zumerret_
29.08.2024 23:32
![]()
Beýniňi aldap, nahary has tagamly etmegiň 5 ýoly
Eger-de, nahary tagamly bişirip bilmeýän hem bolsaňyz, ýakynlaryňyza ýaranmaga mümkinçilik bar. Aşakdaky makalada naharyň has tagamly görünmegi üçin ýerine ýetirilmeli käbir maslahatlar berilýär. Olaryň arasynda hakykatdan-da peýdaly täsir edýänleri bar.
Ilki bilen nahar gowy görünmeli.
Eger-de siz telewizorda nahar taýýarlanylyşy barada gepleşikleri gören bolsaňyz, onda aşpezleriň naharyň daşky görnüşine nähili köp üns berýändiklerini bilýänsiňiz. Çarlz Miçeliň barlaglary bolsa iýmitiň daşky görnüşiniň onuň tagamyna täsir edýänligini subut etdi.
Naharyň tagamly görünmegi üçin ýerine ýetirilmeli käbir maslahatlar:
1. Tarelkanyň reňki göze ýakymly bolmaly. Munuň üçin iň gowy laýyk gelýäni ak reňkdir.
2. Iýmiti çendenaşa taşlaşdyrmak ýa-da köp guýmak dogry däl.
3. Kontrast (gapma-garşy) reňkleri, ölçegleri we şekilleri peýdalanyň.
4. Bezeg üçin gök önümleri, otlary, souslary peýdalanyň.
Daşky şertler hem möhümdir
Dizaýnerler (bezegçiler) restoranyň nähili görnüşde boljagyna uly üns berýärler. Bu ýagdaý müşderileriň nahar buýurmak we ony iýmek islegine gönümel täsir edýär. Şunlukda, özüňiz aňşyrmasaňyz hem siz öz öýüňiziň aşhanasyny, zalyny ýa-da otagyny kiçijik restoran diýip göz öňüne getirmek isleýäňiz. Eger-de siz şol islegiňizi amala aşyrsaňyz, onda nahar has ýakymly bolar.
Ilki bilen sazdan başlamak gerek. Alymlar orta gatylykdaky sazyň biziň nahar iýşimize oňyn täsir edýändigini subut etdiler. Başga bir barlagyň awtory Kristofer Nowak bolsa has takyk bolup, sazyň 62-den 67 desibele (ýagny adaty gepleşigiň gatylygyna barabar) çenli derejedäki gatylygy adamy öz iýýän iýmitinden has kanagatly edýändigini anyklady. Şol bir wagtyň özünde çenden aşa güýçli saz düýbünden ters täsir edýär.
Ýene-de birnäçe maslahatlar:
Temperaturany peseldiň. Beden öz ýylylygyny saklamak üçin köp energiýa mätäçlik duýar.
Ýagtylygy (çyrany) öçüriň ýa-da şem ýakyň.
Telewizor ýa-da söhbetdeşlik ýaly sosial güýmenjeleri peýdalanyň.
Agyr gap-çanak ulanyň
Eger-de biziň nahar iýmek üçin peýdalanýan enjamlarymyz agyr bolsa, onda biz nahardan has köp lezzet alýarys. Çarlz Miçeliň ýene bir işi şeýle netijäni görkezdi.
Şeýle hem, kümüşden ýasalan nahar iýilýän enjamlar barlaga gatnaşýan adamlara — respondentlere nahardan has-da güýçli lezzet almaga mümkinçilik berdi. Hat-da, adamlar olar üçin köp pul tölemäge hem taýýar bolupdyrlar. Kümüşden ýasalan agyr enjamlar üstünligiň kepili.
Eger iýmit geçmişi ýada salýan bolsa, onda ol has ýakymly bolýar
Illinoýs Uniwersitetiniň (ABŞ) alymlarynyň geçiren barlaglary şeýle netijäni subut etdi: eger-de iýmit adama onuň geçmiş ýatlamalaryny ýatladýan bolsa, onda ony iýmek has ýaramly bolýar. Mysal üçin “enemiň bişiren şokoladly kökesi” adaty dükandan alnan kökeden has tagamly bolar. Olaryň arasynda hiç hili tapawut bolmadyk ýagdaýynda hem şeýle bolar.
