Mowzuklar kizz » Sahypa 4 » Öwrenmeli App

08.02.2024 18:11

Suw üýtgedimi ýa-da adamlar?

Bir sapar Musa pygamberiň halypasy Hydyr adamlara şeýle duýduryş bilen ýüzlenipdir:

― Günlerde bir gün dünýäde ýörite ýygnalan suwdan başga ähli suwlar ýok bolar. Soňra onuň ornuna başga suw geler. Ony içen adamlar aklyndan azaşarlar.

Diňe bir adam bu sözleriň asyl manysyna düşünipdir. Ol suwy başardygyndan köp toplap, ynamdar ýerde gizläpdir. Şeýdip, ol suwuň üýtgemegine garaşyp başlapdyr. Hakykatdan-da, aýdylan güni derýalaryň suwy çekilip, guýular gurapdyr. Ýaňky adam gaçybatalgasyna girip, özüniň taýýarlap goýan suwundan içip başlapdyr. Birnäçe wagt geçenden soňra suw ýene gaýdyp gelipdir. Ýaňky kişi hem adamlaryň ýanyna barypdyr. Şonda olaryň öňkülerinden başgaça gürleýändiklerini, başgaça pikir edýändiklerini, özlerine ozal berlen duýduryşy unudandyklaryny görüpdir. Ýaňky kişi adamlar bilen gepleşjek bolanda, olaryň özüne düşünmän, duşmançylykly garaýandyklaryna, özüni aklyndan azaşan adam ýaly kabul edýändiklerine göz ýetiripdir.

Ol adam başda täze suwa barmagyny hem batyrman, her sapar özüniň aýap saklaýan suwuna gaýdyp gelipdir. Ýöne ahyrsoňy ol hem täze suwdan içmegi ýüregine düwüpdir. Sebäbi özgeleriňkä meňzemeýän hereketi we pikirlenişi onuň ýaşaýşyny çydamaz derejedäki ýalňyzlyga uçradypdyr. Ol täze suwdan gana-gana içip, beýlekiler ýaly adama öwrülipdir hem-de öňki toplan suwuny bütinleý unudypdyr. Töweregindäki adamlar bolsa ony gudrat bilen öz derdinden açylan diwana hökmünde kabul edipdirler.

31

65

0

kizz

07.02.2024 19:13

Iň güýçli pasportly ýurtlar

Alty ýurt, şol sanda dört Ýewropa we iki Aziýa döwleti iň güýçli pasportyň eýesi boldy diýip, «Henley & Partners» halkara maslahat beriş kompaniýasy habar berýär.

Halkara maslahat beriş kompaniýa täze reýtingi çap edip, şoňa görä alty ýurt – Fransiýa, Germaniýa, Italiýa, Ýaponiýa, Singapur we Ispaniýa iň güýçli pasportly ýurtlar diýlip ykrar edildi. Bu ýurtlaryň ýaşaýjylary seljerilen 227-den 194 ýurda we sebite wizasyz baryp bilýärler.

Ikinji orunda 193 wizasyz ugur bilen Finlýandiýa, Günorta Koreýa we Şwesiýa durýar. Iň güýçli pasportlaryň sanawynda ilkinji üçlüge Awstriýa, Daniýa, Irlandiýa we Niderlandlar hem girdi.

Şeýle-de, sanawda 104-nji orny Owganystan eýeläp, ýurduň raýatlary 28 ýurda wizasyz syýahat edip bilerler.

28

135

1

kizz

22.01.2024 00:03

Söýgüde ädigem zerur

Bilemok, nämüçin ýatdan çykanok,
ÝA başga ýatlama tükenäýdimi?
On bäş ýyl soň ýene düýşüme girdi,
Polýak ussalarnyň tiken ädigi.

Mollamurtuň «Nesihatyn» ýat tutup,
Ekzamene taýynlanýan wagtymyz.
Satylýar — diýdiler — modaly ädik,
Beýle ädik — ýetginjegiň bagtydyr.

«Nesihat», ekzamen huşumdan uçdy,
«Birini alaýyn nädiibem bolsa.
Şo gyz meni söýer — diýdim içimden, —
— Geýer ýaly gowy ädigim bolsa.

Bir gowy gyz bardy, biçak owadan,
Klasdaşlar bolup, şony söýdük biz.
Dostum şol ädigi alan dessine,
Bagtym menden ýüz öwrendir öýdüpdim.

Gowy ädik nesibämde ýok eken,
Hatda aýagma-da görmedim deňäp.
Başga oba göçüp gitdi ol gyz hem,
Näme sebäp boldy, bilmedim men-ä.

Henizlerem söýýärin şol gözeli,
Kalbymda dogadyr, möhriban ady.
Durmuş-da bu, dostlar, erkiň ýetenok,
Käte ol gysganýar bolgusyz zada.

Ynjalyk berenok, ýatdan çykanok,
Ykbalyňdan bir zat gädilen bolsa.
Göwnüme bolmasa, söýjekdi-le şol
Illeriňki ýaly ädigim bolsa.

Çary Ýegenmyradow.

16

25

1

kizz

21.01.2024 23:59

Saç dökülmesiniň sebäpleri

Saç dökülmeginiň dürli sebäpleri bar. Demir ýetmezçiligi hem-de ganazlyk saç dökülmeginiň iň uly sebäpleriniň biridir. Şeýle-de, gormonal üýtgeşmeler, stres, iýmit we genetika ýaly birnäçe faktorlar hem saç dökülmegine sebäp bolup bilýär. Esasan-da, stres saçyň ösüşiniň haýallamagyna we dökülmegine zyýan ýetirip bilýär.

Saç dökülmeginiň öňüni alyp bolarmyka? Elbetde, munuň üçin saça wagtly-wagtynda ideg edip durmaly. Sebäbi dogry ideg we durmuş ýörelgeleriniň kadalaryna eýerip, saç dökülmelerine netijeli gözegçilik edip bolýar. Aslynda, beloklara, witaminlere we omega-3 ýag kislotalaryna baý deňagramly iýmitler saçyň sagdyn ösmegine kömek edýär.

15

43

0

kizz

20.01.2024 12:43