Syke_Dali
16.10.2024 07:31
Meniñ iş yerimde ateist diýseň kän, men olaryň her dürlisine gabat gelip gördüm. Meniñ iş yerim transport ulgamyna degişli bolany üçin, gije-gündiz işlemeli bolýar. Şol sebäpden biz hem gije-gündiz nobatçylyga çykýarys. Biz nobatçylyga hemişe 2-3 adam bolup çykýarys, gapdalymda nobatçy (çalşyk) inžener bolýar, biziň oturýan iş otaglarymyz aýry aýry. Ana, şol nobatçy inženerleriň içinde, köplenç ateistler gabat gelýär. Olaryň köpüsi özleriniň kimdigini aç-açan boýun alýarlar, käbirleri gizlenýärler, käbirleri bolsa: -Kakam Hudaý ýok diýdi diýip, özleriniň ateistdigini kakdyrýarlar. Olar näme diýseler- de, olaryň barsynyň arasynda bir meňzeşlik bar, olar gijeki nobatçylykda, iş otagda çyrany söndürmän oturýarlar. Näme üçin beýle edýäňiz diýip soramda, birden biri meni barlamaga gelse, maňa ýatan öýdäýmesin diýýärler. Dogrymy aytsam, gije çyralary ýanyp duran otagy görüp, bu ýerde-de gije adam bolýan eken diýip, her tüýsi adamlar olaryň ýanyna gelýärdi. Daşyndan göräýmäge ateist adamlar hem, adaty durmuşy ýaşaýan ýaly bolsa-da? Hakykatda ýagdaý beýle däl eken. Ateistleriň durmuşy aňsat däl, sebäbi her bir adamyň durmuşynda Hudaý bolaýmaly, başgaça aýdaňda meýilnama bölümi. Mysal üçin, meniň durmuşymy we gelejegimi Hudaý meýilleşdirýär. Maňa onuň ygtyýaryndan sypma ýok, başyma näme gelse Hudaýdan gelýär. Ateistleriň durmuşynda Hudaý ýok, ýöne Hudaýyň wezipesini barybir biri, hökman ýerine ýetirmeli. Onsoň ateistleriñ özleri bar zady meýilleşdirip başlaýarlar. Gije çyra sönmeli däl, işe mydama doly formada gelmeli, galstuk mydama dakylgy bolmaly, bar zady bolmalysy ýaly ýerine ýetirmeli. Hepde-de bir-iki gezek hökman uly başlyklaryň gözine görünmeli we olar bilen ýylgyryşmaly. Öziňi peýdaly işgär hökmünde görkezmeli, başga işdeşleri satmaly. Aklymdan çykmaz ýaly, elmydama täze informasiýa çöplemeli, we iň soňky gep- gybatdan habarly bolmaly. Garaz ateistler, dumly-duşdan ätiýaçly bolmaly adamlar eken. Hudaý ýok, diýmek ýykylsaň galdyrjak we syrtyňy ýapjak ýok. Diýmek ähli soraglarda öz syrtyňy özüň ýapmaly. Aýalyň agyr keselledimi, aýalyňy taşlaýaň, gabrystanda entek diri wagtyň ýer satyn alýaň, we ýadygärlik dikýäň, diňe içine giräýmeli edip goýýaň. Kelle gije-gündüz gelejegi meýilleşdirýändigi sebäpli, känbir dinç alyp bileñok, şeýle kelläni gijelerine öçürmeli bolýar, onsoň ateistler ýuwaş- ýuwaşdan arak içip başlaýarlar. Iň soňunda- da şol beladan ölüp gidýärler. Köplenç internetde, käbir adamlar özleriniň ateistdigini bir tüýsli buýsanç bilen yglan edýärler, hamala Hudaý ýok diýip aç-açan aýtmak, olary başgalardan tapawutlandyrýan ýa-da beýgeldýän ýaly? Siziň baryňyz kör, men bolsa gözli we şoňa meňzeş pikirler. Hakykatda bolsa bu yerde buýsanara hiç zat yok, men ateistleri diýseň golaýdan gördüm we olaryň ähli kemçiliklerini bilýärin. Eger daş-töwerek gaýnaberse, hatda öz ejelerini we çagalaryny ortada goýup, öz gara başlaryny satyn almaga kaýyl. Sebäbi Hudaý ýok, O dünýe ýok, diýmek ertir hiç kimiň öňünde ýüzüňi sallap durmaly däl
