat welaýat ýat oba gitdik toýa beýleki gullukdaşlar bilen jañlaşyp jemlenşip, sorap-idäp tapdyk toý ýerem, aý garaz bardyk ýerleşdik Alla şükür, onsañ oglanlaram keýpi gowlady stola geçip, menem kem galmadym, toý gidip dur ýaşlar toý talaşgesine çagyryldy, ine toýam gyzygyp ugrady nesip edenden, ý:at oba bolansoñ biraz çekinilenem bolýa welin şonda-da, özüñe erk edip bolýamy näme, tamadanyñ ,,öýlenýän ýigidiñ gullukdaşlaryny tans meýdança çagyrýas" diýen sesini eşdip reska galdyk ýerimizden 3 sany oglan bolup girdik krugyñ ortasyna meñem şol batymsyzlygymda bir elimi ýeñsäme tutup, birinem uzyn salyp girdim tansa şol barmana tans edip ýören gyzlañ biriniñ alma ýaljak ýañajygyna uzyn salan elim şaaaarp edip degdi tansa çykanymam şoldy, hiç zat bolmadyk ýaly gyra geçip elim çarpan bolup durun, ol gyzam baý şerraý eken, ,,meýdi ýanan gözüm ýere gaçan ýaly boldy, azyrak içerler alkaş haýran..." Diýip gargap başlady gyzyñ sesi bagşyñ sesini basyp maña eşdilip durdy, bu wakany gyradan synlap duran oglanlar maña nedawolny seredip başladylar, niýetleri toý taleşgañ arkasyna geçirip myžžyk edip urmakdy, wah bilýän-le bu maña tanyş duýgy-dy, gyrada oýnap ýören çagalañ biri ýanyma sawçylyga gelip başlady, ,,ew seni ho-ol oglan çagyrýar" diýip elini uzadyp añyrrakda duran birini görkezdi, seretsem gözünde o:t ýanyp dur gan algysy galan ýaly seretýär, alkakmyş aýdymam uzak aýtýan eken bagşy popurimi nämemi aha gutardy öýtýän diýip begensem sazyñ yzy kesilmän ýene bir aýdym başlap dur, aýdym gutarsa garma-gürmelikde niýetim ýitirim bolmakdy, hemme zat arzuw edişiñ ýaly bolubam duranok, çagyrylan ýere barmaly boldum...
Dowamy bar.
Awtory: Baýram Bejidow
16
138
BaýramBejidow
30.10.2022 21:48
Nirä baksam ýalan ýüzler,
Ýadadyp dur soñky döwir,
Hile bilen bakýan gözler,
Ýadadyp dur soñky döwir.
Gol uzatsam ýüzi sowuk,
Jogap berýär ýüzin sowup,
Ýersiz ýere gahar çowup,
Ýadadyp dur soñky döwir.
Köpeldi önin görenler,
Haramda döwran sürenler,
Kimligin bilmän ýörenler,
Ýadadyp dur soñky döwir.
Umyt baglymy gapjyga?,
Serim sämeýär sypjyga,
Ýalan sözler başa jyga,
Ýadadyp dur soñky döwir.
Bilenim, bildirjek boldum,
Aglany güldirjek boldum,
Kä teşnä akar suw boldum,
Ýadadyp dur soñky döwir.
Günämmişin men günäli,
Hakykatam çykar häli,
Her gije-de täze ärli,
Ýadadyp dur soñky döwir.
Hawa sözlem gödekmişin,
Dilim iki gadakmyşyn,
Tomusda-da ötmän gyşym,
Ýadadyp dur soñky döwir.
Kise dolsa bagtlymyş,
Käşgä tylla tagtlymyş,
Bu dünýäni ýykan myş-myş,
Ýadadyp dur soñky döwir.
Asly şeýle, suwmeýilli,
Gysga köýnek kän geýildi,
Gözi açyk kör zeýilli,
Ýadadyp dur soñky döwir.
Ertesi gümana hemmäñ,
Beden meñzeş, pikir deñ däl,
Düşinje pes, añy heñlän,
Ýadadyp dur soñky döwir.
Kim owadan aldamaşak,
Durmuş oýun, awlamaşak,
Paýyş söwip, ow-lamaşak,
Ýadadyp dur soñky döwir.
Sen kim?, Kimiñ ymmaty sen?,
Bilýän az, din hümmetinem,
Asly çüýrik niýetiñem,
Ýadadyp dur soñky döwir.
Wagtynda saralar terne,
Alla saglyk bersin herne,
Dogry ýoldan barýan terse,
Ýadadyp dur soñky döwir.