Bu ýagdaý ferma iýmitine hem degişlidir. Adam öz ýanyndan: “Bu towuk gowy şertlerde ýetişdirilipdir” – diýip pikir edýär we öz ynsabyndan arkaýyn bolup, nahardan has gowy lezzet alýar. (Türkmenlerde “elin zat” diýilişi ýaly.)
Eger-de, naharyň “köne maşgala täri boýunça” taýýarlanylandygy aýdylsa hem, onda ol has tagamlyrak görner. Çünki indi onuň tagamy taryh bilen baglanyşykly.
Iýip-içýän adamyň psihologiýasyna uýgunlaşyň
Kornell uniwersitetinde (ABŞ) örän gyzykly barlag geçirilipdir. Barlaga gatnaşýan adamlara - respondentlere agşam naharynyň ýany bilen iki çüýşe çakyr beripdirler. Olaryň bir toparyna (özüniň üzümçiligi bilen meşhur bolan) Kaliforniýadan, beýleki toparyna bolsa (çakyrçylyk bilen hiç hili baglanyşygy bolmadyk) Demirgazyk Dakota ştatyndan getirilen çakyr berlipdir. Birinji topardaky respondentler Kaliforniýada öndürilen çakyry öwüp, ikinji topardakylardan ortaça has köp nahar iýipdirler.
Hakykatda bolsa, çakyryň ikisi hem adaty dükandan, hersi üç dollar bahadan satyn alnypdyr. Eger-de nahar bilen täsir galdyrmak isleýän bolsaňyz, onda onuň gymmatlygy ýa-da kaşaňlygy bilen oýnaň. Dogrusyny aýtmaly bolsa, biziň ählimiz muňa aldanýarys ahyryn.
10
42
zumerret_
29.08.2024 23:11
![]()
Hergün 24 sagadyň ortaça 8 sagadyny uklap geçirýäris diýip hasaplasak, 75 ýaşan adam ömrüniň 25 ýylyny diňe ukyda geçirdigi bolýar. Hergün ýene azajyk ýataýyn diýip bu sagady artdyrmak bilen, şol wagty has peýdaly zada sarp edip birzatlar öwrenmek ýa-da başarmak mümkinçiligi özümizden alýarys. Belki-de käbirlerimiz köp uklamak bilen birzatlar ýitirýändirin diýen pikiri hiç wagt kellesine getirmedik bolmagy hem mümkin. Emma durmuşda üstünlik gazanan adamlaryň ýaşaýyş şekili bilen gyzyklanyp görsek, olaryň aglaba böleginiň az uklaýan adamlardygyny görýäris. Aslynda biz näme üçin uklaýarys? Näçe sagat uklamak peýdaly?
Çenden aşa köp uklamak hem az uklamak hem beden saglygyna zyýanly.
Näçe wagt uklamak iň dogrysy?
Köp ýerde kämillik ýaşyna ýetenler üçin 6 sagat dogry uky aralygy diýip bellenilýär. Emma dogry uky aralygy ýaly dogry wagtda uklamak hem wajyp bolup durýar. Meselem gije 12:00 we 04:00 sagatlar aralygy hökmany. Munuň sebäbi bolsa 11:00 we 05:00 aralygynda beýnimiz ukynyň biologiki sagatlaryny tertipleşdirýän melatonin atly garmony bölüp çykarýandygydyr. Melatonin garmony elektromagnit tolkunlaryna ýa-da ýagtylyga sezewar bolanda mukdary azalýar. Şol sebäpli uklamazdan öň telefon ulanmak ýa-da telewizor görmek ukymyzy gaçyryp bilýär.
Köp uklamakmy gowy uklamakmy?
