Aynagozel Muratowa:
Bagt näme? Bagt bu her kimiň arzuwy ýöne bagtly ýaşamak üçin näme etmeli ? Bu sowal her birimizi gyzyklandyrýar we elbetde oýlandyrýar.
Bagt -bu şahsy üstünlige eltýän, Allanyň adama beren sowgady bolsa gerek. Bagtyň bir bölegi ykbala bagly bir bölegem adamlaryň özüne. Köp zatlara güyjümiz yetmeyär ýöne bizin elimizde bolan zatlaram bar. Kiçi bir zada guwanyp bilýän adamam bar, uly baýlygyň içinde ýüzüp gadyryny bilmeýänem.
Başgalary bagtly edýän adam örän bagtly adamdyr. Eger ol öz durmuşyndan lezzet alyp, ol lezzeti başgalary bilen paýlaşýan bolsa, onda ol adam bagtlydyr! Bagtly bolmagyň şertleri:
1. Hemişe günüňi nämedir bir gowy zada garaşyp başlamaly.
2. Ileri tutýan maksatlaryňy akylly başly meýilleşdirmeli. Stresiň esasy çeşmeleriniň biri çakdanaşa işleriň köp bolmagy bolup, ony ýeňmäge synanyşmaly.
3. Sowgat bermäge endik etmeli. Sowgadyň haýsydyr bir zat bolmagy zerur däldir. Ýylgyryp bakmak, ýyly söz, minnetdarlyk we höweslendirmek ýaly adama mahsus häsiýetleriň özi hem bütinleý ýeterlikdir.
4. Jedelli meselelere girmäň. Jedel munuň özi birmeňzeş pikiriň ýoklugyna görä, hiç bir ýere alyp barmaýar. Netijede, adamlar biri - birinden ynjap, göwünleri galýar. Şeýle ýagdaýda bagta barýan ýoly tapmak kyndyr.
5 Ähli adam öz bähbidini ileri tutýar diýen pikirden daşda bolmaly. Çünki köp adamyň ýagşy niýeti bolup, şolaryň hatyrasyna durmuş dowam edýär we şolara bil baglaýarys.
6. Sagdyn iýmitlenmeli. Sagdyn durmuş bagta alyp gidýär!
7. Her bir işi oňaryp, oňarmajagyň we heniz bolmadyk zatlar hakda alada galyp oda köze düşmeli däl. Ünsüňi diňe häzirki işleriňe gönükdirmeli.
8. Telewizory diňe içiňizi gysdyrmazlyk üçin açyp goýmaly däl-de, durmuşyň gözelliklerini ondan süzüp almaly.
9. Eger bagtsyzlyga uçrasaňyz, özüňizi ýitirip, ruhdan düşmäň. Eden işleriňizi täzeden göz geçirip ony düzeltmäne çalşyň. Öz üstüňizde köpräk işlän.
10. Ýakyn adamlaryňyzy söýmeli, dostlaryňyz, garyndaşlaryňyz, goňşularyňyz synpdaş, kursdaşlaryňyz, kärdeşleriňiz bilen araňyzy gowy saklamaly. Öz söýýänleriňize wagtyňyzyň köpüsini sarp etmeli hem-de hemişe özüňizi bagtly saýmaly!!!
11. Öz söýýän käriňiz bilen meşgullanmaly. Eger-de siz öz işinizi söýýän bolsaňyz, onda köpräk işläň. Eger-de söýmeýän bolsaňyz, ony üýtgetmäge çalşyň. Ýogsam siz durmuşynyzda bagtly bolmarsyňyz. Sebäbi ömrümiziň köp bölegini işde geçirýäris, şonuň üçinem ol wagty bisarpa geçirmeli däl.
12. Başgalar kömek ediň, çünki birinjiden, özüňize sarpa goýmagy artdyrarsyňyz, ikinjiden, özüňizdäki psihiki hem-de fiziki ukypsyzlygy aýyrarsyňyz. Netijede durmuşdan lezzet alarsyňyz we bagta golaýlaşarsyňyz.
13.Bagtly bolmaga synanyşyň! Özüňize gözegçilik ediň, anyklaň, oýlanyň, bu häsiýetler sizi keýpi köklüge getirer, sizi begendirer.
14. Fiziki taýdan gujurly bolmaga synanyşyň! Fiziki gujurlylyk sagdyn adama lezzet berýär. Ol adamy kyn ýagdaýlardan halas edýär. Hemişe sport bilen meşgullanyň!
15. Durmuşyňyza tiz-tizden täzelikleri girizip duruň!. Şeýtseňiz durmuşyňyzdan lezzet alarsyňyz.
16. Hemişe şükür etmeli we ýatmazdan ozal, günüň dowamynda nähili gyzykly wakalary bellik etmeli!!! Geçmişde ululy kiçili gazananlaryňyza guwanyň.
17. Umytsyzlyga düşmäň. Durmuşda bir gapy ýapylsa beýleki bir gapy açylýandyr.
Siz bagtly durmuşy nähili göz öňüne getirýärsiňiz ?
