Eger gelniň öýkelese.

Tutuksydyr ýüzi aýyñ,

Eger gelniñ öýkelese.

Bulaşykdyr pikir-oýuñ,

Eger gelniñ öýkelese.

Keýpiñ uçar gider guş deý,

Öýüñ içi edil gyş deý.

Doly dünýäñ bolar boş deý,

Eger gelniñ öýkelese.

Bälçiräp söz atyp bolmaz,

Süýdüñ asyl gatyk bolmaz.

Hiç göwnüñe ýetip bolmaz,

Eger gelniñ öýkelese.

Gözde ýaşy buldur,buldur,

Misli bir çyg düşen güldür,

Ne ysgadar, Ne-de ýoldyrar.

Eger gelniñ öýkelese.

Göwräñ sagat, göwnüñ hassa,

Heserdeşiñ ajy tüsse,

Aýdyberseñ uly kyssa,

Eger gelniñ öýkelese.

Ne-hä myhman getirip bor,

Ne bileje oturyp bor,

Dañy nädip atyryp bor,

Eger gelniñ öýkelese.

Ýalan-çyndan gülen borsuñ,

Nätjek, toba gelen borsuñ,

Hyzmatynda "gelin" borsuñ,

Eger gelniñ öýkelese.

Ýeri bolýar,düzjek bolgun,

Sebäbini syzjak bolgun,

Öýkesini ýazjak bolgun,

Eger gelniñ öýkelese.

Awtor: Agamyrat Soltanow