Käwagt 8-9 sagat ýatsagam ýene-de ýadaw turýan wagtlarymyz bolýar. Bu-da bize esasy zadyň köp ýatmak däl-de rahat we gowy ukynyň netijesinde has dynç alyp turýandygymyzy görkezýär. Gowy uky almak üçin ýatanymyzda üns bermeli käbir zatlary şu yzygiderlikde sanap bileris:
Rahat ýatmaýan ýeriňde gowy uky alyp bolmaýar. Şonuň üçin ilki bilen ýatýan otagymyzyň howasy, temperaturasy, garaňkylygy ýerinde we ýatagymyz oňaýly bolmaly;Hergün şol bir sagatda uklamaly;Uklamazdan ozal belli bir edýän zadymyz bolmaly (kitap okamak, aýdym diňlemek we ş.m), şol işe başlanymyzda beýnimiz uky sagadynyň ýakynlaşýandygyny bilip bedeni taýynlar ýaly;Elektroniki enjamlardan uzak durmaly, ýatanyňyzda hem azyndan 3 metr uzakda goýmaly;Günlük aladalary, planlary däl-de gowy zatlar hakda pikirlenmeli;Gündizleri mümkin bolsa 12:30 – 13:00 sagatlary aralygyda (bolmadyk ýagdaýynda başga wagtda) 15 minutdan 30 minuda çenli uklamak maslahat berilýär. Uklamaga mümkinçilik ýok bolsa azyndan 20 minut gözleriňi yummak hem ýeterlik. Gündizki ýarym sagat uky gije alynan 2 sagat uka deň hasaplanýar. Şol sebäpli 20 minut sizi has aktiw saklar. Emma gündizki ukyny 30 minutdan geçirmek maslahat berilmeýär;Hemişeki gije ukyňyzy belli bir sebäpden bir günlik azaldan bolsaňyz, gündiz onuň öwezini dolmaly;Ýatmazdan 2.5 – 3 sagat öňünden nahar iýmek we kofe içmek gowy uka zyýanly, aç ýatmak has peýdaly;
Geçmişde uky bilen wagt ýitirmek islemeýän kişiler ony azaltmagyň dürli usullaryny orta goýupdyrlar. Esasy monofaz (bir gezekde ukyny bölmän uklamak) we polifaz (ukyny gysga wagtlyk günüň dowamynda birnäçe böleklere bölüp uklamak) ýaly iki bölege bölýärler. Mysal üçin: Leonardo Dawinçi usuly (her 4 sagat üçin 15 minut uklamak arkaly bir günde jemi 1.5 sagat uky), Uberman usuly (her 4 sagat üçin 20 minut uklamak arkaly bir günde jemi 2 sagat uky), Tesla usuly (2 sagat gije ukusy we gündiz diňe 20 minutlyk uky), Everyman usuly (gije 1.5-3 sagat gündiz bolsa üç gezek 20 minutlyk uky) ýaly usullar uklamagyň polifaz görnüşine degişli bolsa Siesta usuly ýagny 5 sagat gije ukusy, 1.5 sagat bolsa gündiz ukusy monofaz uky görnüşine degişlidir. Bu usullary göni durmuşa geçirmek aňsat däl. Herkim özüne gerek bolan biologiki uky sagadyny bilip şoňa görä özüni alyp barmaly bolýar.
Ýene bir bellemeli zadymyz, aňsat ukydan turup bilmek üçin:
sagat gurup bir gezek oýananymyzdan soň ikinji gezek uka gitmezlik,turan badymyza yşyk ýakmak, töweregi ýagtyltmak,birzatlar bilen meşgullanmak,6:00 – 8:00 sagatlary aralygynda uklamazlyk,kafeýinden uzak durmak,bu düzgüni üznüksiz ýerine ýetirmek üçin bir aý öňünden başlamak maslahat berilýär.
Uky günüň dowamyndaky başarjaňlygymyzda esasy roly oýnaýar. Gowy uky netijeli iş, netijeli iş bolsa bizi üstünlige akidýär. Şol sebäpden hem ukymyzy dogry almak durmuşymyzy özgertmekde iň esasy faktor bolup durýar.
Batyr ORAZMYRADOW,
ylymly.com
14
46
zumerret_
23.08.2024 12:05
Pikir edip gördiňizmi !?Internetsiz ýaşaýyş nähili bolardy !?
🌏Internetsiz durmuşyň manysyny düşindirmek gaty kyn. Durmuşymyzdaky hemme zat üçin, hatda töweregimizdäkiler bilen aragatnaşyk gurmak üçin ulanýarys. Internet gaty uly dünýä we dünýädäki adamlaryň 53% -den gowragy interneti işjeň ulanýar.
