Soňky wagtlar solan güller hoşuma gidýar. Belki şoň üçindir içimdäki kebelejiklerimiňem meni terk edeni. Içim daşymdan yza galyp barýar öýdýän. Wagt täsir etmeýän ýaly. Daşyma bahar gelsede içimde güýz. Henizem bahara garaşyp oturşym. Ýapynjamam maňa ýylylyk berenok. Sözlerem ýigrenip başladym, olaram maňa päsgel berýär soňky wagt. Seslerden ýadadym. Sessizlige tarap ýöräsim gelýar...

Hiçkim ýok ýerde ümsümligi diňläsim gelýär...

Ýazasym gelýär... Gorkunçly duýgular hakda ýazasym gelýär, olary maňa aşyk bolaryndan saklasym gelýär...

Ýanymdaky sessiz kölegäni diňläsim gelýär...

Käbir zatlary terk edesim gelýär, edil käbir zatlar meni terk edişi ýaly...

Durmuşyma çakylyk hatysyz gelen kişileri durmuşymdan binamyslarça çykarasym gelýär...

Düşnüksiz duýgularma düşünesim gelýär...

Içimdäki özüm daşymdaky özümi gynasy gelýär...

Sagadyn diljagazyny tersine hereketlendiresim gelýär...

Gerekmejek duýgularymy duýgusyzlara sadaka edesim gelýär.

Aglasym gelýär...

18:00 🍃

17.04.2023

Men kosmasda, sen henizem ýerdemiñ?,

Meni bu ýerlere hyýallarym getirdi,

Janyñ sagmy, zemin asudalykmy?...,

Men seni synlaýan senden alysda,

Aýyñ-günüñ ýakynynda ýaşaýan,

Ýyldyzlaram menden uzak däl indi,

Diñe seni görýän gökden seredip,

Setirlere kapýa gerek däl indi,

Diñe sen hakynda pikir ýöredip,

Atmasfera barmagymy degirýän,

Ol indi geçirmez senli tarapa,

Seni hem geçirmez menli tarapa,

Ikimize böwet bolar müdümi,

Has berkeder aramyzyñ serhedin,

Men kosmasda, sen henizem ýerdemiñ?.

bu ýerlere sesiñ gelmez, ses ýetmez,

Bu ýerlerde bagty çözenok pulam,

Şerbazlyk ýok, adalat ýok, kanun ýok,

Erkinlik köp, ýeke başym dynç gulak.

Sizde wagt tiz geçýänin duýýan men,

Ýene baglar gurar birazsalymdan,

Köp gussasy bir-birine çalymdaş,

Öwüsýändir häzir Güýzüñ şemaly.

Mälim däl-kä saña meniñ ýitmegim,

Gözleýänsiñ, ýa belki begenýänsiñ,

Sen şonda-da umytlarñy itmegin,

Men asmana uçdum unutmak üçin,

Senli günleñ, geçmişini, her demin,

Sen henizem ýerdemiñ?...

©Baýram BEJIDOW

 Seniň bilen hoşlaşybam bilmedim,
Söýdiň hem ýigrendiň.
Çekildim çete.
Ine,doňup durun yzyňdan garap,
Ýer şaryndan zowwam geçýän köçede.

Gidip barýaň,
çaşyp barýar akylym,
(Bu nähili ýowuz duýgy,Hudaýym?!)
Erteki deý söýgiň ertesi ýokmy?
Üstümden ganatyn çekdi humaýym.

Gidip barýaň,
umyt barýar inçelip,
Indi köçäňizden gatnap ýörmerin.
Zat ilmedik çolpym bilen gaýtadan
Arzuw derýasynyň boýun dörmerin.

Unutmak elimden geljek işmi nä?
Diýmek kyn:"Kysmatdyr maňlaýa gelen".
Ýer şaryndan zowwam geçýän köçede
Öz-özüm hoşlaşýan arzuwlam bilen.

Pyşyrdymyz diňlän bagyň astynda,
Köp garaşdym,köp garaşdym...gelmediň.
Günäm ýok diýjekdim,
gitme diýjekdim,
Seniň bilen hoşlaşybam bilmedim.

Seýitmurat Geldiýew 

 Gözel gyzlar, menem birçak siz ýaly,
Lebleri köz ýaly biz gyzy söýdüm.
Bu onuň şanyna hasratym bilen.
Gam bilen ýazylan iň soňky aýdym.

Onuň düşbi, meşhur gözleri mydam
Kän gözlerden maňa gülüp bakardy.
Meniň mejbur, mejnun gözlerim mydam
Boýy baýdak, aý dek gyzlaň içinden,
Lebi oýmak, gaýmak gyzlaň içinden,
Märekeden ony gözläp tapardy.

Gaýyp boldum yşkyň howasy bilen
Bu dünýeden dem salym.
Jadylady yşkyň dogasy bilen
Leblerine dem salyp.

Ýumşakdy gije saçlary,
Gündiz ýüzi ýagtydy.
Gözün gamaşdyryp şowa täleýiň,
Seljertmedi bagtymy,
Ak alkymy - ak ýaşlygym.
Onuň gant deý süýji lebi -
Meniň süýji ýatlamalam
Undulmaz, gaýdyp gelermi?!

Gara saçy - gara bagtym,
Gara gözi - gara gam.
Gyýma gaşy kösemäge
Ulanan täk ýaragy.

Şat gülküden galan gamly ýylgyryş,
Baş söýgüden galan ýalňyz posa deý
Jübimde galanda gara şaýylam,
Gerdenine tylla saçy ýaýylan
Sygan aýalyna pal atdyrdym men.
Şeýdip, öz apgyrdy giden bagtymy
Bejertdim men, oňa nal kakdyrdym hem.

Ýatlamalam dama-dama tükense,
Dilämok iňrigiň garalaryny.
Ol kesewi kibi, demir tiken deý
Gorsaýar, gozgaýar ýaralarymy.

Ýygralykda artdy ýene bir gümmez ...
Ine, baş söýgümden ybarat şular.
Şatlygymyň gölegçisi şo günler.
...Gelerne garaşyp zyýaratçylaň
Sak müjewür kibi otyryn indem.

©Gurbandurdy Orazow

Çeşme: 1992-nji ýyldaky Garagum žurnalynyň 8-nji sany.

 Özümde iň söýgüli häsiýetim näme, bilýäňmi?!
  -Gözümden düşenleri kimiň galdyrandygy maňa gyzykly däl:))

✨

Söýmän, «Söýýän» diýen gyzlarym, siz däl, çyndan söýübem, «Söýýän» sözüni gaty az ulanan gyzym, sen bagyşla meni?!

#başganyň sözi.