Karaleva_
10.09.2024 06:39
Tapmaça 2” multfilmi haýran galdyryjy kassa ýygymlaryny görkezmegi dowam etdirýär. Geçen uikendiň netijesinde filmiň girdeji ýygymy 1,675 mlrd dollardan geçdi, bu hem oňa taryhda iň girdejili filmleriň reýtinginde sekizinji orny eýelemäge mümkinçilik berdi. Lenta “Ýura eýýamynyň dünýäsi” filminden öňe geçdi.
Häzirki wagtda “Tapmaça 2” taryhda iň köp girdeji gazanan animasion taslamadyr.
Taryhda iň köp girdeji gazanan 10 film:
“Awatar” - 2,92 milliard dollar;
“Ar alyjylar: Final” (Мстители: Финал) - 2,79 milliard dollar;
“Awatar: Suwuň ýoly” (Аватар: Путь воды) - 2,32 milliard dollar;
“Titanik” - 2,26 milliard dollar;
“Ýyldyz söweşleri: Güýjüň oýanmagy” (Звёздные войны: Пробуждение Силы) - 2,07 milliard dollar;
“Ar alyjylar: Bakylyk söweşi” (Мстители: Война бесконечности) - 2,05 milliard dollar;
“Möý adam: Öýe ýol ýok” (Человек-паук: Нет пути домой) - 1,92 milliard dollar;
“Tapmaça 2” - 1,675 milliard dollar.
“Ýura eýýamynyň dünýäsi” (Мир Юрского периода) - 1,67 milliard dollar;
“Şa Ýolbars” (Король Лев) - 1,65 milliard dollar;
“Tapmaça 2” multfilmi Raýli Andersonyň ýetginjeklik döwrüniň kynçylyklaryndan nähili baş çykarýandygy barada gürrüň berýär. Bize eýýäm tanyş bolan Şatlyk, Gussa, Gorky, Gahar we Ýigrenç duýgularyna Howsala, Göriplik, Ýürekgysgynçlyk we Çekinjeňlik goşulýar.
Tmcars
14
32
Karaleva_
03.09.2024 17:15
Awstraliýaly alymlar möhüm açyş etdiler: Ýeriň suwuk ýadrosynda, birnäçe müň kilometr çuňlukda byzmyk şekilli bölek tapyldy. Phys.org-da neşir edilen barlag planetamyzyň magnit meýdanynyň dinamikasynyň käbir syrlaryny açýar.

Ýeriň iki gat ýadrosy bar: içki ýadro - gaty gatlak, daşky ýadro - suwuk gatlak. Ýeriň ýadrosynyň daşynda mantiýa ýerleşýär. Bu syrly gurluş daşky ýadronyň üstünde, suwuk ýadronyň mantiýa bilen galtaşýan ýerinde ýerleşýär.
Seýsmologlaryň sözlerine görä, şu wagta çenli bu sebitiň bardygyny hiç kim bilmeýärdi. Ol ýertitremesine edilen gözegçilikler we seýsmiki tolkunlaryň seljermesi netijesinde ýüze çykaryldy. Alymlar bu sebitden geçýän tolkunlaryň tizliginiň daşky ýadronyň beýleki ýerlerindäkä garanda ep-esli pesdigini gördüler.
Professor Hrwoýe Tkalçiç: "Biz “byzmygyň” takyk galyňlygyny bilemzok, ýöne onuň ýadro bilen mantiýanyň serhediniň aşagy bilen birnäçe ýüz kilometre çenli uzalyp gidýändigini çaklaýarys" – diýip belleýär.
Bu açyş, esasan, ergin demir bilen nikelden durýan daşky ýadronyň düzümine we özüni alyp barşyna täzeçe düşünmäge mümkinçilik berýär. Bu tok geçiriji massanyň hereketi bizi kosmiki radiasiýadan goraýan magnit meýdanyny döredýär.
Alymlar bu sebitiň Ýeriň magnit meýdany bilen baglanyşykly bolup biljekdigini we onuň geljekdäki mümkin bolan üýtgemelerine düşünmäge kömek edip biljekdigini çaklaýarlar.
“Alymlar üçin daşky ýadro henizem syrlylygyna galýar we entek açylmaly zat köp. Munuň üçin seýsmologlar, minerallaryň, geomagnitizmiň we geodinamikanyň fizikleri tagallalaryny birleşdirmeli bolarlar"-diýip, işiň awtordaşy Sýaolun Ma nygtady.
Tmcars
8
40
