Ýaş şahyr 97
06.05.2024 22:32
Diňle gülim, diýjek sözüm,
Hemmeden gabanýan seni.
Her ýana bakmasyn gözüň,
Hemmeden gabanýan seni.
Ýere seredip ýöräýdä,
Saçyňy iki öräýdä,
Meniň halyma dözäýdä,
Hemmeden gabanýan seni.
Öýüňden çykaňda daşa,
Ýalyňňy ataýgyn başa,
Beýlede bezenme aşa,
Hemmeden gabanýan seni.
Internetden çykyp göýber,
Udalide basyp göýber,
Kanallarňy pozup göýber,
Hemmeden gabanýan seni.
Owadan bolsaňam kynda,
Lak atan tapylýar günde,
Ýöräber sessizje dymda,
Hemmeden gabanýan seni.
Dar köýnek, asla geýmegin,
Ýalan sözläp, poh iýmegin,
Oglana dostum diýmegin,
Hemmeden gabanýan seni.
Söýen gyz, ikilik etmez,
Närza edip, özgä gitmez,
Her kesiň, bagynda bitmez,
Hemmeden gabanýan seni.
Gyz göwni bir, näzik bolar,
Öýkelek hem, lälik bolar,
Bil Hangeldi, ýazyk bolar,
Hemmeden gabanýan seni.
Ýaş şahyr:Hangeldi Orazmyradow.
27.04.2024.
18
37
Ýaş şahyr 97
24.04.2024 22:49
GYZ
Jogap bergin, oglan sözüme,
Neçün beýdip?, garaýaň maňa.
Ogryn-ogryn, bakma gözüme,
Neçün beýdip?, garaýań maña.
Oglan.
Jogapsyz goýmaýyn sözüňi,
Söýdüm seni, ýaraýaň maňa
Jerene meňzetdim gözüňi,
Söýdüm seni, ýaraýaň maňa.
Gyz
Atam görse, janyňy alar,
Kowalap yzyňdan, it salar,
Oglan ýüregiň, derde galar,
Neçün beýdip?, garaýaň maňa.
Oglan.
Olüm bir , ajy şerbetdir,
Ýarsyzlyk, ondanam erbetdir,
Aşyk dermanyna beletdir,
Söýdüm seni, ýarayaň maňa.
Gyz.
Kaýdan geldiň, menzil aşyryp,
Dogan aý dek, güniň ýaşyryp,
Her sözüňde, aklym çaşyryp,
Neçün beýdip?, garaýaň maňa.
Oglan.
Biziň ile, Ahal diýerler,
Tagam duzy, halal iyerler,
Ýigitlermiz telpek geýerler,
Söýdüm seni, ýaraýaň maňa.
Gyz.
Tekeden gelen, türkmen ýigdi,
Seni çyndan, ýüregim söýdi,
Ugrumda ençe, sallah köýdi,
Neçün beýdip?, garaýaň maňa.
Oglan.
Kebelek dek gaýýan her ýana,
Men bolsa, ugruňda perwana,
Etme meni, däli diwana,
Söýdüm seni, ýarayaň maňa.
Gyz.
Sawcylyga, ugrat hossaryn,
Toýuňa çagyrgyn, dost-ýaryň.
Jan saglyga dile, tost baryn
Neçũn beýdip?, garaýaň maňa.
Oglan.
Gülim, bu sözlerňe döneýin,
Tä ömrüm, ötünçä, söýeýin,
Başyň, al öýmede göreýin,
Söýdüm seni, ýaraýaň maña
Ýaş șahyr:Hangeldi Orazmyradow.
18
58
Ýaş şahyr 97
16.04.2024 00:11
Dogan dogandan, el üzer,
Durmuş kynlaşan mahaly.
Ärler gözüne, ýas düzer,
Durmuş kynlaşan mahaly.
Ýardam bermek, ýatdan çykar,
Baý garyby, burça dykar,
Dost-dostuň, köňlüni ýykar,
Durmuş kynlaşan mahaly.
Mätäçler, barla, gul bolar,
Ärli gelinler, dul bolar,
lýip içeniň., ýal bolar,
Durmuş kynlaşan mahaly.
Adamzatdan, mal șat gezer,
Gaýgy, gussadan, ýat gezer.
Ne güler, nede mat gezer,
Durmuş kynlaşan mahaly.
Özűňe siňmez baýlygyň
Ýetmez her alan aýlygyň,
Mis bolar, altyn şaýlygyň,
Durmuş kynlaşan mahaly.
Şahyr geldi şol zamana,
Toba eýläp, gel amana,
Aýdanlaň döner samana,
Durmuş kynlaşan mahaly.
