ATA DILEGI


Tiken bolup çümseň meň tenime çüm,
Islendik daşyňy men üstüme zyň,
Olara çyrag bol bol sen maňa tüm.
Ynjydyp düşseňem meň ýüregme düş,
Emma balalarmy aglatma durmuş!

Mana düşsin kötel ýollañ akymy,
Perzentlemme bagş bolsun ýalkymy,
Çekdirip çagamyñ çekjek ýüküni,
Al janymy, olaň ömürlerine goş,
Emma balalarmy aglatma durmus!

Wepalary ýetsin eklegen Enä,
Il gününe bolsun synmajak pena.
Bir gün etselerem ýalñyşyp günä,
Goý meniñiki bolsun edilen gargyş,
Emma balalarmy aglatma durmuş!

KAKAÑ BAŞYÑ SYPAMASA

Ýeñsänden ýel kakyp geçer,

Kakañ başyñ sypamasa .

Ýöräp barýan ýollañ öçer,

Kakañ başyñ sypamasa.

*****

Durmuş saýlar öz merdini,

Başa täç etmez her kimi.

Iller götermez derdiñi,

Kakañ başyñ sypamasa.

*****

Gûnem gizlär ýagtysyny,

Hiç kim bermez artygyny,

Ykbal çalar şarpygyny,

Kakañ başyñ sypamasa.

*****

Ýitirip baýlyk sarpasyn,

Ah, seni kimler ýalkasyn?!

Özüñ-özüñe arkasyñ,

Kakañ başyñ sypamasa.

*****

Çözüşmez hiç kim ýumagyñ

Ýamanlar bolmaz ýamagyñ,

Dolup durar aç damagyñ,

Kakañ başyñ sypamasa.

 Kerim Hallyýew

KAKA

Kaka, uly bolmak aňsat däl eken,

Seniň nanyň iýen günlemdir Jennet.

Indi iýjek bolup bir döwüm çörek,

Ondan öň iýýärin müň döwüm minnet.

*****

Kaka uly bolmak aňsat däl eken,

Durmuşyň agramy asylýar çepden.

Hemme zada çydan gaýduwsyz göwnüm,

Dik başyny egip basylýar gepden.

*****

Kaka, uly bolmak aňsat däl eken,

Wepasyz dostlardan dolupdyr daşym.

Şolaryň öňünde aşak egilýär,

Zalym duşmanlara egmedik başym.

*****

Ýaglygyn syranda düşüpdir didäm,

Käbämiň saçlaram bu gün çal eken.

Uly oýa batyp ötüpdir gijäm,

Kaka uly bolmak aňsat däl eken.

*****

Ulalmak çyndanam kyn eken kaka,

Dostlam bilen oýnamagy söýerdim.

Durmuş şo-ol çagalyk oýnum bolsady,

Ýadan wagtym “oýnajak däl! diýerdim.

Käwagt şeýle bolýar, işde otyrsyň otyrsyň, bäh nirden pul gazanyp bolarka diýýäň.

polisiýa gapyny kakýar. gapyny bir aýal açýar. polisiýa: -häziriň özünde balagyňyzy aýyryň! öý eýesi: -näme, şu wagtmy? şu ýerdemi? -ýok, how! men size balkonda serip goýan balagyňyzy aýyr diýýän! häzir köçeden hökümet delegasiýasy geçmeli!

Ataköpek her gün dellekhana baryp, dellekçiden näçe wagtdan boşaýandygyny sorap, hiçem saçyny aldyrdanok ekeni. Mundan bizar bolan dellekçi Ataköpegiň nira gidýänini bilmek üçin kömekçisine yzarladýar. Soň komekçisi gelip:- Agam, ol seniň öýüňe gidýän eken - diýipdir.

Ýer ýüzünde iň uly çekim güýji - sagat 7-däki ýassyk.

Hany dostlar bu posta birje Like👍basalyň🙏.Like👍 basanlara grip🤒 degmesin,Grip🤒 degen bolsa tiz wagtda gripden🤒açylsyn🤲

Mugallym: Haýsy ýakyn, Gün ýa Afrika?
@mawy: Gün
Mugallym: Näme üçin?
@mawy: Güni hemişe görüp bileris, ýöne Afrikany görüp bilmeris.

