Mowzuklar ❤GÜLHANYYM❤ » Sahypa 7

❤GÜLHANYYM❤

14.06.2022 22:07

(6-nji bölüm) Ajap haty düýbinden öçürdi.Gülkamar gelen hatdan habarsyz galdy.Suhanyñ agyrysyndan ünsi bölüner ýaly birnäçe kitapdyr hekaýalary ýollady.Gülkamardan gelen kitaplary gören Suhan çuñ

❤GÜLHANYYM❤

13.06.2022 21:20

(Bolan waka) Bu sözlere Gülkamar haýran galdy.Bägüliñ ýüzüne soragly seretdi. -Göniñden gelsene gyz,näme dìýjek bolýañ? -Men ol haty özüñe okadardymam welin... -Näme boldy,weliniñ näme? -Haty

114

❤GÜLHANYYM❤

11.06.2022 20:54

(Bolan waka.4-nji bölüm) Zyba gelneje gara bermedi...Suhan garaşdy,ahyry daña golaý uka gitdi.Guşlaryñ jürküldeşýän sesleri arzuwlaryndan el çeken ýigidi oýardy.Görse ertirligi getirilipdir.Suhan

149

❤GÜLHANYYM❤

10.06.2022 21:09

(Bolan waka,dowamy) Suhanyñ okuwa gelmeýänine ýigrimi dördülenji güni,Ýusup Suhan hakynda synpdaşlaryna gynançly habary aýtdy. -Suhan size köp salam ýollady.Bolan wakany siziñ bilmezligiñizi

138

❤GÜLHANYYM❤

09.06.2022 22:10

Bolan waka(Dowamy) Gülkamar ençe wagt görmek islän ynsanyny gördi.Ol kim bolup biler?!Elbetde ençe ýyllar elinde terbiýe alan öz uýasy ýaly görýän Hajar mugallymydy.Hajar mugallym mekdepde iñlis

131

❤GÜLHANYYM❤

08.06.2022 22:12

Bolan waka Güýz öz şatlykly güni bilen bile geldi.Bu gün hemmeler üçin begençli günleriñ biridi,aýratynam Gülkamar üçin köp garaşan günüdi.Her günkileri ýaly ir säher bilen turup,öý işlerini

116

❤GÜLHANYYM❤

07.06.2022 21:42

Kiçijek,ownuk"MÄHIR" daşlaryndan,hiç ýykylmajak"SÖÝGI"dagyny guruñ!Onuñ "BAGT" atly depesine dyrmyşjaklar diñe,atlaryny özüñiz saýlan ynsanlaryñyz bolsun. #🌹hanym

❤GÜLHANYYM❤

06.06.2022 22:02

Eýnşteýnden 10 sargyt

◇Gyzyklanmalaryň yzyndan galma!

Seni gyzyklandyrýan zadyň yzyndan galma. Maksada ýetmegiň, başarjaň bolmagyň üstünde işle. Mysal üçin, meni käbir adamlaryň gazanyp ýa-da gazanyp bilmezligi gyzyklandyrýar.

◇Yhlasyň bahasy ýokdur!

Öňüňde goýan maksadyň soňuna ýetmek üçin ýeterlik sabryň bolsun. Başlan işiň soňuna çenli dowam et. Men hem has akylly bolanlygym üçin däl-de kynçylyklara garşy soňuna çenli göreşenligim üçin maksadyma ýetýärin!

◇Ünsüň şu güne gönüksin!

Ähli zady bir wagtda, bir günde başarmak mümkin däl. Birbada birnäçe işi etjek bolýan ynsan şolaryň haýsy-da bolsa birine az üns berýändir. Ähli ünsüňi diňe şu güne gönükdir!

◇Hyýal güýjüňi ösdür!

Ol saňa üstünlikleriň, şowlulyklaryň ilkinji ädimi bolar, aslyýetinde ol seniň üçin zehinden hem zyýadadyr!

◇Ýalňyşmakdan gorkma!

