Sen, heý men barada nämeler bilýäň?
Bilýäňmi içimiň kereplerini,
Eden hemem edýän teleklerimi?!
Gelmejek wysala göwnümi berip,
Ütenim göwnümiň ýeleklerini?!

Bilýäňmi gijeler uçýanym ýatman?!
Gögüň göbeginde gapysyz çatmam
(Men onda her gije ruhumy goýýan,
Ýüregmi goýmaga gurbatym çatman).

Ezraýylyň çatmam bilenoklygyn,
Bilýäňmi şo sebäp degenoklygyn?!
Her günde müň gelip, ruhumy tapman,
Bakyýaň ýoluny serenoklygyn?!

— Laçyn Bazarowa.

Kän görsem-de gözel-gözel adamy,
Belki, görmedim men daşdanam boýuň.
Bilmesek-de kimdigiňi, adyňy,
Eýýäm bezäp goýduk ýaşajak öýüň.
Dostumyň salgyndan seni gözleýän,
Alysdan, alnymdan seni gözleýän.

Bu gözel dünýäniň gözel ýerinde,
Bilýärin, gezýärsiň sen meni gözläp.
Biriniň bakyşy syrly görünse,
Gozgalaň tapýansyň gyzlardan gizläp,
Menem ilden gizläp, saňa garaşýan,
Menem gözläp-gözläp saňa garaşýan.

Gaýnyňam aýap ýör gowja zatlary,
Diýip: «Sowgat bolar gelnime, guzym»
Näbelli gyz, bilemizok razmeriň,
Belki, dar, gysga bor, belki-de, uzyn.
Enem saňa diýýär: «Şol meniň ertäm»
Enemiň ertesi haçan gelerkäň.

Gelsene aýlardan, ýyllardan aşyp,
Ýyllar seni juda haýal getirýär.
Gel, bu ojak saňa ozaldan aşyk,
Onda saňa duş gelmedik mähir bar.
Geljegim seň bilen bile gelmeli,
Gel gyz, sen barybir bize gelmeli.

Italmaz Akmyradow.

Ýaşamaga güýjüm galmady, dostum. Sen ýaşa… Ýöne hergün ir-säher, otagyň her boşlugyny Gün şöhlesi bilen doldurmagy unutma! Tutularam tans etsin ýeliň sazyna. Ýolugra bir sazyň täsiri bilen hiňlenip ugra sen işiňe bakan. Men saňa üýtgeşik aýdym goýmadym, bilýän. Sen saýla bir serçäni, goşulyber şonuň heňine.
Depderiň bir çetine Gün suratyn çekmegi, ähli saralyp-solan gülleri jaýlamagy we her agşamara, dostum, aglamagy unutma! Men henizem ýaşaýandyr öýtsün otagym.
Ýaşaýarkaň, ýaşamagy unutma! Ýadasaň eger, akymyna goşul mawy asfaltyň, ýöräber ýoluň soňuna deňiç. Ýollar uzak, ädimlerem gysga… Soňuny saýma, ýürek urşuňa deňläber ädimleriňi.
Men gidemsoň asmana gowy seret, dostum. Göwnüňi birinde galdyraýsaňam, hergiz umydyňy ýitirmejek bol. Saňa ykbal gam çekdirse, ony çilim tüssesi deý sowur goýber gursagyňdan. Öz hasratyň özüňe artyk ge:r, dostum.
Aýnada özüňe syn edýäňmi bir?! Agyr dälmi gözleňdäki betonlar? Utanma, agla!
Arasynda ýöriteläp saçyňy dara. Şemalam halaýar bezemenleri. Gözellik diýip aşa kösenme ýöne. Ýylgyryp goýber.
…Ölüler mazarda üşemeýän eken. Şol pikir maňa köp ejir çekdirdi. Ötenlem üçin. Emma itler, pişikler üşeýär, dostum. Olaryň ganaty ýog-a, uçup gidäýer ýaly.
Kebelekleň nesli tükenmez entäk, ony gaýgy etme. Sen tebigaty arz et Ýaradana. Mümkin bolsa, ýene bir-iki aý goşup bersin bahara. Gyşdan kemse bolar, halys bolmasa. Onsuzam dokuzymyz üçe ýetenok. Hemem, güýzi unutma, dostum. Dekabr aslynda güýzüň kapyýasy.
Onsoňam… Sen göwnüňi giň tut. Şol ýerde bir gysylyp galmaýyn, dostum.

Begençgeldi ORAZOW

Aşyk ýigidiň matematik gyza ýazan haty

Salam – tükeniksiz progressiýa,
Eý, gara gözli ýar, niçik ahwalyň?
Tarypyňy hata salyp ýollaýan,
Eý, dünýäm, älemim, açyk asmanym!

Gözleriň giden bir tükeniksizlik,
Seniň ol gözleriň misli bir umman
Bir bakyşyň müň ýigidi jadylar,
Onsoň men neneňsi durmaýyn dymman?!

Gözüňde syýadan goýulan pokat,
Gaşlaryňam – sinisoidal çyzyk-la.
Seň bilen söýüşmek şeýle bir agyr,
Hem bu söýgi çylşyrymly, gyzykly.

Ýylgyrsaň, lebleriň açyk skobka,
Ap-ak ýüzüň tegelek däl, ellipis.
Sen deý owadan gyz ýokdur dünýäde,
Söýýän bolsaň, toý gününi belle tiz.

Ýarym, seň dört örüm gara saçlaryň
Ellem bilen çözülmedik dört amal.
Şo saçlardyr meni büdredip ýykan,
Şo saçlardyr meni ýüpsüzje daňan.

Näzmi ýa gaharmy düşüp bolanok,
Seň ynanjyň açmasy kyn bir binom.
Söýgim üçin günäli men öňüňde,
Geçewer günäsin aşyk bigünäň.

