Bir gün mundan...

Bir gün mundan gidýäň göçüp, Düwülmedik goşuň goýup. Entek buga goýulmadyk, Guýulmadyk aşyň goýup.

Gazygynda garramadyk, Ýaşalmadyk ýaşyň goýup. Hanasynda guramadyk, Süpürmedik ýaşyň goýup.

Gujagynda derlemedik, Duýulmadyk yṣgyň goýup. Gursagynda ýerlemedik, Söýülmedik keşbiň goýup.

'Il-gün' diýip ýaşan bolsañ, Çolarmadyk daşyň goýup. Daşlaň ýeňlin daşan bolsaň, Çalarmadyk başyň goýup.

Gidýäň gözüň, gaṣyň goýup, Ýorulmadyk düýşüň goýup. Dogan-dogran, dostuň, ýaryň, A:t ýazylan daşyň goýup.

Kyýamat goňşyňa dözmän, Aýap ýören köşgüň goýup. Aýagyňy ýerden üzmän, Ýanyp ýazan goşgyň goýup.

Ýüz görmezler, ugradarlar, Garaz, gitmek ýokdur doýup... Ýöne iki ýüzüň bolsa, Gitjek olaň haýsyn goýup?!

Sädi Sädiýew

Bir uly eşret bar ýeriň ýüzünde,

Olam arzuw etmek, pikir etmekdir.

Şänik bolsa, oň maňzyna ýetmekdir.

Pikir bolsa, oň maňzyna ýetmekdir.

Adamlaryň, şäherleriň pikrin et.

Pikriň dury bolsun asman mysaly.

Onuň artyk geýmin sypyryp taşla,

Güýz baglaň ýapragyn sypyrşy ýaly.

Kitaphanalara gatnaň ýadaman,

Agras, kämil bory üçin pikiriň.

Dünýede hemme zat bal bile ýag däl,

Siz goja dünýäniň boýun ýetiriň.

Owal-ahyr uly oýda kösenip,

Gadym bir zamanlar çyzgap goşaryn,

Dünýä adamlary döretdi,

Indem

Siz bu dünýä düşünmegi başaryň.

Dünýäde her zadyň öz ýeri bolýar —

Akylly-paýhasly biziň dünýäde:

Adam suw teýinde gark bolup ölýär,

Balyklar gark bolýar dury howada.

Gel imdi, Magrupy, tany ýoluňy,

Köp hetdiňden aşma, bilgil halyňy,

Il derdine sarp eýlegen malyňy

Peýda bil özüňe, zyýandyr diýme.

Pesligimi arzuw etsin göripler,

Meň dilegim beýikligi olaryň.

Geňmi?!

Eger pikir etsem adaty,

Menem hut şolaryň biri bolaryn.

A meň adaty däl bolasym gelýär,

Goý, kir-kimir duýulmasyn gözümde.

Isleýän kem-kemden azalmagyny,

Zehine göripleň ýeriň ýüzünde!

Gülşirin HANOWA

"Ynsan öz ykbalynyň binagäridir"

Gülşirin Hanowa.