Hiç wagt ýalňyşmakdan gorkma, çünki ýalňyşlyklar – bu kämilleşmegiň esasy serişdesidir. Hat-da çagajyk hem ýöremegi köp gezek ýykylyp öwrenýändir.

◇Ukybyňy tejribe bilen amal et!

Gyzyklandyrýan maglumatlaryňy okap, öwrenip däl-de, tejribede özleşdir. Şeýle ýol bilen sen maksadyňa has içgin aralaşarsyň!

◇Özüňi sylamagy we sylagdan peýdalanmagy başar!

Ilki bilen, başarjaň bolmaga däl-de, sylag-hormatly, jemgyýetde mynasyp abraýdan peýdalanmagy başar. Çünki sylag-mertebe gazanyp bilseň, üstünligiň özi siziň gapyňyzy kakar!

◇Şu pursat bilen gal!

Ertirki güni gowy garşylamagyň netijeli ýoly häzirki wagty degerli peýdalanyp bilmegi başarmakdyr. Sebäbi sende geçen güni ýa-da geljegi üýtgetmek üçin hiç hili mümkinçilik ýokdur. Şu pursat bolsa seniz öz eliňde!

◇Bitiren işiňe görä netijä garaş!

Durmuşda hiç hili täzeçilligi, üýtgeşikligi ýola goýman gowy netija garaşma. Garaşýan netijäňe ýetmek üçin yhlas et! Özgertmek üçin ilki özgermelisiň!

◇Kämil oýunda kämil oýunçy bol!

Durmuş meýdanynda sen bir oýunçysyň. Durmuşyň düzgünlerini dogry öwrenip, kämil hem-de gowy oýnamaga çalyş. Şeýle edilende, üstünlik mydama saňa ýaran bolar!

Eýnşteýni dünýäde meşhur eden sargytlaryndan netije çykarmak başartsyn.

118

❤GÜLHANYYM❤

05.06.2022 21:21

5 duýgy agzalaryñ diñe biri alyp bilýän bolsañ,haýsyny alardyñ...?Elbetde kyn sorag. 5 duýgy agzalarynyñ ählisi hem biri-birinden gerek. Görmän, eşitmän, ys alman, tagam bilmän ýa-da syzman ýaşaýmak gaty kyn. Emma diñe syzyş duýgusy bilen ýa-da ker, kör ýaşap hem uly üstünliklere ýetenler bar. Meselem iñ meşhurlarynyñ biri, diñe syzyş duýgusy bilen yaşan, Laura Bridgman (1829-1889) bolupdyr. Laura Bridgman ilkinji bolup iñlis dilini ýeterlik öwrenen, kiçiliginden ker we kör galan adam hasaplanýar. Ýene-de iñ meşhurlarynyñ biri, hat-da iñ meşhury diýseñ hem bolar, Helen Kellerdir. Şu makala hem Helen Keller barada. “Grag Monte de Kristo” ýa-da “Täsinlik (Wonder)” kinolary gören bolsañyz kitaplaryñ we esasanam mugallymlaryñ adamlaryñ özlerini ösdürmesi nähili möhümdigini bilýänsiñiz. Meñ pikirimçe Kelleriñ hekaýasy şo kinolara hakyky durmuşymyzdan esasy mysal bolup biler.

Iñ gowy we iñ owadan zatlary görüp bolmaýar, hat-da elläbem bolmaýar. Olary diñe ýürek bilen duýup bolýar.

