smiling_
24.09.2024 12:57
Häzirki zaman sungatyna düşünmek üçin 5 dokumental film.
Häzirki zaman sungatyna düşünmek üçin 5 dokumental film
Häzirki zaman sungaty köplenç ýagdaýda ilkibada göreniňde düşnüksiz ýaly bolup görünýär. Oňa has gowy düşünmek üçin bolsa size sungat ussatlarynyň dünýäsine aralaşmaga we olaryň işlerine täzeçe göz garamaga ýardam etjek 5 sany dokumental filmiň sanawyny hödürleýäris.
«Sowgatlyk dükany arkaly çykyş» (2010)
Režissýor Benksiň filmi tomaşaçylary köçe sungatynyň täsin dünýäsine alyp gidýär. Filmde ýer saýlamakdan we konsepsiýany işläp düzmekden başlap, garaňkylygyň gujagynda işleri ýerine ýetirmäge çenli döredijilik prosesi aýdyň beýan edilýär. Tomaşaçy köçe suratkeşleriniň häkimiýetleriň yzarlamalaryndan gaça durmak üçin görýän howpsuzlyk çäreleri we öz stillerini nädip döredýändigi barada öwrenýär. Filmde köçe sungat medeniýetiniň wekilleri bilen dostluk hekaýalaryny paýlaşýan ikinji el dükanynyň eýesiniň gürrüňleri möhüm orny eýeleýär. Filmde Şepard Feri we Benksi ýaly meşhur graffiti suratkeşleriniň işleri görkezilýär. «Netflix»-de sungat hakda düşürilen 11 filmiň iň gowusy diýlip ses berlen bu dokumental film köçe sungatyny halaýanlaryň hemmesi üçin hakyky açyş bolar.
«Super ýyldyz: Endi Worholyň ömri we döwri» (1990)
Beýik suratkeş baradaky dokumental film arhiw materiallaryna we hudožnigiň töweregindäki adamlar bilen söhbetdeşliklere esaslanýan köptaraply biografiki zarisowkadyr. Bu kartina onuň durmuşynyň we işiniň esasy döwürlerini öz içine alýar, stiliniň we garaýyşlarynyň ösüşini görkezýär. Tomaşaçy sungat ussahanasynyň atmosferasyna düşüp, kärdeşleriniň we döwürdeşleriniň hudožnige edýän täsirini öwrenýär, döredijilik işine şaýat bolýar.
«Wiwian Maýeriň gözleginde» (2013)
Jon Malufyň we Çarli Siskeliň dokumental filminde ady diňe aradan çykandan soň dünýä belli bolan zehinli fotosuratçy Wiwian Maýeriň ömri we döredijiligi barada söhbet edilýär. Heniz eneke bolup işleýän mahaly, 20-nji asyryň ortalarynda Amerikanyň şäherleriniň gündelik durmuşy barada gürrüň berýän uly surat arhiwini döretdi. Köçe stilindäki müňlerçe sany fotosuratlar bu sungatyň ajaýyp eserleri hökmünde ykrar edilip, oňa aradan çykandan soň uly şöhrat getirdi. Gizlin zehin we garaşylmadyk ýerden tanalmak ýaly täsin duýgulary döredýän bu hekaýa millionlarça tomaşaçynyň ýüregine awlady. Şeýdibem, ol «Oskar» we «BAFTA» ýaly baýraklara mynasyp görüldi.
«Gerhard Rihter. Nakgaşlyk» (2011)
Dokumental film tomaşaçyny 20-nji asyryň ikinji ýarymynda Artnet tarapyndan iň söwda-gazanç taýdan üstünlikli suratkeş hökmünde ykrar edilen Gerhard Rihteriň dünýäsine alyp gidýär. Film, adatça, gizlin işleýän suratkeşiň döredijilik işine syn etmek üçin seýrek bolan mümkinçiligi ýetirýär. Ol hudožnigiň ussahanasynda abstrakt suratlarynyň döredilişi barada jikme-jik gürrüň berýär.