Käte sen ýönekeý ady drob deý,
Ah, ýüregim ýüregiňe ýol eden.
Ynamym kän biz maksada ýeteris,
Seň ynanjyň bolmawersin nola deň.

Ady drob, öwrül üznüksize sen,
Üznüksiz drob – bu üznüksiz söýgi.
Dowam etsin göni çyzyk deý bu ýol,
Gutarmasyn onuň üznüksizligi.

Gijeler asmanyň ýyldyzny sanap,
Sen ol merjen ýyldyzlardan monjuk düz.
Sen ömrümiz ölçe ýyldyzlar bilen,
Saňa söýgim – bir ýüz bitin ýüzden ýüz!

Söýgi ýoly çözmesi kyn mesele,
Söýüşmekde ýokdur taýyn formula.
Söýgi bu ýüregiň emrine görä,
Söýgi diýilenok hiç bir zorluga.

Söýgä kesgitleme ýokdur aýratyn,
Bu söýgä hiç hili ýok teorema.
Söýgiň hormatyna göreş sen ejeň
Gelýän onlap sawça ýok diýerine.

Biz – iki biz,
Ikimizde bir ýürek,
Men plýus sen,
Sen plýus men,
Deňdir bir!
Bu ýönekeý hasap arifmetika
Ähli adat, şerigata deňdir, bil.
Bu haty diňe seň okagyn özüň,
Ynansaň, iň eziz joraňa okat.
Hoş!
Hatyň soňuna umydym bilen,
Gözlermiň garasyn goýýaryn nokat.

Özüň bilýäň, bu gyş howa-da sowuk,
Bu sowuk gijeler ýar goýny ykyş.
Hat ýaz, sabrym azdyr hat gelerine,
Umyt kän, jogabyň bolmasyn iks!

Awtory Atamyrat Atabaýew

Çyn dost kyn günüňde bellidir - diýilýän dost şu bolsa gerek 😁

Şu işi eden bolsaň senem bizden 😁

“Sataşaýmaweri mynasyp däle”
Çary Ýegenmyradow


Çintgäp-çintgäp ençe gezek aýdypdyň:
“Sataşaýmaweri mynasyp däle...”
Ol özüme mynasypdyr öýdüpdim...
Bagyşla ýazygmy!
Käýe!
Günäle!..

Belki, soňra kalbym aýap, içine
salybam ýörmerin deger-degmezi.
Göwne nagra salyp, ýatlap geçeni,
Agyp gitdi başymyňam sellesi.

Gözýaşlarmyň sebäbini sorama,
Ýüregiňem gyýyp ýörme biderek.
Çöp gaçarmy gözüme-de, gorasaň,
Daşymda-da bolma, gowsy, janserek.

Diýýäň: “Goşgyň — ýaňy açylan läle,
Kalbyň sazam “Keçpelege” heňdeş, gyz.
“Sataşaýmaweri mynasyp däle”,
Sen artykmaç oňat, Aýa meňzeş gyz!”

11.01.2024ý. 14:31. Aşgabat.

© Uzuk NOWRUZOWA

Bu gün öwrenmeliniň köne möjekleri bolan @shamko bilen @guli_ agzalaryň doglan güni! Bular ýene biz bilen täze ýaşyny garşy aldylar! Uzak we manyly ömür arzuw edýän!

Bu tort seniň üçin garpyzçy! @guli senem gaty görme saňa başga tort alarys😁, prosta Şamyrada 4 ýyldan bäri garpyz bergim bardy şony raşşot etjek bolýan pursatdan peýdalanyp. Özüň ýaly şadyýan, göwni açyk gyza ýar bol! Çaltrak öýlen toý göreli 😁...


@guli_ senem diňe bagtdan parlaýan ýyldyzlaryň biri bol✨🌷...


gutlamak bilen: karpuz güzeli garlawaç 😁...

Doglan güne geljekler boş gelmäň 😁

@Perman__ kerpiç örüp ýören ýeri bazara ýakyn ýer bolany üçin köp adam şol ýerden geçýärmiş.
Her geçen adamam @Perman__ bilen gepleşip onyň wagtyny alyp, ony işden goýýarmyş. Şeýdip işini edip bilmedik @Perman__ uly tagta alyp oňa uly ýazgylar bilen bir zatlar ýazyp, ony geçýän adamlaryň okap biljek ýerinde goýupdyr.

Ýene biri şol ýerden geçende @Perman__ a Salam diýip diýmäňkä, ol barmagy bilen ýaňky ýazgyly tagtany görkezipdir. Ol adam hem tagtadaky ýazgylary okapdyr we toba diýip ýoluna gidiberipdir. We ondan soňra hemme adamlarada şol ýazgyly tagtany görkezipdir, ony okan kişi @Permana___ hiç zat diýmän gidip galypdyrlar.
Şol gün menem şol ýerden bazara geçip gitdim we @Perman__ tagtadaky sözleri maňada okatdy, tagtada şeýle sözler bardy:

Waleýkimsalam!

Bar barbol, özüňem arma!

Hawa yssy bilenem oňuşýan

Howa gowy Allajana şükür, özüňiz nähili?

Hä bolýa gowy bolsaňyz bolýa,

Hawa-laý kerpiç örýän

Ýok, özüme däl @Relax agalara örýän,

1000 kerpiç örsem 150 manat berýä,

Günde 800-900 kerpiç örýän käwagt 1000

Hawa işlemedik dişlemez diýipdirler

Bolýa bolýa sagboluň, sizem gaýrat ediweriň

Bolýa aýdaryn, sizem salam aýdyň.



😁

Ana gerek bolsa biderek ölüp gitdiň, Jek!.. 😂