Mowzuklar kizz » Sahypa 7 » Öwrenmeli App

12.12.2023 22:21

Çopantelpegiň peýdasy

Çopantelpek adamlara rahat dynç almaga kömek edýän meşhur ösümlikdir. Ony gadymy döwürlerden bäri halk lukmançylygynda şypaly ösümlik hökmünde ulanýarlar.

Dünýäniň köp ýurtlarynda duş gelýän bu ösümlik saglygymyz üçin örän peýdalydyr. Şeýle hem ol dermanlyk otlaryň arasynda iň köp peýdalanylýanlaryň biridir. Lukmançylykda çopantelpegi agrysyzlandyryjy, köşeşdiriji, damar giňeldiji derman hökmünde ulanýarlar. Şeýle hem gyzgynyňy peseltmekde, sowuklamany bejermekde, aşgazan keselleriniň öňüni almakda hem peýdasy uludyr. Bu dermanlyk ot rahatlandyryjy häsiýete eýe bolup, kiçi ýaşly çagalar we uzak wagtlap dartgynly emosional ýagdaýda bolýan näsaglar üçin has-da peýdalydyr.

Çopantelpek bilen garylyp demlenen çaýa bir azajyk gara burç, bir çaý çemçesi bal garyp içmeli. Bu demleme dümewden hem-de bokurdak agrysyndan gutulmaga ýardam edýär. Mundan başga-da, lukmanlar çopantelpegiň goýy demlemesini ary baly, ýumurtganyň sarysy we mindal ýagy bilen garyp, bu garyndyny birnäçe gat hasa siňdirip, ýüze daňylanda ýüzüň ter bolmagyny, wagtyndaň öň garramazlygyňy üpjün edýändigini aýdýarlar.

Çopantelpegiň gülünden taýýarlanylýan el we saç ýuwujy serişdeler bedeniňe oňaýly täsir edýär. Ondan taýýarlanylan çaý ukunyň hilini ýokarlandyrýar. Çopantelpek çaýynyň bu häsiýeti gadymy lukmançylyk amallaryndan bäri bellidir. Bu çaýyň peýdalary dürli antioksidantlary öz içine alýandygyndan gelip çykýar. Bu antioksidantlaryň käbiri dürli keselleriň, şol sanda ýürek keselleriniň we rak keseliniň töwekgelçiligini azaltmakda uly rol oýnaýar.

Sagdyn durmuş ýörelgesini wagyz etmekde, keselleriň öňüni almakda, bejermekde, umuman aýdanymyzda, ilatyň saglygyny dikeltmekde ýurdumyzyň keramatly topragynda ösýän çopantelpegiň ynsan saglygyna melhemlik häsiýeti barada giň maglumat berýän Gahryman Arkadagymyzyň ,,Türkmenistanyň dermanlyk ösümlikleri’’ atly ylmy-ensiklopediýasy diňe bir lukmanlar üçin däl, eýsem, halk köpçüligi üçin gymmatly we uly ähmiýetli ylmy çeşmä öwrüldi.

28

39

1

kizz

12.12.2023 18:20

“Başarmarsyň’’ diýen düşünjäni unudyň!

Ynsan nä derejede gaýratly bolsada bir işe başlamak üçin ilkinji ädimi ädende tolgunmazlyk onuň elinde däl. Suwa bökmäge gaýratyňyz çatar, emma asyl gaýratlylyk suwa ilkinji gezek böküşde başlanar. Bir işi ýerine ýetirmek nähili derejede çylşyrymly bolsa bolsun ýöne ilki synanşykdan soňra başaryp bilersiňiz.

Üstünlik-meşhurlyga ýol açan netijeler bilen bir hatarda alkyşlamaga mynasyp zähmetleri hem orta goýar. Biziň wezipämiz, berkidilen işi doly derejede ýerine ýetirmek we soňunda ýüze çykan netijelere syn etmekdir. Şeýle pikirlenmek, birinji altyn ädimi ätmegi aňsatlaşdyrar. Bir gorky gursagymyzy lerzana getiren we bize “başarmarsyň’’ diýer.

Aslyna seretseň başarýanlar bu päsgelçiligi ýeňip geçenlerdir. Bir işde başarjaň bolman hem başga bir işde tapawutlanyp bilersiňiz. Bu durmuşda ähli zady başarmaly diýen zat ýok.Tebigatyň bize eçilen kanuny şeýle. Şonuň üçin hem “başarmarsyň’’ diýen düşünjäni unudyp, ilkinji altyn ädimi ätmekde haýyr bar.

29

89

0

kizz

11.12.2023 17:16

Baş Roždestwo arçasynyň çyrasy ýakyldy.