— Helen Keller

Helen Kelleriñ durmuşy yhlas we hyýal etme güýji islendik kynçylygy ýenip biljekdigini görkezýän iñ möhüm mysallaryñ biridir. Helen Keller bakalawr derejesini gazanan ilkinji ker we kör zenandyr. Ol 1880-nji ýylyñ 27-nji iýunynda Amerikanyñ birleşen ştatlarynda dogulýar we 1968-nji ýylyñ 1-nji iýunynda, 88 ýaşynda aradan çykýar. Ol pedagog, ýazyjy bolupdyr. Helen Keller ker, kör bolsa-da eden işleri biz ýaly adaty adamlaryñkylardan ummasyz kän. Ýazan kitaplary diýjekmi, şikesliler üçin eden kömekleri, birnäçe guramalaryñ esaslandyryjylarynyñ biri diýjekmi... Pennsylwaniýa ştatynda, Kelleriñ doglan gününiñ 100 ýyllygyna bagyşlanyp, şo wagtky prezident Jimmy Carter tarapyndan, 27-nji iýun "Helen Keller güni" diýip yglan edildi.

Helen Keller 19 aýlyk wagty doly bilinmedik keseli sebäpli ker we kör galdy. Ol 6 ýaşyna çenli diñe 60 sany yşarat bilipdir. 1886-njy ýylda, H. Kelleriñ ejesi, Çarles Dikkensiñ ýazan kitaby Amerikan belliklerinde Laura Brigdman barada ýazylanlary okapdyr. We şeýdip gyzyny okatmagyñ aladasy bilen ol Aleksandr Graham Belle duşdy. Bell olara körler üçin bolan Perkins institutyny maslahat berdi. Netijede Anne Sulliwan Kelleriñ 49 ýyllap mugallymy boldy. Keller hemişe Sulliwanyñ ýanynda bolupdyr. Hat-da Sulliwan durmuşa çykandan soñ hem hiç daşlaşdyrmandyr.

Ýekelikde örän az zat edip bileris, birlikde biz örän köp zat edip bileriz.
- Helen Keller

Kelleriñ başda sözleri öwrenmesi gaty kyn bolupdyr. Sulliwan Kelleriñ bir eline jisimi berip beýleki eliniñ aýasyna bolsa sözi ýazypdyr. Emma onuñ şeýledigini, Sulliwan gelenden 1 aý soñ, Keller bir elinde suw akyp duran wagty düşünip başlapdyr.

1900-njy ýylda Helen Garward uniwersitetiniñ Redklif (Radcliff) kollejine gatnap başlady. 1904-nji ýylda, 24 ýaşynda Keller bakalawr derejesini gazandy.

1962-nji ýylda Helen Keller barada "Gudratly işçi (The Miracle Worker)" atly biýografiki kino düşürildi. Kinoda Keller bilen Sulliwanyñ keşbinde oýnan aktrissalar Oscar baýragyna eýe boldy. 2005-nji ýylda düşürilen "Gara (Black)" atly kino hem Kelleriñ durmuşyndan ylham alynan. 2013-nji ýylda düşürilen "Meniñ dünýäm" atly türkleriñ kinosy hem "Gara" kinonyñ üýtgedilen görnüşidir. Men diñe şo "Meniñ dünýäm" kinony gördüm we hökman görmegiñizi maslahat berýän.

Bu hekaýa men we mugallymym barada. ... mañlaýy bilen urşan we mümkin däli mümkin edenler. Meniñ içimde sesler sessizlige öwrüler, ýagtylygam garañkylaga. Bu dünýä ne görüler, ne eşidiler. Meniñ dünýämiñ ýeke ady bar: GARA.
- "Meniñ dünýäm" kinodan.

Keller dünýä belli gürrüñ beriji we ýazyjy bolupdyr. Ol şikesli adamlaryñ hukuk goraýjysy diýip ýatlanýar. Ol ker adamlara motiýasiýa bermek üçin 25 ýurda aýlandy. 1915-nji ýylda Keller we G. Kessler "Helen Keller Halkara (Helen Keller International)" guramasyny esaslandyrdylar. 1920-nji ýylda Keller "Amerikan ýaşaýjylarynyñ azatlyklary birleşigini" esaslandyrmaga kömek etdi.

