izabel
09.02.2024 15:25
Mart aýynda bize pes hem ýokary derejedäki dürli täsirli magnit hadysalarynyň kaleýdoskopy garaşýar. Bu adamlaryň özüni duýşuna hem-de enjamlaryň işleýşine täsir edip biler diýip, Mail.ru ýazýar.

3-4-nji martda: Saglyk ýagdaýy ýaramaz adamlara azda-kände täsir edip biljek gowşak täsirli hadysa. Munda ýadawlyk we işdäň bolmazlygy mümkindir.

9-10-njy martda: Aýyň dowamyndaky iň güýçli magnit hadysasy bolar. Özüňizi onuň täsirinden goraň: iş ýüküňizi azaldyň, köpräk suw içiň we köpçülik ýerlerinden çeträkde boluň.

15-16-njy martda: orta derejeli hadysa. Özüňizi duýşuňyza ünsli boluň, zerur bolan dermanlaryňyzy ýanyňyzda saklaň.

21-22-nji martda: ýene-de gowşak täsirli hadysa. Ukusyzlyk we ysgynsyzlyk bilen bagly kynçylyklary ýüze çykaryp biler.

27-28-nji martda: orta derejeli magnit hadysasy. Kellagyrydan, gan basyşynyň pese düşmeginden we özüňizi ýaramaz duýmakdan seresap boluň.
15
29
0
izabel
15.01.2024 21:42
Hindistanly Saraswati Dewi adamsy aradan çykanyndan bäri, 32 ýyldyr, günde bir sagat gepleşýär diýip, «Oddity Central» neşirine salgylanýan «Gazeta.ru» ýazýar.

Zenan bu gün 85 ýaşynda, 1992-nji ýylda adamsy ýurduny täzeländen soň ol dymmak bilen ýanýoldaşynyň ruhuny hatyramakçydygyny yglan etdi. Ol mukaddes ýerlere zyýarat edýärkä, ruhana sataşdy. Ruhany Saraswatä Rama taňrynyň hatyrasyna Kamtanath dagynyň daşyndan aýlanyp çykmagy sargyt etdi.

Bu zyýarat zenana şeýlebir ýarady welin, ol Rama bagyşlanan täze ybadathana gurlup gutarylýança, gürrüňçilikden gaça durmak kararyna geldi. «Ol gije-gündizde 23 sagat geplemedi, diňe günortan bir sagat gepleşýärdi. Galan wagty biziň bilen galam-kagyzyň, ümüň üsti bilen gepleşdi» diýip, Dewiniň gelni gürrüň berýär.

Indi 32 ýyldan soň Dewiniň dymmak dessury ahyrlaýar, şu ýanwaryň ahyrynda onuň garaşan güni, Rama taňrynyň ybadathanasy açylyp, ulanmaga berilýär.
24
150
5