«Marina Abramowiç: hudožnigiň bar ýerinde» (2012)
Beýleki bir dokumental filmde adaty bolmadyk performanslary bilen meşhur bolan ýugoslaw suratkeşi Marina Abramowiçiň durmuşy we döredijiligi görkezilýär. Režissýor Mettýu Eýkers Abramowiçiň karýerasynyň çürdepesine öwrülen Nýu-Ýorkuň Döwrebap eserleriň sungaty muzeýinde giň gerimli retrospektiwa taýýarlyklaryny beýan edýär. Sergide hudožnigiň iň ajaýyp eserleri, şol sanda 736 sagatdan gowrak dowam eden işi hem bar. Bu terjimehal filmi prowokasiýon eserleri bilen elmydama halk arasynda uly seslenmä eýe bolan Marina Abramowiçiň döredijilik ýoluna has çuňňur düşünmäge mümkinçilik berýär.
Peýdalanylan çeşme: vinchi-interactive.ru
10
69
smiling_
23.09.2024 22:53
#NobatdakyÝalňyzlyk.
Nähili diýsem. Ölümden başga hemme zadyň gelip geçijidigini bilsemem, arasynda käbir zatlar üçin gynanýan. Geçiji zatlar üçin gynanmak nä derejede dogry bilemok!? Göwünlik bermäne adam garasy ýok bolansoň haýyrlysydyr diýip özümi köşeşdirýän soňam. Şahyr aýtmyşlaýyn "Ne adam küýseýän, nede başga zat" diýenine diňe bu çukura düşenler düşünäýmese. Boşurak bolup wagt öldürsem dagy boldy işim gaýtdy diýibermeli, kellämdäki pikirleriň takyrdysy günüme goýanok. Ondan gorkunjy wyždanymyň sesi ukladanok kä gijeler. Şu ullakan kellämiň içinde 'käşgä etmesedim'lerden ýaňlanýa durýa, ýaňlanýa durýa. Wyždanymyň sesi çykmasyn diýip bogup taşlajakdym, dözmedim. Dözmedim içimdäki ýabany meni öldürmäne, dözmelidim. Ýalňyşan ýerim şol. Ýalňyşlarym köpeldi, dogrularym azaldy ömrümde. Ýigrenjim artdy, söýgüm kemeldi ýüregimde. Söýýänim üçin däl begensinler diýip, söýgä mätäçlere söýgümden alyp berdim men. Garaz ýuwaş-ýuwaşdan öldüm. Bilmedi hiçkim. Geçmişiň kirimi, gelejegiň aladasymy ýaşlygymy gemiren. Ýa nebsimmi ýykan!? Her zada ýetişjek bolup ylgadym, men gitdim, özüm galypdyr. Başagaýlyk bilen özümi almak ýadymdan çykypdyr. Özüme gijä galdym. Hakykylykdan aýra bolmak agyr degdi. Hakyky özüm bolmaklygy küýsedim.Hakyky özüm bolup ýylgyrmagy, şatlanmagy, aglamagy.Ne gürlejek boldum, ne-de gürleşjek boldum. Gürlemesemem ejem eşitýärdi meni, maňa düşünýärdi. Käte lezzet, käte bolsa eziýet berýär dymmaklygam. Ýüzlerdäki ýylgyryşlardan gyzgynlyk gözledim. Galp bolan ýylgyryşlar ýüregimi ýylatmady.
Gygyrýan meni menden halas ediň we ýekeje haýyştym meni özüme beriň!
14
60
smiling_
23.09.2024 13:06
Ýene...
Ýene bu ömürden bir gün ,,ogurlap",
Geldim.
Meñzäp boýny buruk soraga,
Aýýyllary ylla gar deý togarlap
Nämçün yza dolananymy sorama!
Sen sorama, ýollar, allar hakynda
Gozgama sen bu ýüregiñ ahyny.
Men öñem soraglañ agyr ýükünden
...gaçyp,
Señ garşyña geldim ahyry...!
Azaşdym men ham hyýallañ içinde
Men seni gözledim, günden aýdanam
Bir haýyşym gyýa bakma yşgyma
Gün kemsiner, ony bir şem saýsalar.
Ah guşlar!
Ak guşlar, duýguma meñzeş...
Sen olardan habarymy algynyñ,
Şygyrlarym - ýoluña uzak ýodada
Galan aýak yzlarydyr kalbymyñ.
