Serdar Azmun iň netijeli 5-nji futbolçy Özbegistan bilen Eýranyň ýygyndylarynyň arasynda oýnalan ýoldaşlyk duşuşygynda eýranlylar 2-1 ýeňiş gazandy. Duşuşykda olaryň 1-nji goluny geçiren Serdar
“Ýuwentusyň” täze ýyldyzy Italiýanyň soňky 9 ýylynyň çempiony “Ýuwentus” Duglas Kostany “Bawariýa” ugradyp, ornuna “Fiorentinanyň” ýaş italýan futbolçysy, gapdal hüjümçi Federiko Kiezany transfer
Dünýäniň iň uly klublarynyň sanawynda öňdäki orny eýeleýän “Real Madrid” 40 ýyldan soň taryhy wakany başdan geçirýär. Topar 40 ýyldan soň ilkinji gezek 1 oýunçy hem transfer etmezden möwsüme başlady. Olar soňky gezek 1980-1981 möwsümine ýeke oýunçy hem transfer etmezden başlapdylar. Tälimçi Zinedin Zidan toparyň düzüminiň juda gowudygyny belläp, ol geçen möwsümi kärendesine geçiren oýunçylary hem-de ýaşlaryň arasyndan 1–2 futbolçyny esasy düzüme çagyrmak bilen çäklendi. Ýagny geçen möwsümi kärendesine geçiren Martin Odegaard, Alwaro Odriozola hem-de ýaşlar düzüminden ukrainaly derwezeçi Andreý Lunin dagy esasy düzümde çykyş etjek täze oýunçylar boldy. Şeýle-de topardan Serhio Reguilon, Aşraf Hakimi, Hames Rodriges hem-de Garet Beýl ýaly oýunçylar bolsa başga klublara geçdi.
Häzirki wagtda “Barselonada” galyp-galmajakdygy gümana bolan super ýyldyz Lionel Messi eger-de galaýan ýagdaýynda onuň girdejisi 1 milliard dollardan geçer. Bu barada Forbes žurnaly habar berýär. Messi 2020-2021 möwsümini “Barselonada” tamamlan ýagdaýynda onuň karýerasy boýunça umumy toplan girdejisi 1 milliard dollara ýeter. Şeýlelikde, ol 1 milliard dollar gazanan 2-nji futbolçy, 4-nji türgen bolar. Mälim bolşy ýaly, futbolçylardan Kristiano Ronaldonyň umumy girdejisi şu ýyl 1 milliard dollara ýetipdi. Ondan ozal bolsa, golfçy Taýger Wuds bilen boksçy Floýd Meýwezeriň girdejileri-de 1 milliard dollardan geçipdi.
Ýewropa ligasynda ilkinji finalçy “Sewilýa” boldy. Kubogy iň köp eýelän topar ýarym finalda “Mançester Ýunaýtedden” 2-1 hasabynda üstün çykdy. Germaniýanyň Köln şäherinde oýnalan duşuşygyň 9-njy minutynda Bruno Fernandeş penaltini dürs urup hasaby açdy. 26-njy minutda bolsa, Suso owadan urgy bilen hasaby deňledi. Oýnuň 78-nji minutynda-da Luuk de Ýong “Sewilýany” öňe saýlady. Bu duşuşykdaky soňky gol boldy we “Sewilýa” 4 ýyldan soň, finala çykmagy başardy. Onuň finaldaky garşydaşy şu günki “Inter”–“Şahtýor Donesk” duşuşygyndan soň belli bolar. Final duşuşygy 21-nji awgustda oýnalar.