![]()
🌏Çagalar bilimi öňkülerinden has ýokary derejede alýarlar. Her gün irden turup, täzelikleri yzarlamak ýaly gündelik işleriňize başlaýarsyňyz. Smartfonyňyzda ýa-da planşetiňizde dostlaryňyz, meşhurlaryňyz, sport ýa-da häzirki wakalar baradaky habarlary yzarlaýarsyňyz. Hatda işe barýarkaňyz, diňleýän habaryňyz bar. Işiňizde bolsaňyz, e-poçta iberýärsiňiz, wideo konferensiýa iberýärsiňiz we dostlaryňyza birnäçe SMS iberýärsiňiz. Aslynda, ofisiňizde web sahypasy ýok bolsa, sosial media profilleriňizi hem barlap bilersiňiz. Ahyrynda öýe gidýärsiňiz, agşamlyk naharyndan soň Netflix-da film görýärsiňiz we ýatmazdan ozal soňky gezek sosial mediýa göz aýlaňyz. Şeýlelik bilen, internet bu adaty zatlaryň arasynda birden ýitip gitse näme bolardy?
🌏 Internetsiz durmuşyň zyýanly taraplary .
🌏Käbir adamlar internetsiz durmuşyň iň gowy zatdygyny jedel edip bilerler. Bu adamlar internet endikleriniň elhençdigini we "Z" nesliniň edýän zatlarynyň bütin gün Instagramdygyny pikir edýärler. Elbetde, bu düýbünden ýalňyş pikir däl. Gözlegler, şular ýaly yzygiderli sosial medianyň ulanylmagy durmuşa ýaramaz täsir edip biljekdigini görkezýär.
🌏Jemgyýet düşünjesi: Elbetde, internetsiz durmuşyň nähili kyn bolup biljekdigini ara alyp maslahatlaşmagyň köp sebäbi bar, ýöne iň esasysy, internetsiz durmuş köpümiz üçin möhüm bolan “jemgyýetçilik duýgusyny” ýok edip biler. Mysal üçin, habar almak we paýlaşmak üçin uzakda ýaşaýan garyndaşlarymyz ýa-da dostlaryňyz bilen ýüzbe-ýüz duşuşmak üçin birnäçe aý garaşyp bileris. Öňkülerden has kesilen bolmagymyz mümkin.
🌏-Gereksiz maglumat: Google günde birnäçe gezek ömrümizi halas edýär. Gyssagly soraglarymyza derrew jogap berjek Google-dan başga dünýäni göz öňüne getiriň. Häzirki wagtda internetiň hödürleýän ähli maglumatlaryna girmek arkaly Dostoýewskiniň ähli eserlerini aňsatlyk bilen okap bileris ýa-da piramidalar hakda has köp maglumat alyp bileris. )
🌏Internetsiz durmuşyň peýdasy !
Başga bir tarapdan, internetden daşlaşmak şahsy gatnaşyklarymyz üçin üýtgeşmeler hem edip biler. Bizi ünsden düşürjek ekran ýoklugy sebäpli, häzirki pursatda ýaşap bileris.
🌏 -Käbir maşgala yagdaýy: Häzirki wagtda köp öýde maşgala agzalary bilelik wagty, her kim öz telefonyndaka bir otagda bile oturmagy aňladýar. Bu, henizem söýýän zadymyzy ýerine ýetirip, bilelikde wagt geçirmek üçin ajaýyp usul bolup biler, ýöne maşgala gatnaşyklaryna zyýan ýetirip biler. Maşgalada bilelik döwründe telefon ulanmagyň ýa-da tehnologiýanyň sarp edilmegine çäklendirmeler girizip, wagtyňyzy has gowy ulanyp, günüňiziň nähili bolandygyny, durmuşyňyzda nämeleriň bolup geçýändigini aýdyp bilersiňiz we maşgala gatnaşyklaryňyzy hakykatdanam güýçlendirip bilersiňiz.
🌏-Ukynyň hili: Peýdalary diňe uky wagtymyz bilen baglanyşykly däl. Internete birikdirilen enjamlara endik etmegimiz hem ukymyzy bozýar.
