smiling_
04.10.2024 17:19
♥︎Ýürekdeş♥︎
Ýykylsañ, büdreseñ, ýoluñ ýitirseñ,
Duçar bolsañ minnete ýa salgyma.
Gursagyñ çişirip dünýä sygmasañ,
Sygarsyñ sen ýürekdeşiñ kalbyna...♡
Gelibergin, parasy ýok, muzdy ýok,
Müñ dert bilen dolmaz onuñ otagy.
Wagtdan daşardadyr onuñ pursady,
Hoş sözüñdir iñ bir gymmat petegi.
Ol ýer giñiş welin köplük gerek däl,
Dereksiz saýsalar galanyñda gel.
Abraýyñ, ýüregiñ, isle mal-dünýäñ,
Özüñe ýetmedik talañynda gel...♡
Eger çäkleseler ýörejek ýoluñ,
Torç ediber dost kalbynyñ ýaýlasyn.
Özlügiñ ýitirseñ taparsyñ hökman,
Gel-de seret ýürekdäki aýnasyn.
Derdini dostuna ynanýar ynsan,
Ol çykmasa ýürek gowşap zeñleýär.
Gel, aýt dostum, derdiñi men diñläýin,
Şatlygyñy özgelerem diñleýär...♡
©Ahmet ARAZOW
12
355
smiling_
02.10.2024 20:26
,,Ykbal, meni belalardan goragyn"
- A. Atabaýew
Duşmanyñ ýamany ýanyñdan dörär,
Ykbal, meni belalardan goragyn.
Durmuşym bolsa bor pälime görä,
Ykbal, meni belalardan goragyn.
Ömür büdür-südür gysgajyk ýoda,
Emma adam duşýar ençeme zada,
Men aşa ynanjañ, men aşa sada,
Ykbal, meni belalardan goragyn.
Düşsede adamzat her hili güne,
Biabraý bolup bir düşmesin dile,
Hut, beýik Allanyñ rugsady bile,
Ykbal, meni belalardan goragyn.
- Şanazar Hydyrow
17
74
smiling_
02.10.2024 09:42
Men gijäni ýöne gowy göremok,
Men gije düşse, bolýan bagtyýar.
Ýyldyzlaryñ örläp ugran pursaty,
Ümezlän gözlerimiñ gülkili sesi,
Sudur bolan bedenim biygtyýar,
Tolgunyp galpyldyly duýgy döredip,
Ajap gözelligiñ yşgyna düşüp,
Gözlerimi ýumup surat çekýärin,
Gözüm açyp saña gaýta bakýaryn.
Sen şeýle üýtgeşik,
Gündiz betgelşik,
Gije düşse,
Tüýnükde aý görünse,
Gowuñ eräp gidýär, Aýyñ nurana.
Nurana,
Sen juda owadan!
Jennet melegi!
Men ertekide,
Jadyly dünýämiñ ertekisinde...
...Sen juda owadan, şeýle bir gözel,
Sen gijegözelim, gijeki bagtym!
Aý nuruna suwa düşýän, guwum sen,
Sen hüýr-melek ahyryn,
Ukuda wagtyñ!...
- Remezan Mämetgurbanow
12
35
smiling_
01.10.2024 20:24
Çaga bolsañ, ulalmasañ!
Düşünmeseñ uly dünýä,
Çaga bolsañ, ulalmasañ.
Ötüp gitse deñi-duşuñ,
Ýalñyzlygyña uýalmasañ.
Saña meñzeş çagalardan,
Dolup duran köçäñ bolsa.
Häzirkiden sagdyn hem ýaş,
Ejeñ bolsa.
Kaka altyn aşygmyzyñ,
Bolmajagy güman bolsa.
On iki synañ, gara başyñ,
Aman bolsa.
Ýalñyşañda käýeseler,
Towlasalar gulagymy.
Ah, meniñ bu ýalñyşlarym,
Gyzardyp dur dulugymy.
Düşünmeseñ uly dünýä,
Çaga bolsañ, ulalmasañ.
Ötüp gitse deñi-duşuñ,
Ýalñyzlygyña uýalmasañ.
L'autore: Ogulnur Ataýewa
16
39
smiling_
01.10.2024 16:14
Men gitdim...
Men gitdim,
Seçme deşen Asmana,
Göreçlerim garap galdy yzymdan.
Düzümden,
Dünýämden aýrylyp bilmän,
Dilmän,
Damagymy çalan özümden.
Obamyzyñ tozan basan baglaryn...
Gözelligin synlan her gijäñ demin...
Öýkenimde saklan ebedi howam.
Özümden garaşyp çykmadyk tamam,
Gülkili sesleriñ agysyn eşdip,
Ýüregimde dörän kijijek deşik.
Gara tegmillerim,
Garagirdaba,
Siñip giden unudulmajak sözlerim,
Ählisini göreçlerime siñdirip.
Dünýäniñ ýüzünden özümi aýryp,
Göreçlerimi goýup gaýtdym yzymda,
Sudur boldy gözlegimem gözümde.
Doñup galan, begençlerimi seçeläp.
Agylarymy alyp gaýtdym özümden,
Men gitdim dünýäni synlamak üçin,
Göreçlerim...
- Remezan Mämetgurbanow
16
148
smiling_
30.09.2024 18:19
Sadagan bolaýyn, ajap bentlere...
Sadagan bolaýyn, ajap bentlere,
Ekiztaý remiks düzülen şygyrlar.
Öwüt-ündew geçýär, akly goýalman,
Pyragynyñ goşgusyndan gür olar.
Akyly süýt bolup çogup çykyp dur,
Gaýmak bolup, goýalaryna garaşman.
Ýaş şahyrlar eýýäm gojalyp barýar,
Ýaşlary ýetmişe, segsene aşman.
Syrçalary tankyt göterenoklar,
Ezilip kilişe dönen setirler.
Üwmeç ýasasañ bor
Hyrydar tapyp.
Kofe ýerne ezip içsen ertirne.
Ukyñ uçup gitjek,
(Bir peýdasy bar).
Diýmek, peýda tapsañ şolam bir hasap.
Duýgular nire-de garrap galdyka?
Aklym kütelipdir,
Seljererden.
Hiç,
Özümä mynasyp ýazyp bilemok.
(Seýrek duş geläýmäm bardyla welin,
Olaram ýek-tük sany azalýar).
Kanagat tapamok serçelerden hiç.
Şu güne deñiç,
Remiks okaýan kofe ýerine,
Akyl alýan, akly kemän serime...
- Remezan Mämetgurbanow
16
119