Keller jemi 12 kitap we birnäçe makalalary ýazdy. Ilkinji ýazan bölegi, "Aýaz şasy (The Frost King)", 11 ýaşynda ýazypdyr. Helen braille(kör adamlaryñ okamagy üçin tapylan dil) dilini öwrenipdir we kitaplary şo dilde ýazypdyr. Başga-da ol adamlarynyñ agzyny elläp näme diýýänlerini bilmegi öwrenipdir. Özi gürlemäni hem öwrenipdir, ýöne näme diýýänine düşünmek kyn bolupdyr.

191

❤GÜLHANYYM❤

04.06.2022 22:08

INTERNETIŇ,TELEFONYŇ, TÄZE
TEHNOLOGIÝALARYŇ SAGLYGA BERÝÄN
ZYÝANY

Aragatnaşyklaryň we habarlaşmagyň täze tehnologik usullary adamlaryň has oňat okamagyna, işlemegine, täze maglumatlary almagyna, wagtlaryny gyzykly geçirmeklerine mümkinçilik berýär. Emma internetiň we öýjükli aragatnaşyk serişdeleriniň adam saglygyna ýetirýän ýaramaz täsiriniň bardygyny bilmek zerurdyr. Şu döwürde internet bilen iş salyşmaýan ýa-da öýjükli telefon ulanmaýan adamlary barmak basyp sanaýmaly diýsek ýalňyşmarys. Hemişe diýen ýaly eýesiniň ýanyndaky telefonyň we internetiň täze psihiki keselleriniň döremegine sebäp bolýandygyny lukmanlar şu wagta çenli äşgär etmändiler. Aşakda iň ýaýran we indi inkär edilmeýän kynçylyklar baradaky maglumat beýan edilendir.

Hyýaly jaň eşitme duýgusy we telefonsyz galma gorkusy

Telefonyna jaň gelmese-de, onuň sesi eşidilýän ýaly bolýar. Bedenimizde sähelçe bir sanjylama duýsak ýa-da töwerekde bir ses eşidilse, biz ony telefon jaňy bilen baglanyşdyrýarys. Bu özboluşly kesel stress netijesinde döräp, ol örän giňden ýaýran üýtgeme bolup durýandyr. Başga-da giňden ýaýran psihiki bozulmany nomofobiýa diýlip atlandyryp, bu düşünje nomobilefobiýa sözünden gysgaldylyp alnandyr. Başgaça aýdanymyzda, bu söz öýjükli telefonsyz galmakdan döreýän gorkyny aňladýandyr. Şeýle ýagdaýdan ejir çekmeýänler az-azdyr. Käbir adamlaryň telefonynyň akkumulýatory çöken bolsa, olar biraz howsala düşýärler. Emma käbirleri bolsa özüni hakyky betbagtçylyga uçran ýaly alyp barýarlar.

Kiberkesel

Bu bozulmanyň asyl häsýetnamasy, adamyň käbir elektron enjamlary bilen işleşende, baş aýlanma, ýürek bulanma, nirä ýöreýänini bilmezlik duýgusy ýaly alamatlaryň ýüze çykmagyndan ybaratdyr. Kiberkesel adalgasy eýýäm 1990-njy ýyllarda howaýy (wirtual) hakykatyň ilkinji enjamlary ulanylyp başlananda girizildi. iOS-iň täze görnüşi işlenilýänçä, iPhonyň eýeleri hem ýürek bulanma arz edýärdiler. Bu bozulma ýene-de "san deňiz keseli" ady bilen hem bellidir.

Facebook-gamlanmasy

Ýaşlar köplenç inernet arkaly jemgyýetçilik ulgamlarynda tanyşýarlar, bir-birleri bilen habarlaşýarlar. Näçe uzak aragatnaşyk sakladyklaryça, olaryň şonça-da keýpi bozulýar, olar köplenç gam-gussaly, aladaly bolýar. Munuň sebäbini şeýle düşündirmek bolar. Jemgyýetçilik ulgamlarynda habarlaşýan adamlar internetde özleriniň diňe gowy taraplaryny görkezmäge çalyşýarlar. Olar gözel ýerlerde düşen, hemme taraplaýyn owadan suratlaryny goýý"arlar. Olara seredýän adamyň göwnüne hemmeler özünden bagtly, owadan, şadyýan ýaşaýan ýaly bolýar. Onuň dura-bara öz-özünden, ýaşaýyş durmuşyndan göwni geçip başlaýar.

