atakulyyewa_humay
22.02.2023 23:12
Çary Aşyr ,,Kadyry", ,,Gökýaýlanyň ýigitlerini alyp", ,,Yzçy" bilen ,,Ekizleriň" hem-de ,,Garry serdaryň" gözlegine çykdy.
***
Aman Kekilow ,,Watan" hakynda joşup, ,,Öňe" nazarlaryny dikdi-de, ,,Geçen günlerini" ýatlap, duýgularyň näzigi ,,Söýgüden" söhbet açdy.
***
Beki Seýtäkow ,,Ýaşlyk" ýyllaryny ýatlap, ,,Bagdagülüň" ykbalyny ,,Joralara", ,,Söýgi hasratyny", ,,Gyz salgydynyň" pidalaryny bolsa, ,,Doganlara", ,,Bekmyrat Durdyýewe" hem-de ,,Tekepbir gyza" aýdyp berdi
***
Gurbandurdy Gurbansähedow ,,Çakylyk" ýollan ,,Mähriban adam" ,,Toýly Mergenlere" ,,Suraýy", ,,Meňlini", ,,Tawusam" alyp gitdi.
![Söz oýnatmalary...]()
20
122
atakulyyewa_humay
18.11.2022 03:58
Hoz maňzyny az iý, diliň jaýyrar,
Narpyz tozun sepseň ony aýyrar.
***
Naryň tohumydyr ýagyşyň suwy,
Gan gusmaň emidir, içäýseň ony.
***
Çomuç porsy diýmäň, toşaby süýji,
Aşgazan-içegä taýsyzdyr güýji.
***
Alkymyň çişdimi, iç bürmek otdan,
Hiç kemi ýokdur oň gyrmyzy ýoddan.
***
Üzümi köp iýseň teşnelik çykar,
Turşy nary iýseň teşnelik gider.
***
Mal ýagyna garsaň mäjum kişmişi,
Soňra ýapsaň aýrar çybandyr-çişi.
***
Noýba, nohut iýseň içiň ýel eder,
Ýüzärlik tohumy ony gül eder.
***
Sogan suwun garyp towuk ýag bilen,
Jaýryk dabana çal, säher çag bilen.
***
Borjak içeniňde süýjülik galar,
Hoz ýapragy ony yzyna alar.
***
Süýtde taýýarlanan atgulak peti,
Böwrege dermandyr, melhemdir oty.
***
Huşsuzlyk derdine duçar bolana,
Şugundyr, ary bal emdir olara.
***
El-aýak müçükse, süýnäýse damar,
Nar kök, gabyk petin ýapsaňyz bolar.
![Derde derman emler...]()
38
336
atakulyyewa_humay
12.11.2022 13:57
Türkmen ölçeg birlikleri:
1.Garyş- başam barmak bilen külbikäniň doly gerlen aralygy, takmynan, 22-25 santimetr.
2.Sere - süýem barmak bilen külbikäniň aňrybaş gerlen aralygy, takmynan, 15-18 santimetr.
3. Kör sere - 10-13 santimetre deň bolan aralyk.
4.Agsak sere - ortaky barmak bilen külbikäniň aňrybaş gerlen aralygy, takmynan, 10-12 santimetr.
5.Gulaç - sag we çep gollaryň aňrybaş gerlen aralygy, takmynan, 180-190 santimetr.
6.Gary- ýarym gulaja, takmynan, bir metre barabar aralyk.
7.Ädim - uzynlygy, ortaça, 70 santimetr bolan aralyk.
8.Parsah -9-12 müň ädim ýa-da 6-8 km.
9.Menzil - kerwenler bilen ýarym günde geçilýän ýol, 23-25 km aralyk.
10.Daban - başam barmakdan ökja çenli aralyk, takmynan, 30-48 sm.
11.Çakyrym- uzynlygy 1067 metr bolan aralyk.
12.Çöket - uzynlygy, takmynan, 1,5-2 kilometre deň bolan aralyk.
13. Agaç - uzynlygy, takmynan, 6 kilometre deň bolan aralyk.
14.Tanap - uzynlygy, takmynan, 40 metre deň bolan aralyk.
15.Arçyn - uzynlygy 71,16 santimetre deň bolan ölçeg birligi.
16.Barmak - 2 santimetre deň bolan ölçeg birligi.
17.Tutam- 7-8 santimetre deň bolan ölçeg birligi.
18. Gez, zira, arş - 45-50 santimetre deň bolan ölçeg birligi.
19. Hada, atanak -2 metre deň bolan ölçeg birligi.
20. Atgaýtarym - uzynlygy 3 kilometre deň bolan aralyk.
21.Küle - uzynlygy 37 metr bolan ölçeg birligi.
Agyrlyk ölçeg birlikleri:
Çärýek – 1,2 gram;
Mysgal – 4 çärýek;
Agry – 62,5 gram;
Gadak – 90 mysgal;
Siri – 1,325 gadak;
Put – 40 gadak;
Batman – 53 gadak;
Harwar – bir eşek ýüki;
Serwer – bir düýe ýüki
![Türkmen ölçeg birlikleri...]()
22
112
