Ýaşşahyr.
25.09.2020 00:29
Käte undyp gam-gussany,
Dünýäň, eşretin göreliň.
Şatlyga besläp kyssany,
Dünýäň, eşretin göreliň.
Söýgüde Allanyň ady,
Ýüregmiziň gerek zady,
Ýygnap, tanyş, ýakyn ,ýady,
Dünýäň, eşretin göreliň.
Alada tapdyr, her ýerde,
Belkem durandyram serde,
Ýüz bermän, kiçijik derde,
Dünýäň, eşretin göreliň.
Tebigatda lezzet kändir,
Ýagşy kişä, hezzet kändir,
Duýmaýana, ezýet kändir,
Dünýäň, eşretin göreliň.
Joşuryp ýaşlyk humaryn,
Synlalyň, gözel kenaryn,
Tagamyn dadyp enaryň,
Dünýäň, eşretin göreliň.
Hangeldi, jahany gezsek,
Gudratly ýerleri görsek,
Agşam ýatyp, säher örsek,
Dünýäň, eşretin göreliň.
Ýaş şahyr:Hangeldi Orazmyradow.
4
246
4
Ýaşşahyr.
16.09.2020 11:03
Ykbal bizi, aýra salsada,
Men henizem, seni gözleýän.
Umydym, üzülip galsada,
Men henizem, seni gözleýän.
Eştdim, başyň boglupdyr, öýmä,
Ornam galmady, öýke kinä,
Giden bolsaňam, uzak ýana,
Men henizem, seni gözleýän.
Wada gitdi, şemala gaýyp,
Bagt guşmyz uçdy, ganat ýaýyp,
Indi, söýmek, bolsada aýyp,
Men henizem, seni gözleýän.
Kimden gördüň, beýle sütemi,
Ah, jogapsyz, goýduň hatymy,
Bolsaňda, özgäniň hatyny,
Men henizem, seni gözleýän.
Egniňden erkiň alypdyrlar,
Özgäde, galyň salypdyrlar,
Razylyk, alman satypdyrlar,
Men henizem, seni gözleýän.
Asla saňa, diýmen biwepa,
Şat gez, her giz, çekmegin jepa,
Diläp, her demde, sowky sapa,
Men henizem, seni gözleýän.
Gel indi, temany öwreli,
Mämeleri , goşa düwmeli,
Sen ene, bolsaňda göwreli,
Men henizem, seni gözleýän.
Toýuň ýasa öwrüpsiň aglap
Maňa beren sözüňi ýatlap,
Suratyňy, ýüregme baglap,
Men henizem, seni gözleýän.
Joraňdan ýollaýan salamym,
Hökman okaňyn şu kelamym,
Doýma ýok görküňden mylaýym,
Men henizem, seni gözleýän.
Hangeldi, yrzadyrla senden,
Sen hem yrza bolgunyň menden,
Niçe aýlar geçsede, şindem,
Gülälek men, seni gözleýän.
Ýaş şahyr:Hangeldi Orazmyradow.
8
360
9
Ýaşşahyr.
13.08.2020 00:04
Pyragym, neçün hakykat,
Ýer ýüzünden, gaçyp barýar.
Kada, kanunly şerigat,
Bizden ara, açyp barýar.
Aýdanlaň bary, puç boldy.
Özge şygyrlar täç boldy.
Indi şygyr hem paç boldy.
Şahyrlyk borç, ýitip barýar.
Käbir ynsan, hetden aşdy,
Sözün bilmän, akly çaşdy.
Indi ýurduň, güni ýaşdy.
Her kim, ornun tapyp barýar.
Kybla ýüzlenmeli ady,
Özgä aýdyp, galan bady,
Kimseleň, han, göwün şady,
Halkyň aňy, öçüp barýar.
Ýagşylaň, pendini alman,
Ýaradany ýada salman,
Jemagatlar munda galman,
Özge ýurda, göçüp barýar.
Hangeldi, Pirin, ýat edip,
Bahyllaň sözün, mat edip,
Bäş günlik demin, şat edip,
Şygryn miras, goýup barýar.
Ýaş şahyr:Hangeldi Orazmyradow.
5
70
1
Ýaşşahyr.
11.08.2020 23:12
Al ýaňakly, künji dişli enaýym,
Özüň gelde ýetiş, meniň dadyma.
Ak göwüsli, jeren gözli, penaýym,
Özüň gelde ýetiş, meniň dadyma.
Gel keýigim, bile, söhbet açaly,
Al ýaşyly geýip, Sähra çykaly,
Kap dagynda, gülşip, meýlis guraly,
Özüň gelde ýetiş, meniň dadyma.
