Paradise
25.01.2020 23:58
Kaka bolmak
Kaka bolmak añsat däldir düşünýän,
Keşgini çekmeli bütin maşgalañ.
Ýaman gürrüñlerden,bet niýetlerden,
Zulumyndan goramaly baş galañ.
Ol kömek eder başardygyndan,
Öwreder, ýaşamany durmuşda.
Biziñ üçin zähmet çeker ýadaman,
Jöwzaly tomusda,aýazly gyşda.
Ene sözin keramatly bir sözdir,
Dünýäñ hereketi onsuz yöremez.
Ýöne ata diýen bir merdem sözem,
Ýoldaş edinmeze gudrat doremez.
Bile dörederler ähli barlygy,
Çarhy bile aýlarlar çarhypelegiñ.
Asyl ene sözin bolmagy üçin,
Ilki ata sözi gerekdir biliñ.
37
747
Paradise
21.01.2020 00:47
Zenan
Zenan diýmek eneñdir,
Ýary gije ýatýandyr.
Dañ saz berse oýanar,
Añzaklarda doñandyr.
Hor-zar etmejek bolyp,
Çar tarapa eñendir,
Sebäbi ol eneñdir.
Zenan diýmek uýañdyr,
Ýüzüñ nury tuwagy.
Ýagşy günde begenjek,
Kyn günüñde söýäñdir.
Saña geljek dertleriñ,
Öñüñdäki gaýañdyr.
Sebäbi ol uýañdyr
Zenan diýmek dünýedir,
Adam zada dowamdyr.
Gözellikde taý bolmaz,
Ýaşaýyşa güwädir.
Zenan diýmek ýaryñdyr,
Ömürlik ýanýoldaşyñ,
Baýlygyñdyr,baryñdyr,
Alawlaýan ojagyñ.
Keşke diýseñ çebişyän,
Ýakyn howadaryñdyr.
Sebäbi ol ýaryñdyr.
Zenan diýmek gyzyñdyr,
Gül-gunçaly ýazyñdyr.
Ömre şatlyk getirjek,
Aýdymyñdyr,sazyñdyr.
Ogul bilen deñ durjak,
Dowamyñdyr yzyñdyr,
Sebäbi ol gyzyñdyr.
40
720
