“Ýuwentusyň” täze ýyldyzy​
Italiýanyň soňky 9 ýylynyň çempiony “Ýuwentus” Duglas Kostany “Bawariýa” ugradyp, ornuna “Fiorentinanyň” ýaş italýan futbolçysy, gapdal hüjümçi Federiko Kiezany transfer etdi. Turinliler 22 ýaşly Kieza bilen 2 ýyllyk kärendesine şertnama baglaşdy. Goja Sinýoralylar Kiezanyň kärendesi üçin şu ýyl 3, geljek ýylda-da 7 million ýewro berer. Oýunçyny ymykly transfer etmekçi bolsa-da, 2 ýyldan soň, ýene-de 40 million ýewro tölemeli bolar. Bir döwürleriň meşhur ýyldyzy Enrike Kiezanyň ogly bolan Federiko täze toparynda 22-nji belgili köýnekçäni geýer. Kieza bilen “Milan” topary hem içgin gyzyklanýardy. Kieza “Fiorentinada” 5 ýylda 153 oýunda 34 gol geçirdi.

Sport habary 
Taýýarlan: Hangeldiakbayew