Nýu-Ýork şäheriniň Rokfeller merkezinde Baş Roždestwo arçasynyň çyrasynyň ýakylyş dabarasy ýüzlerçe adamyň gatnaşmagynda dabaraly ýagdaýda geçirildi.

Agramy 12 tonna bolan 24 metrlik arça 11-nji noýabrda Nýu-Ýork ştatynyň Westal şäherinden getirildi. Onuň bezegi üçin 50 müňden gowrak dürli reňkli lampalardan ybarat bolan, takmynan, 8 kilometr uzynlykdaky bezeg çyrasy gerek boldy.

Arçanyň çür depesini «Swarovski» -niň bahasy 3 million bolan kristaly bilen bezelen hrustal ýyldyz bezedi. Arçanyň çyralary ýakylmazdan ozal bu ýerde konsert geçirilip, oňa Şer, Barri Manilou, Hloýa Beýli, Keke Palmer, Ketrin Makfi, Manuel Turizo ýaly aýdym-saz ýerine ýetirijileri gatnaşdy.

Geçmişe ser salsak, Roždestwo arçasy ilkinji gezek 1931-nji ýylda Rokfeller merkeziniň töwereginde dikilipdir. 1933-nji ýyldan bäri çyra ýakylyş dabarasy yzygiderli geçirilýär, 1951-nji ýyldan bäri bolsa bu dabara telewideniýe arkaly halka ýetirilýär.

33

72

0

kizz

10.12.2023 01:01

24 sagat: Ýer ýüzünde bir günde nämeler bolup geçýär.

Biziň ýaşaýan dünýämizde 24 sagadyň dowamynda ululy-kiçili täsin wakalardyr hadysalar bolup geçýär. Biz köplenç bu wagty bolaýmaly ýaly, ähmiýetsiz hasaplaýarys, ýöne käbir jandarlar üçin Ýer ýüzüniň bir güni bütin ömürdir.

🔶 Ýer ýüzünde bir günde nämeler bolýar?

🔸7 ýertitreme, 18 müň tüweleý, 8,6 million ýyldyrym.

🔸Takmynan, 18 million adam doglan gününi belleýär.

🔸Takmynan, 365 müň adam dünýä inýär.

🔸Her gün bir agaç planetanyň iki ýaşaýjysy üçin ýeterlik bolan kislorody bölüp çykarýar.

🔸Orta hasap bilen her birimiz günde 15 gezek gülýäris.

🔸Ynsan ýüregi günde 104 müň gezek urýar.

🔸Kagyz haltalary ýasamak üçin 40 müň agaç, hajathana kagyzy ýasamak üçin 27 müň agaç kesilýär.

🔸Ösümlikleriň, mör-möjekleriň, guşlaryň we süýdemdirijileriň 150-200 görnüşi daş-töweregiň hapalanmagy, ýeriň zaýalanmagy we daşky gurşawa zeper ýetmegi sebäpli ýok bolar.

🔸Hytaýly daýhanlar 510 müň tonna tüwi ýygnaýarlar.

🔸Dünýä ýüzi boýunça 1,700,000 tonna miwe ýygnalýar.

🔸Ortaça, her bir adam takmynan 48 müň sany söz aýdýar.

🔸Bütin dünýädäki towuklar 190 million ýumurtga berýärler.

🔸Dünýädäki adamlar her gün hajathananyň suwuny 22 milliard gezek goýberýärler. Bu suw mukdaryna adamzadyň ýarysy suwa düşüp bilerdi.

▪️142 müň awtoulag öndürilýär. Eger bu täze öndürilen awtoulaglar zynjyr görnüşde hatara düzülen bolsa, olaryň uzynlygy takmynan 512 kilometre barabar bolardy.

▪️Adam her gün 23 müň gezek dem alýar.

▪️Adam bedeninde her günde 50 trillion öýjük ölüp, täzeden döreýär.

▪️Adamyň 40 — 100 aralygynda sany saçy dökülýär.

▪️Adamlar bir günde 800 million apelsin, 1 milliard alma, 1,5 milliard sany bolsa banan iýýärler.

▪️Adam saçlary 0,35 millimetr ösýär.

▪️24 sagat maýyp güjügiň gysga ömri.

🔶 Bir günde adamlar şulary satyn alýarlar:

◾570 müň sany telewizor;

◾3,4 million sany telefon;

◾540 million sany gazet;

◾820 müň sany golf topjagazy.

▪️Her günde 2753 sany kitap çap edilýär.

