maral
10.08.2024 09:44
Dürüşde geçmişiñ tagamyn dadyp,
Boşap galan öz dünýäme gygyrdym
Unudylyp galan çäýnek mysaly,
Gaýnadym,
Döküldim.
Soñam bugardym.
Ýasama ýylgyrşyñ nikabyn geýip,
Käte syrly, kä ýarymam düñledim,
Şeýdip kem-kem ýalñyzlyga imrigen -
Ýüregimiñ sedasyny diñledim.
Köp gezdiler dogan ýaly gatnaşyp,
Soñunda barybir "ýat ogly" boldum
Iller "Şatlyk" bilen söýüşýärkäler,
Men "Gamgynlyk" bilen adagly boldum.
Her kim gatnawynda gitýärem welin,
Ykbalym wokzala meñzeýän ýaly...
Henizem bir petek eýesiz ýatyr,
Ýaradan bir ýerde egleýän ýaly...
Ylham Gurbanalyýew
16
28
maral
09.08.2024 21:39
Ilkinji duşuşyk!Ir säher bilen,
Men işe barýaryn, undup dünýäni,
Şonda gözleriñe gözüm düşüpdi,
Şol garaýşyñ üýtgedipdi dünýämi.
Gara geýinsemem "ýyldyrym urdy",
Seniñ otly nazaryña çaknyşyp,
Señ köçäñde barýan trolleýbus men,
Öz sadaja umytlamdan aslyşyp.
Nirä barýanymam unutdym şonda,
Ýaşaýyşam şol pursatda başlady,
Özgelerden nämesi artyk? diýmäñ!
Wah ol gyzyñ ýaradylşam başgady.
Bolmasa şadyýan, gamsyz ömrümi,
Pida edip "yşk kepenin" geýmezdim,
Oñ nämesi artyk, düşündir? diýmäñ!
Düşündirip bilýän bolsam söýmezdim.
18
37
maral
09.08.2024 07:45
Bilmeýän zadyñy soramak geñ däl,
Akyldyr ölçeýän ýaşan ýaşyñy.
Biljek bolýan, menem bir bigeleñ däl,
Aýt, bileniñ, dünýä gören ýaşuly.
************
Ýol soradym, salgy berdi ötegçi,
Menem ol ötegçä ýol salgy berdim.
Barjak ýerne dogry bardy ötegçi,
Menem öz isleýän ýerime bardym.
************
"Arkadaşlyk örän oñat zat, guzy,
Bileniñi öwret, bilenden öwren."
Diýdi maña perişde deý ýaşuly,
Ýaşap gelýän eken bu pähim öñden.
************
Yrýasy ýok öñden gelýän pähimleñ,
Şol mydam ojaklañ közün köreden,
Günden gaýdyşy deý ýiti şöhläniñ,
Gözbaş alyp gaýdýar täze köneden.
Atamyrat Atabaýew
16
44
