Bire biri goşsaň iki bolýarmy?!

Men bu hut beýle-dir dälmikä diýýän.

Sebäp, ynha, biz ikimiz goşulup,

Dokuz aýdan soňra üç bolduk eýýäm,

Bu ömüriň hasabyna düşerden

Ynsan ogly ilki ýaş bolýan eken.

Bildim, üç çaganyň atasy bolup,

Bire biri goşsaň bäş bolýan eken.

Durmuşda ähli zat özüňe bagly,

Özüňe göräräk üýtgeýär jemler:

Kimse bire biri goşup bir bolýar,

Bire biri goşup on bolýar kimler!