Internet-garaşlylyk

Internete garaşly adam ondan asla çykasy gelmeýär. Internete girip bilmedik ýagdaýynda howsala düşýär. Wagtynyň köp bölegini internetde geçirýän adam durmuşyň beýleki taraplaryny ünsden düşürýar. Ol şahsy durmuşyna, işine ýer galdyrmaýar. Alymlar şeýle bozulmanyň neşekeşlige ýa-da psihiki bozulma degişli edilmeginiň dogrulygy barada ylmy çekeleşikleri alyp barýarlar.

Onlaýn-oýunlara garaşlylyk

Onlaýn-oýunlara garaşly bolmak has ýygy we weýran ediji kesel hasaplanylýar. Adam şeýle oýunlara gyzygyp, özüni oýnuň bir gahrymany ýaly duýýar. Ol ýuwaş-ýuwaşdan howaýy, oýun durmuşyna girişip, hakykatda işini, maşgalasyny ýitirýär, horlanýar, hatda öz janyna hem kast edýär.

Kiberhondriýa

Kiberhondriýadan ejir çekýän adam internetde keseller barada okap, olaryň köpüsiniň özünde bardygyna ynanýar. Netijede, sähelçe kellesi agyrýan bolsa-da, şeýle adam özüni agyr kesele üçran ýaly alyp barýar. Özüni ynandyryp, ol hakykatdan hem saglygyna zyýan ýetirýär, oýlap tapan keseline duçar bolýar.

"Google täsiri"

Şeýle keselli adam özüne hiç hili bilimiň gerek bolmajakdygyna şübhesiz ynanýar. Onuň pikiriçe, islendik maglumaty Google arkaly alyp bolýarka, haýsydyr bir zady ýatlamagyň geregi ýok. Google peýdalanýan adam başgaça pikir etse-de, onuň "Google täsirine" garşy durnuklylygy bolmaýar. Beýni bir zady ýatda saklamak üçin özüne agram salmaýar, maglumatlary bir ýerden taýýar görnüşde almaga öwrenişýär.

Ertir сomdada gabat gelýar, agzalar arasynda göwne degişmek, bir birine awysyny pürkmese injalmaýan agzalar.
Azajyk özüňize serediň bäri internet öziňizi internete bermäň, ýazlan hatyň her birine jogap berjek bolsaň naçe wagtyňyz gitýar.
Nerw ulgamyna agram salyp bir biriňiz bilen uryşýaňyz, sögüşýan wagtyňyza gabat gelýan, o zatlar näma gerek, bar kesel nerw ulgamyndan, sowuklamadan başlaýandyr.
Öziňize serediň geçirimli bolyň, göwne degiji söz ýazmaň, gaharyňyz gelse internetiňizi az wagtlyk ýapyň, soňrak giriň köşeşersiňiz.
Nerwe agram düşse titrap başlarsyňyz, dürli dermanlara baglanarsyňyz, titreme “parkinson”keseller nerw ulgamynyň agyr kesellerine degişli. Giňrak bolyň wertual gatnaşyga çynlakaý ýapyşmaň!?

1.Ukuňyzy wagtynda alyň
2.Çöregiňizi wagtynda iýiň!
3.Arassa howada gezelenç gezim ediň!
4.Yokanç kesellerden ägä bolyň!
5.internete gireňizde degşip gülşiň, araçäkden çykmaň
6.Göwne degiji söz ýazmaň, öziňize ýazylan ýagdaýda geçirmäni başaryň ýada gapba garşy jogap ýazyň

Baryňyza saglyk, ruhy şatlyk isleýän!

117