Añ galmady añlaşara,
Hakykaty synlaşara,
Zyna ilip köp goşara,
Ýadadyp dur soñky döwir.
Sem bolaýyn, akylly kän,
Dili gysga, nakylly kän,
Men guraýyn, sähel öýkäm,
Ýadadyp dur soñky döwir...
Awtory: Baýram Bejidow
15
109
BaýramBejidow
29.10.2022 21:44
Gitmez ýaly, duýgym özgä öwürlip,
Bas bagryña, daşa itme golaýyñ,
Päk kalbyñda, ýaşar ýaly ömürlik,
Ýadyñda däl, ýüregiñde bolaýyn.
Gaban meni, gysgan meni özgeden,
Ne isleseñ şoña kaýyl bolaýyn,
Meni hergiz ynjytmana dözmeseñ,
Ýadyñda däl, ýüregiñde bolaýyn.
Ýalanyñ däl, ýaksyn gyzgyn mähiriñ,
Diý, dymaýyn, söz gatmanjyk oñaýyn,
Atyşy deý dañyñ, tämiz säheriñ,
Ýadyñda däl, ýüregiñde bolaýyn.
Sen ýylgyrsañ, dünýäñ ýüzi ala-ýaz,
Gamlanañda duýgyñ bolup doñaýyn,
Ýakynyny öz törüne gabaýan,
Ýadyñda däl, ýüregiñde bolaýyn...
Awtory: Baýram Bejidow
18
142
BaýramBejidow
29.10.2022 20:37
Ömür geçýär, sekuntlara seplenip,
Ýaralarma em gözledim gijeden,
Kagyz ýaly ikä bölüp, eplenip,
Çeker ýaly täleý bize bije däl.
Ýo düşünýän, başyñ salsañ ejizlik,
Ýalan dünýäñ gurluşyna düşme ýok,
Gaýta senden kem agtarýar kemterler,
Öz aýbyny açýanyna düşnenok.
Gol gowşuryp synlaýarsyñ durmuşy,
Añy ýeten añsadyna garaýar,
Kysmatyna kaýyl ýüpek gurçugy,
P:ilesini diñe özi saraýar.
A biz bolsa dalla gözläp her ýandan,
Ynanýarys añyrsy boş kasama,
Sadadanmy, kadadanmy?, Bilemok,
Hakykatdan üstün gelýär ýasama.
Ynanmarsyñ, käte käbir dertlerde,
Girelge bar çykalgasy ýok ýaly,
Sabyr edýäñ umydyña ýapyşyp,
Gussalaryñ owurdyñda ö:t ýaly.
Onsañ şeýdip boş hyýala berilýäñ,
Süýji geljek hakda edýärsiñ pikir,
Muzdyn agtap ýa-da tanyş görülmän,
Arzuw etmekligiñ mugtlygna şükür...
Awtory: Baýram Bejidow
19
115
BaýramBejidow
28.10.2022 22:12
Öýlenen dostymyñ öýlenmedik dostyna beren maslahaty.
Giden ýeriñ GPS-li,
Ine-gana gezerlik ýok,
Aladañ artýar ep-esli,
Ir öýlenmäñ hezillik ýok!.
Sowjagy şotsyz bolmaly,
Telefon kodsyz bolmaly,
Öñkileñ atsyz bolmaly,
Ir öýlenmäñ hezillik ýok!.
Ysy geläýse çilimiñ,
Gyzyksyz aryp geleniñ,
Gepini çekip geliniñ,
Ir öýlenmäñ hezillik ýok!.
Bir garnyñ aç, naharlansañ,
Günäkär sen, gaharlansañ,
Iññirdiden goturlarsyñ,
Ir öýlenmäñ hezillik ýok!.
El uzatsañ suwa, içgä,
Pampers ýadyña düşýär,
Yrylaýmañ, boluñ hüşgär,
Ir öýlenmäñ hezillik ýok!.
Alan zadyñ satyp bolmaz,
Näzden gaçyp, sypyp bolmaz,
Çagañ aglar ýatyp bolmaz,
Ir öýlenmäñ hezillik ýok!.
Sähelçe gowşatsañ ünsiñ,
Öýiñ tukat, bolar ümsüm,
Ýadyñdan çykar çyn gülşiñ,
Ir öýlenmäñ hezillik ýok!.
Soña baka almaz jynyñ,
Kä minnetli atar dañyñ,
Degişme däl, eger çynym,
Ir öýlenmäñ hezillik ýok!...
Awtory: Baýram Bejidow
19
247