Sen tümdemiñ -
Keşbiñ birje görmäge
Ýüregim o:t edip ýakman bilmerin
Bir zada düşündim:
Ýürek urýarka...
Men sensiz ykbaly, ykbal bilmerin!
Der Auotor: Kakamyrat Rejepow
14
215
smiling_
22.09.2024 10:13
Gözüme çaýyldy ukynyñ reñki...
Gözüme çaýyldy ukynyñ reñki,
- Sen meñki,
- Sen meñki, diýip tapyldy işem.
Beýnimem gabanýan kitabyn daşlap,
Ugrady düýşe.
Adam däl, ähli beden añsadyn gözlär,
Dilem erk etmeseñ ýalany sözlär.
Kiçijek kine-de içiñem duman,
Erbet pikirlerem geler bigüman.
Gözem görmek islär görmesiz zady,
Labirint durmuşyñ çykalgasynda
Öz eden işine öküner adam.
Çygylyp, çygylyp dörär gasynda...
Akylsyz hereket üçin...
Serhoş ...
Duman...
Garyşyp bir geçmiş ýat bolup gider,
Wagt geçer.
Ýiter,
Çöken gum bolup.
Uky-ölüm...
Her güni ölüp.
Düşün,
Düýşümem aldaýar.
Durmuşam kyn,
Himiýada tapylmaýan element.
Hakydañdan ýiter ähli alamat
Dogulmagyñ bagt.
Oýa gezmegem.
Häzir ýadaw bahana gözläp,
Wagtlaýynça ölmek isleýär beden
Añsadyn gözläp.
Uklamakdan gorkup ýören ynsanlar...
Gowy düýş görüñ!
Säher oýanmakdan gorkyny ýeñip
Uklañ!
Şuwagt ýalandan ölüp.
Remezan Mämetgurbanow
14
90
smiling_
21.09.2024 21:57
Gyz haty...
Baram bolsa,
Ýogam bolsa, geçdim men
Günäñi dostum.
Sen meniñ serimiñ dumany dostum,
Bir dem bagtly boldum seniñ yşgyñdan
Inden dilemerin, amany dostum!
Seni gabanmaryn gyzdan gelinden
Goý gözeller lezzet bersin janyña,
Goý, seni söýsünler, ynanaýyn men
Seni söýüp, sende ýalñyşmanyma...
Daş ýaly doñduran ýüregmi meniñ
Islän ýeriñe zyñ,
Wah diýmen her hal.
Meñ ýüregim saña gerek bolmasa
Düşün:ä ol ýürek, nämäme derkar?!
Baram bolsa,
Ýogam bolsa, geçdim men
Günäñi dostum.
Sen meniñ dilimiñ senasy dostum
Säher çyglarynda saýgarmarsyñ sen
Ýaşa dönüp, daman sedamy dostum!
Sen bagtyýar ýaşa
Gam gussa batma,
Ylaýym duşmada bela-betere
Eger bagtyñ ýatsa...
Bir zaman daşa
Öwrüp zyñan ýüregime büdüre...!
L'autore: Nobatguly Rejepow
14
49
smiling_
21.09.2024 16:15
🤍...
Köñlümiñ gapysyn açyp goýdum men,
Durnalar geçende düşlesin diýip.
Ýöne dost diýeniñ...
Gapysyn ýapyp goýmasyn,
Yürege düşmesin diýip.
Gözler aglamasyn bes edermişin,
Ýaşlary kalby deşmesin diýip.
Men ýoluñ köpüsin aýlanyp geçdim,
Bir wagtlar bagrymy ýakan,
Duşmasyn diýip.
Dileg edermişin tereñ derýalar,
Tolkunlar derýadan da:şmasyn diýip.
Ýürejigi ýanyp duran biçäre,
Ýara sowal berer:
,,Da:şmysyñ?" diýip.
Gije - gündiz dileg etýärin,
Namardyñ üstünden bir ýolum,
Düşmesin diýip.
Ýüregimde düşek ýazyp goýdum men,
Iñ ýagşy adamlar düşlesin diýip.
L'autore: Ogultäç Oraztaganowa
17
229