Mugallym okuwçylardan 1809-njy ýylyň ähmiýetini aýtmagyny haýyş etdi.
@Flowers_ ýerinden turdy we “Abraham Linkoln dünýä indi” diýdi.
Soňra mugallym ýene-de okuwçylardan 1819-njy ýylyň ähmiýetini aýtmagyny haýyş etdi
Soňra @Mawy birden ýerinden turdy we “Abraham Linkoln on ýaşyndady” diýdi!

Men öň kän pikir etýärdim, gap-çanagy nahar iýip bolan badyňa ýuwsaň, ýuwmak ýeňil düşýär. Yöne men yalňyşypdyryn, olary başga
biri ýuwsa, has ýeňil boljak eken.

Iki okuwçynyň ejesi gürleşýär:
-Sen ogluň matematikadan öý İşini işläp
berdiňmi?
-Howa.
-Göçürmäne bersene onda.

Meniň deň duşlarym işleýärler, geljegi üçin maksat döretýärler.
A men bolsa banany gaýnadyp iýseń tagamy nähili bolarka diýip pikir etýän.

-Eýjejigim, gel çynymyz bilen gürleşeli.-
Hudaýa şükür, ahyr sen ulalypsyň, kelläñe akyl
girip ugrapdyr. Gel gürleşeli.-Sen nähili pikir
etýäň, akula güýçlimi ýa-da aýy?!

Basseýine 400 litr suw guýýarlar.
Soň aýryp dökenlerinde 405 litr suw dökülýär.
Sorag: suwa düşýänlerde ynsap galmandyr gerek?

Däliler bilen jedel edenden, açyk agzyň bilen
"P" harpyny aýdanyň ýeňildir.

Kitap – ruhy hazyna

Adamyň döreden täsin we beýik gymmatlyklarynyň biri-de kitapdyr. Kitap – döwürleriň aýnasy, adamzadyň nesillerine goýup gidýän, bahasyna ýetip bolmajak hazynasy. Merdana halkymyz goja taryhyň dowamynda ruhy gymmatlyklara hemişe uly sarpa goýup, olara aýratyn ähmiýet beripdirler. Kitap okamagy söýýän halkyň gelejeginiň parlakdygyna olar anyk göz ýetiripdirler. Ynsanyň ruhy dünýäsiniň gözel bolmagynyň esasy bolup durýan medeniýet hakynda gürrüň edilende, akyl-paýhas hazynasy bolan kitaplar älemi göz öňünde bada-bat janlanýar. Kitaplar jemgyýeti kämilleşdirmekde ilkinji zerurlyk bolup durýar. Ol adamlaryň döredijilik ukyplarynyň açylmagyna, giň gözýetimli bolmagyna, biliminiň artmagyna ýardam edýär.

Berkarar döwletiň täze eýýamynyň Galkynyşy döwründe ýurdumyzyň kitaphana ulgamynyň maddy-enjamlaýyn binýady has-da pugtalandyrylyp, bitewi elektron kitaphana ulgamy kemala geldi. Türkmenistanly okyjylar üçin döredilýän bu amatly mümkinçilikler kitapsöýüjiler jemgyýetiniň barha giňemegine getirýär. Halkara kitaphana ulgamynyň üsti bilen kitaplary we beýleki neşir önümlerini halkymyza ýetirmek bilen bagly uly tagallalar edilýär.

2024-nji “Pähim-paýhas ummany Magtymguly Pyragy” ýylymyzda ýurdumyzyň ýaşlaryny watansöýüjilik, wepalylyk, ynsanperwerlik ruhunda terbiýelemekde kitaphanalaryň mümkinçilikleri barha giňelýär.   

Näme üçin fewral aýy her 4 ýylda bir gezek 29 gün bolýar?

Senenamalarymyz fewral aýynda her 4 ýyldan bir gezek 1 gün uzaýar. 2024-nji ýyl bolsa şol ýyllaryň biridir. Bu ýyl, 29-njy fewralda doglanlar, doglan günlerini 4 ýyldan soň ilkinji gezek takyk öz gününde belläp bilerler.

Fewral aýy 29-lyk bolany üçin hem bu ýyl 365 däl-de, 366 gün bolar.

Emma näme üçin her 4 ýyldan 1 gezek fewral aýy 29-lyk bolýar? Bu düzgün haçan ýüze çykdy?