Gursagyma siňen, kaddy kamatyň,
Däp bolup galypdyr, ruhy adatyň,
Ýalňyzlykda galan, perişan halatym,
Özüň gelde ýetiş, meniň dadyma.
Aýdar Hangeldi şol gyzy söýmeli,
Şol ýar üçin, oda, ýanyp köýmeli,
Onuň bilen özüň, bagtly duýmaly.
Özüň gelde ýetiş, meniň dadyma.
Ýaş şahyr:Hangeldi Orazmyradow.
9
39
0
Ýaşşahyr.
03.08.2020 00:17
Halaýyga habar saldym,
Il dili, ala Pyragym.
Jemagata nazar saldym,
Il dili, ala Pyragym.
Salam berdim almadylar,
Gybat etmän galmadylar,
Haky ýada salmadylar,
Il dili, ala Pyragym.
Her kim, bähbidine çapdy,
Käsi şerden, haýyr tapdy,
Myhman gelse, törün ýapdy,
Il dili, ala Pyragym.
Kuwwaty bolan parlady,
Gurply, garyba harlady,
Perzent, pedere arlady,
Il dili, ala Pyragym.
Hak sözi, goşga ýazaýyn,
Kärimi söýüp, azaýyn,
Ölsemem, belläp galaýyn,
Il dili, ala Pyragym.
Hangeldi ýazara, zat kän,
Ýöne ýazanlaň, bary san,
Her kim, özüçe bir han,
Il dili, ala Pyragym.
Ýaş şahyr:Hangeldi Orazmyradow.
5
92
4
Ýaşşahyr.
01.08.2020 20:32
Ýer şaryň özi, kiçijik nokatdyr,
Neneň duýup, aglamaýyn Pyragym.
Munda adamlaryň, sussy çöketdir,
Neneň duýup, aglamaýyn Pyragym.
Jennet gapysy, kimsä, nesip eder,
Ynsanlar, baýlyk diýip, hesip eder,
Akmaklar, akyllyny, pesip eder,
Neneň syzyp, aglamaýyn Pyragym.
Dünýäde utulan bada, utan ýok,
Gör, diň sal söze, jahany tutan ýok,
Halaýyksyz, ýer ýüzünde, watan ýok,
Neneň aňyp, aglamaýyn Pyragym.
Ýagdaýy bolman, geýimi, sal-sal bar,
Ýarawly azdyr, her dürliräk hal bar,
Bu eýýamda, agzybirlik ýok, al bar,
Neneň görüp, aglamaýyn Pyragym.
Jansyz serişdä, amanlyk, ne derkar,
Ýagşy ynsana, ýamanlyk, ne derkar,
Goşary egrä, gümanlyk, ne derkar,
Neneň bilip, aglamaýyn Pyragym.
Hangeldi, şygryýetiňde, kemiň bar,
Haky sözlegin, bäş günlük, demiň bar,
Söz ussady, Magtymguly Piriň bar,
Neneň uýup, aglamaýyn Pyragym.
Ýaş şahyr:Hangeldi Orazmyradow.
3
384
2
Ýaşşahyr.
31.07.2020 05:45
Allajan ähliňiziň berýän sadakalarňyzy, okan aýat-töwürlerňizi Kabul eýlesin.
4
71
1
Ýaşşahyr.
30.07.2020 01:19
Men beýle nurana däl, hemmeler ýaly,
Ýokdur, ýaňaklarymyň, röwşeni haly,
Adama, görkem, durkam, gerekdir welin,
Esasy zat, päk bolsun, niýeti päli.
Ýaş şahyr:Hangeldi Orazmyradow.
9
577
2
Ýaşşahyr.
29.07.2020 01:06
Eý, musulmanlar, halaýyklar,
Şägirt, kemala, getirsedim.
Şygra salyp, diýjek sözümi.
Şol, jemala ýetirsedim.
Namazlygyň, üstüne çöküp,
Doga kylsadym, derim döküp,
Atsyz, pyýada, menzil söküp,
Hajy Parzymy bitirsedim.
Ýalan gybatlary tankytlap,
Hak öwütlerini takyklap,
Her dem, niýetimi, tämizläp,
Ýaman, gylygmy, ýitirsedim.
Hangeldi, ser salma, çyraga,
Ajal ýetse, gaçma gyraga,
Nesip etse, duşup Pyraga,
Hemişe möhrün, bitirsedim.
Ýaş şahyr:Hangeldi Orazmyradow.
7
457
9
Ýaşşahyr.
25.07.2020 17:33
Köne düşünjäni, aýyrmak gerek,
Diýip, gulagma ýaňlanýar, her ýerden.
Pyragyň ýoly, öwüt, dälmi eýse,
Näme sebäp bilen, pozaýyn serden.
Ýaş şahyr:Hangeldi Orazmyradow.
6
1 026
2
Yene yükle