Ýaş şahyr:Hangeldi Orazmyradow.
Goşgy düzdürmek üçin +99363842143
23
41
Ýaş şahyr 97
13.03.2024 22:57
Käte undyp, gam-gussany,
Dünýäň, eșretin göreliň.
Şatlyga besläp kyssany,
Dünýäň, eşretin göreliň
Söýgüde Allanyň ady,
Ýüregmiziň gerek zady,
Ýygnap, tanyş, ýakyn ,ýady,
Dünýäň, eșretin göreliň.
Alada tapdyr, her ýerde,
Belkem durandyram serde,
Ýüz bermän, kiçijik derde,
Dünýäň, eșretin görelin.
Tebigatda lezzet kändir,
Ýagsy kişä, hezzet kändir,
Duýmaýana, ezýet kändir,
Dünýäň, eşretin göreliň,
Joşuryp ýaşlyk humaryn,
Synlalyň, gözel kenaryn,
Tagamyn dadyp enaryň,
Dünýäň, eșretin göreliň.
Hangeldi, jahany gezsek,
Gudratly ýerleri görsek,
Agşam ýatyp, säher örsek,
Dünýäň, eşretin göreliň.
Ýaş şahyr:Hangeldi Orazmyradow
GOŞGY DÜZDÜRMEK ÜÇIN+99363842143.
23
51
Ýaş şahyr 97
25.02.2024 00:05
Adam ogly, durmuş gurup,
Ene-atadan , daş bolma.
Haram pula, meýlis gurap,
Maşgalaň bilen şat bolma.
Bu durmuşda gynasalar,
Zähmet bilen synasalar,
Agam diýip sylasalar,
Iliň öňüne, baş bolma.
Adam bolan, derde galsa,
Hakdan diläp, ýardam alsa,
Zenan saňa, sala salsa,
Dury pikirlen, ýaş bolma.
Bir gözeli, söýer bolsaň,
Onuň üçin, köýer bolsaň,
Söýmedigni, duýar bolsaň,
Abraýdan düşüp, mat bolma.
Erkek bolan, ownap barýar,
Zenan bolan, aýnap barýar,
Seret, çagaň dagap barýar,
Öz dogmaňdan bir, ýat bolma.
Hangeldi, ömür içinde,
Güni kyn, döwür içinde,
Bar kişi, gowur, içinde,
Özüň kiçeldip, dat bolma.
Ýaş şahyr;Hangeldi Orazmyradow.
Habarlaşmak üçin+99363842143.
21
26
Ýaş şahyr 97
21.02.2024 10:43
Eý, ýaranlar halaýyklar,
Kakanyň gadyryn biliň.
Sözüm hakdyr jemagatlar,
Kakanyñ gadyryn biliñ.
Köşk-eýwan jaýyň bolsada,
Zöhre deý taýyň bolsada,
Her näçe zalym bolsada,
Kakanyň gadyryn biliň.
Seniň ryskyňdyr barlygy,
Görkezme oňa harlygy,
Dowzahdan ýalyn zarlygy,
Kakanyň gadyryn biliň.
Maşgalaň erki şoň bilen,
Çaganyň görki şoň bilen,
Ojagyň durky şoň bilen,
Kakanyň gadyryn biliň.
Ýanynda bolgunyň sada,
Derdine derman bol ýa-da,
Göwnün ýykma, sähel zada,
Kakanyň gadyryn biliň.
Hangeldi entek dirikäň,
Ile gerekleň birikäň,
Ataň guwanjy şirikäň,
Kakadyn gadyryn bilgin.
ÝAŞ ŞAHYR:Hangeldi Orazmyradow.
GOŞGY DÜZDÜEMEK ÜÇIN+99363842143
25
113
Ýaş şahyr 97
20.02.2024 11:01
Bagyşla, jydamok indi,
"Näme bolýar" diýme maňa
Oýnuňa ýaramok indi,
"Näme bolýar" diýme maňa.
Özge ýigdi, söýýän diýdiň,
Şonuň üçin, köýýän diýdiň,
Bagtlydygmy duýýan diýdiň,
Ömrüm bagly, diýdiň şoňa.
Hany unutdym diýdiňä,
Kem-kem sowaşdym diýdiňä,
Ýene-de söýýän diýdiňä,
Başga näme gerek maňa.
Hangeldi sulhy almady,
Söýgüňi ýa-da salmady,
Hiç kime, ynam galmady,
Hakdan medet, gerek saňa.
Ýaş şahyr:Hangeldi Orazmyradow.
21
59