– Ýeriň Günüň daşyndan aýlanmagy üçin takmynan 365.2422 gün gerek. XVI asyrda başlanan Günbatar senenamasynda 1 ýyl 365 gün hökmünde kesgitlenýär. Ýylyň galan 0.2422 – bäş sagat 48 minut 46 sekundy – her 4 ýyldan bir gezek goşmaça 1 güni emele getirýär. Bu düzedişiň netijesinde sagatlarymyz ýeriň aýlanmagyna we pasyllaryna laýyk gelýär. Fewral aýynda 3 ýylda 28 gün bar bolsa, senenama her 4 ýylda bir gezek 29-y görkezýär.

Onda näme üçin başga aýda däl-de diňe fewral aýynda şeýle?

Munuň jogaby miladydan öňki birinji asyra degişlidir. Rim lideri Ýuliý Sezar astronomlara Rim senenamasyny işläp düzmegi tabşyrypdyr. Rim senenamasy 355 günden ybarat bolup, her 2 ýyldan goşmaça 22 günlük goşmaça bir aý emele gelýärdi. Senenamanyň pasyllar bilen sazlaşygy düýbünden bozulupdy.

Sezaryň buýrugy bilen taýýarlanan senenamada bir ýyl 365 gün hökmünde kesgitlenildi. Galýan bir-iki sagat bolsa 4 ýyldan 1 gezek bir gün hökmünde goşulyp başlandy.

Täze Rim imperiýasynyň baştutany Awgust hem Ýuliý Sezar ýaly öz adynyň uzyn aýlaryň birinde tutulmagyny isledi. Sebäbi Ýuliý Sezaryň adyny göterýän iýul aýynda 31 gün bardy. Şondan soň fewral bir gün gysgaldyldy we öň 30gün bolan Awgust aýyna ýene bir gün goşuldy.

Ýeri gelende belläp geçsek, statistikalara görä, bir çaganyň 29-njy fewralda dogulmak ähtimallygy 1461-da, 1 bolup durýar. Dünýäde 29-njy fewralda dogulan takmynan 4,1 million adam bar.

Ispaniýa döwletinde bellenilýän baýramçylyklar

Ispaniýa döwleti dünýäniň iň bir ösen döwletleriniň biri bolmak bilen ol ýurtda geçirilýän baýramçylyklar, dynç alyş çäreleri, festiwallar dünýäniň beýleki döwletleri bilen deňeşdireniňde has-da täsinligi we köplügi bilen tapawutlanýar. Ispaniýanyň kanunlaryna görä ýylda 14 sany resmi baýramçylyklary bar bolup onuň 9 sanysy döwlet derejesindäki baýramçylyklardyr, galany bolsa dini baýramlar hem-de welaýatlaryň (regionlaryň) baýramlarydyr. Eger-de resmi baýramlaryň biri dynç gününe düşse Ispaniýanyň raýatlary şol aýda iki gün dynç alyş bellemäge hukuklydyr.

Ispaniýa döwletiniň iň esasy baýramçylygy bu Ispanidad günüdir (Dia de Hispanidad). Ol her ýylyň 12-nji oktýabrynda bellenilip geçilip 1492-nji ýylda Ispan gözleg ekspedisiýasynyň Hristafor Kolumbyň ýolbaşçylygynda Täze ýer bölegini açan güni hasaplanýar.

Ispaniýada geçirilýän festiwallar dünýäde iň gyzykly baýramçylyk şüweleňleri hasaplanýar. Mysal üçin Ispaniýanyň Tenefire adasynda her ýyl gurnalýan Tenefire şüweleňini görmäge dünýä döwletlerinden birnäçe müň syýahatçylar gatnaşýar. Mundan başgada:

Öküzleriň ylgawy;Sewil ýarmarkasy;La tamatina festiwaly;Walensiýanyň otly şüweleňi;Howa şarlarynyň festiwaly;Walentina güni we ş.m

Dini baýramçylyklaryna hem has uly üns berýän bu döwletde awgust aýynyň 15-ne mukaddes Dewanyň baýramçylygy bellenilýär. Ýerli halkynyň ynanjyna görä Mariýa Dewa şol güni ýerdäki ýaşaýşyny tamamlap asmana uçupdyr. Her ýylyň 23-nji aprelinde bolsa iň bir gyzykly we uludan bellenilip geçilýän baýramçylygy Mukaddes Georgiýa günüdir. Şeýle-de her ýylyň 1-nji maýy Ispaniýada Zähmet güni bellenilip geçilýär.