Çeşme: kitapcy.ru
5
34
Syke_Dali
15.10.2024 12:11
Orta mekdebi gutaran biri edebiýat, himiýa we ş.m... babatda iň elementar zatlarda ortaça bilime eýe hasap edilýär. Mekdebiň funksiýasam şol. Töweregimizi gurşap alan dünýä düşüner ýaly ortaça bir sowat bermek. Ençeme ýyl öň şol bir brendiň iki hili şampunynyň arasyndan in optimalyny saýlajak boldum. Düzümine seredemde şol himikatlaryň hiç birine düşünmeýändigim ünsümi çekdi. Ol wagtlaram orta mekdebi gutaranyma 1-2 ýyl geçipdi. 10 ýyllap okap, himiki hasaplamalara, kesgitlemelere şonça ýyllap kelle döwüpdim, ýöne netijede ýönekeýje bir sabynyň düzümine-de düşünemokdym. Edebiyat-sungat babatda hem şolar ýaly. Flober bilen Balzagyň tapawudy näme? Nämüçin Pikassonyň gyşyk formalary kubizm diýlip arşa göterilýär-de, üç yaşly inimiň edil şoňky ýaly suratlarynyň hiç hili ähmiýeti ýok? Kiçijik zatlar, ýöne, möhüm zatlar. We biz şu zatlary internetden öwrenmeli bolýas. Jazz näme, pop näme? Sabynyň düzümi näme? Nädip kompyuterimi oňarmaly? Niräm agyrýar? Towugy nädip soýmaly? Noýbany nädip ekmeli? Iň gowusy mekdepler şu zatlary öwretsin. Barybir beýleki zatlar ekzamenden soň ýatdan çykýar. Durmuşda-da gazandyrýan zady ýok.
P.S. Hünär bilimi babatda 70-20-10 diýlen bir formula bar. Oňa görä adamlar öwrenip biljek zatlarynyň 70%-i informal usulda, ýagny işde, tejribede, özi islegi bilen ondan-mundan gözläp öwrenýär. Bary ýogy 10%-ni formal usulda öwrenip bilýär. Yagny mugallymlaryň on ýyllap kelle döwüp öwredip başarjak zady gaty ujypsyz...
çeşme: kitapcy.ru
3
6
Syke_Dali
11.10.2024 06:51
Edara ýolbaşçylarynyň biri töweregindäkilerde özüniň juda ge-
rekli we ähmiýetli adamdygy hakdaky pikiri oýarmak isleýän eken. Her gezek kimdir biri gapyny kakanda, dessine telefonyny eline alyp, özüni biri bilen gürleşýän kysmy alyp barypdyr. Gapydan giren adama bolsa: «Geliň, geçiň, oturyň. Ýöne bir minutjyk tagapyl ediň,men şu wagt bir möhüm meseläniň çözgüdini tapjak bolup otyryn» diýer ekeni. Soňra bolsa telefona dowam edip: «Hä, hawa... ýaňky aýdyşym ýaly ýerine ýetirseňiz, hökman netijeli bolar.. elbetde.. bolýar, habarlaşyp duruň» diýer ekeni. Bu gezek hem şu ýerine çenli hut şeýle bolupdyr. Ol telefon trubkasyny goýupdyr-da: «Aýdyberiň, näme mesele bilen geldiňiz?» diýip, täze gelen adamdan sorapdyr. Ol
adam elindäki gurallary görkezip: «Hojaýyn, men siziň işlemän duran
telefonuňyzy bejermäge gelipdim..» diýip jogap beripdir.
Ýasama häsiýet haçandyr bir wagt sepini bildirýär. Şonuň üçin
adamlara ýa-da ýagdaýlara görä öwsüp ýörmän, öz bolşumyz ýaly
görnübereliň.
#Halallyk_kyssalary
Arap dilinden terjime eden Rahmet Gylyjow
10
57
Syke_Dali
26.09.2024 06:11
#Ýerasty geçelgedäki ganhor...