🌏- Has köp iş ediň: Günüňizde ýeterlik sagat ýok ýaly duýduňyzmy ýa-da hemişe wagt nirä gidýärkä? Bularyň hemmesi internetsiz dünýäde üýtgäp biler, sebäbi boş wagtlaryňyzy onlaýn çärelere sarp etmersiňiz. Sosýal mediýa arkaly" boş wagtynyňyz" üçin geçiren sagatlaryňyz has öndürijilikli ulanylyp bilner.
26 Şubat 2023 . Yapikredi.com
Siz bu barada näme düşinyärsiňiz?
Internetsiz ýaşap bilersiňizmi?
17
211
zumerret_
21.08.2024 11:32
![]()
Agzalar ykjam el telefonyňyzda yada notebooklaryňyzda
elektron hasap açmagy öwrenesiňiz gelýärmi !?
Elektron poçta ýa-da “e-mail” – bu adaty poçtanyň elektron görnüşi. Elektron poçtanyň adaty poçtadan ýeke-täk tapawudy – onuň elektron tory arkaly işlemegi. Makalamyzda internet elektron poçtasynyň açylyşynyň ädimleri barada gürrüň bereris. Ilki bilen, elektron poçtanyň mümkinçilikleri barada gysgaça nygtap geçeliň.
Internet elektron poçtasynyň kömegi bilen elektron poçtasy bar bolan adamlara, guramalara, edaralara, kärhanalara elektron hatlar, goşundy faýllar iberip we kabul edip bolýar. Elektron poçtadan göwrümi uly bolan faýllary iberip bolmaýar, iberiljek faýllaryň göwrümi çäklendirilendir.
Elektron poçta gündelik durmuşymyzda dürli ýerlerde ulanylýar: web saýtlarda hasap açmak üçin, ulgama girmek üçin, web saýt tarapyndan elektron poçta iberilýän tassyklaýjy kody girizmek üçin, hasaby elektron poçta baglamak üçin we ş.m. Mundan başga-da, dürli sowalnamalar doldurylanda olaryň aglaba böleginde elektron poçta soralýar. Tehnologiýalaryň barha ösýän döwründe elektron poçtany ulanmaklyk maksada laýyk hasaplanylýar.
.
Elektron poçtany nädip açmaly?
1. Ilki bilen, elektron poçtanyň açyljak web saýtyny (domenini) kesgitlemeli. Elektron poçta açylanda belli bir web saýtdan açylýar. Mysal üçin, iň uly we meşhur poçta hyzmatyny berýän web saýtlar: Gmail, Mail.ru, Rambler.ru.
![]()
Elektron poçtanyň ady iki bölekden ybarat, olary “@” simwoly bölýär. “@” simwolyndan öňdäki ýazgy – bu poçtanyň ady, ýagny logini, “@” simwolyndan soňraky ýazgy – bu poçtanyň açylan web saýty, domeni. Meselem: ata@example.com – bu ýerde “ata” – poçtanyň ady, ýagny login bolup durýar, “example.com” bolsa poçtanyň açylan web saýty, ýagny domeni bolup durýar. Internetde elektron poçta hyzmatyny hödürleýän ýüzlerçe web saýtlar bar.
2. Degişli saýta girip, täze elektron poçtasyny açmak (hasaba almak) diýen düwmä basyň.
![]()
3. Sowalnama açylar we ony doldurmagyňyz soralar.
![]()
4. Sowalnamany dogry tertipde dolduryň. Sowalnamada şahsy maglumatlaryňyz soralar: adyňyz, familiýaňyz, elektron poçta üçin login (poçta goýuljak at) we parolyňyz, doglan senäňiz, ýaşaýan ýeriňiz we ş.m. Şeýle hem, sowalnamalaryň köpüsinde mobil telefon belgiňiz hem soralýar. Eger mobil telefon belgiňizi girizseňiz, elektron poçtaňyzyň parolyny ýitiren wagtyňyzda ony mobil telefonyňyza tassyklaýjy SMS iberilmegi arkaly açyp bolýar.
![]()
5. Sowalnamany dolduranyňyzdan soňra, “taýýar” (OK) düwmesine basyň we netijede elektron poçtaňyz taýýar bolar. Elektron poçtaňyza girip barlap görüň.
Posty halan bolsaňyz like 👍 basmagy unutmaň )
13
122
Beýniňi aldap, nahary has tagamly etmegiň 5 ýoly