▪️Ýer ýüzünde 24 sagadyň dowamynda Gün bir gezek dogup, bir gezek batýar. Şeýle-de bolsa, Halkara kosmos stansiýasynyň (ISS) astronawtlary günde 16 gezek Günüň doguşyny we 16 gezek Günüň batyşyny görýärler.

▪️Ýer togalagymyzda her günde bolup geçýän wakalar örän köp bolsa-da, köplenç olara ähmiýet bermeýäris. Bir günde köp sanly janly-jandar dünýä inýär we ölýär, ekinler ösýär we miweler bişýär, köp mukdarda önüm öndürilýär. Tebigatyň ýaşaýşy yzygiderli ösüp-ýetişip dowam edip dur, adamzat işleýär, kämilleşýär.

▪️24 sagadyň içinde milliardlarça jandar üçin ýaşaýyş üpjün edip, ullakan özgerişler sikli başdan geçirilýär. Bu zatlaryň ählisi planetamyzy her pursatda ajaýyp wakalaryň bolup geçýän ýerine öwürýär.

23

109

7

kizz

30.11.2023 14:14

47 ýyldan soň gazanylan ýeňiş

«Championat.com» -yň habar bermegine görä, Italiýanyň milli ýygyndysy Ispaniýanyň Malaga şäherinde geçirilen tennis boýunça Dewisiň kubogynyň final oýnunda Awstraliýanyň toparyny ýeňmegi başardy.

Ilkinji duşuşykda Matteo Arnaldi 7:5, 2:6, 6:4 hasabynda Alekseý Popyrini ýeňdi. Ikinji oýunda bolsa Ýannik Sinner 6:3, 6:0 hasaby bilen Aleks de Minaurdan üstün çykmagy başardy. Ýekelikde geçirilen iki oýnuň jemi boýunça deňme-deň netije alnan ýagdaýynda jübütleriň arasyndaky duşuşyk meýilleşdirilipdi.

Awstraliýanyň milli topary üçin Mettýu Ebden bilen Maks Pýorsell, Italiýanyň topary üçin bolsa Sinner bilen Simone Bolelli oýnamalydy. Italiýanyň milli ýygyndysy taryhda ikinji gezek Dewisiň Kubogyny utdy.

Ýatlap geçsek italiýalylar 47 ýyl mundan öň – 1976-njy ýylda ýeňiji bolupdylar. Awstraliýa Dewisiň Kubogynda 28 gezek ýeňiş gazanyp, 2003-nji ýyldan häzirki wagta çenli hiç hili kubok gazanyp bilenok.

19

58

0

kizz

30.11.2023 06:20

Dişleri agartmak üçin täze usullar

Aslynda, tebigy usullar arkaly günde birnäçe minudyňyzy sarp edip, dişleriňiziň akja bolmagyny gazanyp bilersiňiz.

Öý şertlerinde tebigy usullar bilen saralan dişleriňizi ýagtylandyrmak öz eliňizde. Ilki bilen üns bermeli ýeke-täk zadyňyz, dişleriňiziň arasynda galan galyndylaryň we çüýremeginiň öňüni almak üçin iýip-içeniňizden soňra agzyňyzy gowy edip ýuwuň.

🔸Antibakterial gazlandyrylan garyndy. 1 çaý çemçesi hamyr sodasyna deň mukdarda zeýtun ýagyny goşuň we üstüne birnäçe damja limon gysyň. Alnan garyndy bilen dişleriňizi ýuwuň. Hepdede iki gezek ulanjak bu gazlandyrylan garyndy, dişleriňiziň reňkini ýeňilleşdirer we agzyňyzdaky bakteriýalary ýok eder. Bu amal üçin aýratyn diş çotgasyny ulanyň.

🔸Darçyn. Bir çaý çemçesi adatyja we bir çaý çemçesi tozan darçyna birnäçe damja limon goşuň. Bir käsede gowy garylan maddalar bilen dişleriňizi ýuwuň. Bu usuly hepdede 3 gezek gaýtalaň.

🔸Ýertudana. Orta ölçegli ýertudanany gowy edip ýuwup, dişleriňize sürtüň. Her gije ýatmazdan ozal bu usuly bir hepde yzygider gaýtalaň.

🔸Gliserin. Diş çotgaňyza birnäçe damja gliserin goşuň. Dişleri aklaýan gliserin, bakteriýalary ýok etmek bilen dişiň çüýremeginiň hem öňüni alýar.

🔸Süýümli gök önümler we miweler. Brokkoli, alma we hyýar ýaly süýüme baý gök önümler hem dişleri agartmakda hem diýseň täsirli usuldyr.

22

148

2

kizz

29.11.2023 20:35