Men indi näme etsemkäm daş töwerekde adam gara görnenok... "kömek ediň ,kömek ediii...kööü.." diýilip ýerasty geçelgäniň içinden çykan çirkin ses asfaltdan gelyän Mekany ürküzdi. Ol bir az dymdy:
"Bu ýerde kim barka?" diýip pikir etdi.
Mekan Uniwersitetda okaýardy. Şu gün bolsa ol Botanika bagynda öz söýüşýän gyzy Bahar bilen oturup duşuşup öyüne gitmegide ýatdan çykaryp wagtyň geçenini bilmedi.
Sagat bolsa gije 21:13. "Aý bir är-heleý oňuşuksyz hala gelendir, bir düşünişmezlik bardyr" diýip ýerasty geçelgä tarap ýöneldi. Ýöne näme üçindir ýerasty geçelgäniň asty garaňky. Mekan muny başdada aňdy "özä gowluk däl". Mekan demini rahatlyk bilen goýberip ýerasta girdi we telefonuny çykaryp onuñ ýagtysyny öňüne tutdy. Körejik ýagtylygy basmarlaýan garaňkylyk Mekanyň ýürek urgusyny çaltlandyrdy: "Ýok, yza gaýdaýyn, aý ýok erkek ýaly girdim indi yza ýol ýok, meniň gedemligim gurasyn nirä batyrsyran bolyaň... köşeş Mekaaan,köşeş...''
diýip Mekan kellesindäki gapma garşylykly pikirini rahatlandyrdy.
Mekanyň telefonunyň yşygy bir sumkany tapdy. Mekan ony ýerden galdyryp ýetişdi. Şol wagt hem pytyrdap ýanan ak swetlar daş töwerekdäki gana boýalyp ýatan maslyklar aýaýdyň bolup Mekanyň
gözlerine elhenç gorky bilen görünipdi. Onuň garşysynda duran gara kožaly kellesi protowoý gazly aýaklary ädikli
eli maññally adam edil kinofilimlerdäki gorkunç gahrymanlara meňzäp durdy.
Mekan daş-töwerekdäki maslyklardan adam jesetlerinden göwni geçdi...
"Şundan nädip gutulaýyn" diýip pikirini çalt kellä getirdi. Onuň aýaklaryny tutuş süňňüni garşysyndaky duran adam baglap durdy. Mekan aljyrady, özüni ýitirdi, elindäki telefonuny gaçyrdy. Bu bolsa Mekanyň ömründe birinji saparky özüni ýitirmesidi.
Onuň aýaklary doňup dur. Birden onuň gözleri ýerde gara gözlerini açyp ýatan Bahara düşüp gany depesine
galdy. Ýooooooook...
Ses bütin ýerzemini ýaňlandyryp gitdi. Baharyň balkyldap seredýän gara gözlerinde bir az bolsada şatlyk bardy, ol ýylgyrýardy begenjinden aglaýan sessiz agy Mekanyň gaty gaharyny getirdi, ol gaharlanmady onuñ ruhybelent agysy içini ýyrtyp gelýärdi.
Mekan ganhoruň üstüne ylgady. Haýbatly topuldy garnyndan batly geçen maññalyñ ujy bolsa onuň badyny ýatyrdy. Gara gana bulanan ak eşikden serpilip çykýan gan Baharyň ýüzüne syçrap durdy. Mekan demini bir ýere toplap sumkany açdy onuň içine elini sokdy. Ganhor maññalyny galdyrdy. Mekan soňky deminde eline ilen galyň aýnaly duhini ganhoruň süýr depesinden saldy. Duhi ganhoruň depesinde pytrap gitdi. Iki sany garşydaş ikisi birden ýere ýykyldy. Bahar ysgynsyz göwresi bilen süýşenekleýärdi. Ol Mekanyň halyna sessiz aglaýardy. Doňňara daş bolup ýatan Mekan jan beripdi... Bahar zordan barmaklary bilen ýeri dyrmalap Mekanyň eline berip ýetişdi. Ol şol ýerde gözlerini ýumdy we çaşdy.
Ertesi bolsa özüni hassahanada gördi...
Author: ©Anonim
çeşme: internet sahypalaryndan
Like basmagy unutmaň!
11
87
