guli_
29.07.2021 20:41
Öýkelek gyz.
Bir gyz söýdüm,
Aga gara, egrä dogry diýse-de,
Mahal-mahal unutsa-da wadasyn,
Gijä çenli garaşdyryp goýsa-da.
Bir gyz söýdüm,
Sözler bilen ýüregime düşse-de,
Geýinende gabanjymdam ölsem-de,
Men nädeýin,
Saýlap-saýlap söýenim öýkelek bolsa?!
Bir gyz söýdüm,
Ähli şertleri bilen,
Iňňirdisi, kemi, artygy bilen
Şertlerem iliňkä meňzänok onuň,
Bitirmäge güýjüm ýetenok meniň.
Nämemiş,
Günde bäş wagtyna habar tutmaly,
Okuwdan soň ugratmaly öýüne,
Ýadan bolsa taksi bilen eltmeli,
Seretmeli diňe onuň ýüzüne.
Her baýramda sowgat alyp bermeli,
Doglan gününe sowgatlaryň gymmadyn,
Gowşurmaly, ýogsam günüň görmeli,
Ýogsam bir aý ony görmän oňmaly.
Bazara gitse-de bile gitmeli,
Ýetirmeli söwdasynyň öwgüsin.
Satyjy göwnüne degäýse eger,
Hökman beräýmeli satyjyň mergisin.
Ýerine bermeli onuň bergisin,
Toýa gitse hökman alyp gaýtmaly,
Ýolda-da bermeli söýgi posasyn,
Ýadyňdan çykaýsa, Alla saklasyn!
Dostlaryny dost tutmaly özüme,
Duşmanlary duşman bolmaly maňa.
Eger ynanmasa aýdan sözüme,
Ant içmeli gara sürtüp ýüzüme.
Onuň bolsa aýdan her bir sözüni,
Doga edip dakynmaly boýnuma,
Säwlik bilen ýalňyşaýsaň birdenkä,
Derrew düzetmeli özi aňmanka.
Adamçylyk,Ýolda ýöräp barýakaň,
Gözüň düşse başgasyna birdenkä,
Öwrülmeli, ýanyňdaky duýmanka.
Garaz, şertleriniň ondan biri şujagaz,
Garaz, meň söýenim şular ýaly gyz.
Sözler bilen ýüregime düşse-de,
Saçlarym dökse-de, bilim bükse-de,
Sögse-de,Söýse-de,Janym ýaksa-da,
Iller gep etse-de, gybat etse-de,
Alla şaýat, men nädeýin,
Saýlap-saýlap söýenim öýkelek bolsa?!
7
145
guli_
27.07.2021 13:17
Öý bikesi üçin peýdaly maslahatlar
Öý bikeleri köp wagtyny aşhanada geçirmeli bolýarlar. Şeýle bolansoň, käbir işleriň aňsat ýollaryny bilmek, wagtyňyzy tygşytlamaga kömek eder. Geliň, olaryň käbirine seredeliň!
Eger nahara kelem ýa-da gök otlary atjak bolsaňyz, ilki duzly sowuk suwda 10-15 minut goýuň! Şeýlelikde, onuň reňki üýtgemez.
Çorbaňyzyň duzy köp bolan bolsa, içine kesilen kartoşka atyň! Kartoşka onuň duzuny özüne çekýär.
Howurpeçden çykaran kökäňiz gabyndan çykmaýan bolsa, birsalym çygly esginiň üstünde goýuň!
Gaýnadylan ýumurtganyň aňsat artylmagy üçin suwa salmazdan öň aşagyny iňňe bilen deşiň! Şeýlelikde, gaýnandan soňra aňsatlyk bilen gabygy aýrylar. Munuň ýene bir usuly bolsa, ýumurtganyň gaýnadylýan suwuna biraz çaý sodasy atmaly.
Mikrotolkunly peçde nahar gyzdyrjak bolsaňyz, onuň guramazlygy üçin gapdalyna bir bulgur suw goýuň!
Unuň içine lawr ýapragyny goýsaňyz ol uzak wagtlap zaýalanman durar.
Maňňalda balyk bişireniňizde ýapyşmazlygy üçin aşagyna kesilen limon bölejiklerini goýuň!
Gazanyň içindäki gaýnap duran süýdüň ýa-da çorbanyň çogmazlygy üçin üstüne agaç çemçe goýuň!
Sowadyjyňyzdaky çyglylygy aýyrmak üçin iki çaý çemçesi duz salyp goýuň we bir gije durandan soňra aýyryň!
Sowadyjyňyzdaky ýakymsyz ysy aýyrmak üçin bir käse kofe ýa-da gabardyjy külke goýuň!
6
226