“Barselonanyň” “Bawariýadan” 8–2 utulyp, ýaryşdan çykmagy taryhy waka boldy. Katalonlar bu duşuşykda birnäçe antirekord netije “gazandylar”. Mysal üçin, olar Çempionlar ligasynyň taryhynda 1 duşuşygyň 1-nji ýarymynda ilkinji gezek derwezelerine 4 gol goýberdiler. * “Barselona” 1946-njy ýyldan soň, 1 duşuşykda 8 pökgi geçirdi. 1946-njy ýylda Ispaniýanyň Kubogy ýaryşynyň 1/16 finalynda “Sewilýadan” 8-1 ýeňlipdi. * “Bawariýanyň” şu möwsümde geçiren gollarynyň sany 155-e ýetdi. Bu olaryň rekordy bolup, ozalky rekordlary 152 goldy (1972/73). * Oýunda 2 gol geçiren Tomas Mülleriň “Barçanyň” torundan girizen gollarynyň sany 6-a ýetdi we bu islendik futbolçynyň görkezijisinden ýokarydyr. * Geçen möwsümde-de “Tottenhamy” 7–2 ýeňen “Bawariýa” Çempionlar ligasynda 1 duşuşykda ilkinji ýola 8 gol geçirdi. * Şeýle-de bu duşuşykda geçirilen 10 gol Çempionlar ligasynyň taryhyndaky iň köp golly 3-nji duşuşyk diýlip hasaba alyndy. 1-nji ýerde “Borussiýa Dortmund”–“Legia Warşawa” duşuşygy bolup, oýun 8-4 hasabynda tamamlanypdy. 2-nji hatarda “Monako”–“Deportiwo” oýny bolup, bu duşuşyk 8-3 hasaby bilen netijelenipdi. * “Barselona” 2007/2008 möwsüminden soň, ilkinji gezek bir möwsümi kuboksyz tamamlar. * UEFA Çempionlar ligasynda soňky 14 ýylda ýarym finalda ne Kristiano Ronaldo bar, ne-de Lionel Messi.
Ýylyň iň köp pul gazanan futbolçylary ABŞ-nyň ykdysady žurnaly “Forbes” ýylyň iň köp pul girdeji gazanan futbolçylarynyň sanawyny habar berdi. Sanawyň başyny bu ýylam Lionel Messi çekip, argentinaly super ýyldyz soňky 12 aýyň dowamynda 12 aýyň dowam 120 million funt sterling gazanypdyr. Onuň ezeli bäsdeşi Kristiano Ronaldo 109 million funt sterling bilen 2-nji ýeri eýeledi. 3-nji hatardaky braziliýaly Neýmar geçen 12 aýyň dowamynda 87 million funt sterling gazanmagy başarypdyr. Garet Beýl 4-nji, Antuan Grizmann 5-nji, Edin Azar 6-njy, Andres Iniesta 7-nji, Rahim Sterling 8-nji, Robert Lewandowski 9-njy hem-de Kilian Mbappe 10-njy orny eýeledi.
1. Lionel Messi – 120 million funt sterling 2. Kristiano Ronaldo – 109 million funt sterling 3. Neýmar – 87 million funt sterling 4. Garet Beýl – 35,45 million funt sterling 5. Antuan Grizmann – 35,25 million funt sterling 6. Edin Azar – 32,06 million funt sterling 7. Andres Iniesta – 31,14 million funt sterling 8. Rahim Sterling – 30,96 million funt sterling 9. Robert Lewandowski – 26,56 million funt sterling 10. Kilian Mbappe – 24,73 million funt sterling
Willian Londonda galdy! Londonyň “Çelsi” toparyndan gaýdan braziliýaly futbolçy Willian şäheriň başga bir kluby “Arsenal” bilen 3 ýyllyk şertnama baglaşdy. Başgaça aýdylanda, ol Londonyň merkezinden demirgazygyna geçdi. 32 ýaşly oýunçynyň transferi bilen baglanyşykly “Arsenalyň” tälimçisi Mikel Arteta “Tüýs bize gerek oýunçy, biziň oýnumyza şowly goşant goşjakdygyna berk ynanýaryn” diýdi. Karýerasyna ýurdunyň “Korintians” klubunda başlan Willian soňlugy bilen, “Şahtýor Donesk” we “Anži” klublarynda oýnady. 2013-nji ýylda “Çelsiniň” hataryna goşulan Willian täze toparynda 12-nji belgili köýnekçäni geýer.
