möjek_daýy🐺
10.06.2024 15:46
Bagry agyryly çig şugundyry et üweýänden geçirip, suwuny içmeli.
Çopantelpek gaýnadylan suwa birki çaý çemçesi bal garyp içseň, peşew gowy ýörär.
Nahardan doýan çagany şolbada ýatyrmaly däl.
Bogazyň agyranda, horaz çorbasy haýyrly, içiň ýellenende-de onuň nepi örän oňat.
Ökjäň ýarylanda, oňa towuk ýagyny sogan suwuna garyp çalmaly.
Oňat gaýnadylan tüwi aşgazan üçin has ýaramlydyr.
Ýanan ýeriňe ýumurtga çalsaň, teniň awuşamagyny kiparladýar.
Ýumurtganyň sarysyny bala garyp, ýüze çalsaň, ondaky düwürtiklerden nam-nyşan galmaz.
Aloýeniň ýapragyny gaýnadyp, suwy bilen agzyňy çaýkasaň, dem almagyň gowulanar.
23
325
möjek_daýy🐺
08.06.2024 08:08
Dünýäde iň uly haýwanlar süýdemdirijilere degişlidir. Olaryň iň äpedi gök kitdir. Onuň uzynlygy 33 metre, agramy 150 tonna barabardyr. Gök kitiň ýüreginiň agramy 700 kilograma, böwrekleriniň agramy bolsa 1 tonna, diliniň agramy 2 tonna deňdir. Kitiň aşgazanynyň uzynlygynyň 3 metre, içegeleriniň uzynlygynyň bolsa 250 metre ýetýändigi geň galdyryjydyr. Täze doglan kitiň uzynlygy 8 metre, agramy 6 tonna ýetýär.
Kitleriň kiçi görnüşleri hem bar. Olaryň käbirleriniň uzynlygy 1,5 metr, agramy bolsa 50 kilogramdyr.
Gury ýerde ýaşaýan haýwanlaryň arasynda iň ulusy Afrikada ýaşaýan pildir. Onuň agramy 6 tonna, beýikligi 4 tonna ýetýär, uzynlygy bolsa 4,5 metrdir.
Dünýäde iň beýik haýwan žirafadyr. Onuň beýikligi 6 metre, uzynlygy 2,5 metre, agramy 500 kilograma barabardyr.
Dünýäde iň uly kebelek Braziliýada ýaşaýar. Ol ganatyny ýaýanda, 27 santimetre ýetýär. Ondan sähelçe kiçi kebelek Hindistanda, Zond adalarynda ýaşaýan tawusgöz kebelekdir. Onuň ganatynyň uzynlygy 25 santimetre deňdir.
Iň uly ýerde-suwda ýaşaýan jandar salamandradyr. Onuň uzynlygy 1,5 metre ýetýär. Özem 130 ýyl töweregi ýaşaýar.
Iň uly gurbagalar žabalardyr. Olar Orta Aziýada, esasan hem, Türkmenistanda, Günorta Afrikada ýaşaýarlar. Olaryň bedenleriniň uzynlygy 25 santimetre, göwresiniň ini 12 santimetre, agramy bir kilograma golaýdyr.
Türkmenistanda we Gazagystanda ýaşaýan žabalar diňe suwly ýerde däl, eýsem, çöllükde-de duş gelýärler.
Iň uly ýylan Günorta Amerikada ýaşaýan suw gömülgenidir. Onuň uzynlygy 10-15 metre ýetýär. Suw gömülgeni Amazonka derýasynyň batgaly kenarlarynda duşýar. Günorta Aziýada ýaşaýan anakondanyň uzynlygy 10 metre, agramy 100 kilograma barabardyr.
Iň uly pyşdyllar Hindi, Ýuwaş we Atlantik ummanlarynda ýaşaýarlar. Olaryň agramy 600 kilograma, bedeniniň uzynlygy 2 metre deňdir. Gury ýerde ýaşaýan pyşdyllaryň iň äpetleri Ýuwaş ummandaky Galapagos adasynda ýaşaýarlar. Olaryň uzynlygynyň 1,5 metre, agramynyň bolsa 200 kilograma ýetýänleri hem bar.
Türkmenistanda ýaşaýan zemzenleriňem äpetleri duş gelýär. Olaryň käbirleriniň uzynlygy 1,5 metre ýetýär.
22
30
möjek_daýy🐺
02.06.2024 22:18
BARY BIDEREK
Bir ýeriň ynjasa ýüzüň gülünmez,
Hassalyk derdi hiç kime dilenmez.
Durmuşyň gyzygy göze görünmez,
Saglygyň bolmasa bary biderek.
Toý ýasyňda adamlary sanap gör,
Öz ornuňy il deňinde barlap gör.
Käteler özüň özüňi synap gör,
Hormatyň bolmasa bary biderek.
Arzuw etmegiňem öz çaky bardyr.
Öz hakyna kaýyl bolýanlar azdyr.
Her adam hars urup her zada zardyr,
Nesibäň bolmasa bary biderek.
Gyz-gelinler ýüzüne çalynar reňkin,
Üýtgetjek bolarlar hakyky görkün.
Dogry, çala bezeg bermegem mümkin,
Mähir, nur bolmasa bary biderek.
Nahal ek topragyňa her pasyl,
Boý alyp ýapraklap öwüsse ýaşyl.
Ýöne miwelemän bermese hasyl,
Bakjaly bagyňdan bary biderek.
Eklenç üçin, gazanç üçin işleseň,
Arzuw eden hünäriňe yetmeseň.
Edýän işiň ýüreginden söýmeseň,
Höwesiň bolmasa bary biderek.
Dost diýende daşyň dolup dursa-da,
Saňa şöhrat diläp hormat goysa-da.
Gabat gelseň eger-de kyn pursada.
Halyň soramasa bary biderek.
Ejeň ak süýdüni ödäp bilmeseň,
Kyblaň kakaň ak patasyn almasaň.
Hossarlaryň gadyryny duýmasaň,
Razy bolmasalar bary biderek.
Alty dogan bir düşege sygdylar,
Ulalyp öýlenip goňşy boldylar.
Oňuşman aradan haýat dikdiler,
Hany agzybirlik, bary biderek.
Karza batyp soňky maşyn edinip,
Gymmat baha eşiklerden geýinip.
Aýlanyp ýör köçä sygman öwünip,
Öýi çatma ýaly bary biderek.
Käbir gyzlar pul baýlyga gyzarlar,
Mynasyp däl ýa:ra özün dözerler.
Soňra puşman çekip aglap gezerler,
Durmuşy bagtsyz bary biderek.
Wagtynda okaman okuwhanada,
Hiç kitap okaman kitaphanada.
Soňra işgär bolup bir edarada,
Işini bilmese bary biderek.
Köpler öz iýen duzuna degmeýär,
Şol bolşuna ile göwni ýetmeýär.
Asly ýaşaýyşa akly çatmaýar,
Düşünjäň bolmasa bary biderek.
Iki sözi dogry çatyp bilmänler,
Köpler özlerine şahyr diýýäler.
Bolar bolgusyz zat hakda düzýäler,
Manysy bolmasa bary biderek.
Awtor: Döwlet Berdigylyjow
17
32
