Эльф
18.11.2020 17:48
Ýagşylygy pis bilmez,
Är ýanynda bellidir,
Görer gözüń gymmaty
Kör ýanynda bellidir.
Däli köñül daýanjy,
Ýokdur dünýä ynanjy
Sag gulagyñ guwanjy
Ker ýanynda bellidir
Eger pir sen, eger ýaş
Kylma syryň halka paş,
Syr saklagan mähek daş
Zer ýanynda bellidir.
Bu dünýäniň myrady,
At, zagyfdyr zürýady,
Arwananyň kuwwaty
Ner ýanynda bellidir.
Bolsa gamdan halasym,
Ýaza dönse gyş paslym
Magtymguly, yhlasym
Ýar ýanynda bellidir.
8
149
Эльф
02.11.2020 14:10
Käte ýanyp gezdim,
Käte tüsseläp.
Käte üşäp gezdim,
Käte yssylap.
Kä belentläp uçdum, käte pessaýlap.
Öz uçuşym.
Özge ganat küýsemen.
Bogulyp gezsem-de ýoluň çaňynda,
Egilip gezmedim adam öňünde.
Diňe Enem, Atam, Watan öňunde
Üç büküldim
Aýry kysmat küýsemen.
Söýüp gördüm,
Söýlüp gördüm dünýäde.
Kesewi dek köýüp gördüm dünýäde.
Arzuw atly gaçdy. Ykbal pyýada.
Döz gelipdim.
Indem aňsat küýsemen.
Kerräk bolsa - gulak bolsam adama,
Şerräk bolsa - ýürek bolsam adama.
Gerek bolsa - kömek bolsam adama -
Öwezine
Hüşür - zekat küýsemen.
Doglamda doguldym ak zada suwsap -
Ak süýde, aksakgal ussada suwsap.
Indi görüp ýörsem:
iň, ak zat - ynsap.
Ynsapdan ýokarda
Ussat küýsemen.
...Ýeri iňledip dur uruşly sowal.
Soradym toprakdan: - Niçik bor ahwal?
Diýdi: - Erkek erkek,
aýal hem aýal
Bolup bilse,
Başga myrat küýsemen!
Kerim Gurbannepesow.
* Goşgy gysgaldylyp alyndy.
8
296
