16 inç MacBook Pro-ny ulanyjylardan şikaýat edýänler köpelýär.
Geçen aý Apple tarapyndan tanadylan şonuň bilen birlikde biziň hem öwrenmeli portalynda habarlarda paýlaşan 16 inç bolan Apple MacBook Pro-dan gün-günden arz edýänler köpelýär. Çykarylan wagtynda öz görkezijileri bilen birnäçe ulanyjyny özüne çekmegi başaran Apple, öňki MacBook-larynda arz edilen klawiatura bilen hoşlaşdy we täze klawiatura ulgamyny döredip, ulanyjy arzlaryndan daşlaşdy. Emma, häzirki wagt Apple-iň resmi internet sahypasynda ýazylan teswirlere görä täze MacBook-dan ses beriji (kalonka) meselesinde kompaniýa arz edýänler köpelýär. MacBook eýeleri kompýuterleri ulanýan wagtynda partlama sesiniň eşidilýändigini aýdýarlar. Uly sesli aýdym ýa-da wideo diňläninde we ekrany açyp-ýapanyňda ses berijiden partlama eşidilip ulanyjyny gorkuzýar.
Apple kömekçi topary (Apple support), kompýuter bilen bagly käbir soraglary çözmäge we gysga wagtda ulanyjylaryň arzlarynyň üstünde işläp çözjekdiklerini aýdýarlar.
Kompýuter bilen bagly arzlaryň ýene biri hem arwah ekran. Ekranda käbir işler edilen wagtynda, ekranda yzygiderli kölegelenme, ýagny ekranyň garalyp durmasy bolup geçýär. Bu ýagdaý hem ulanyjylary rahatsyz edýär. Resmi sahypada ýazylan teswirlere görä bu iki ýagdaýdan ýadan ulanyjylar öňki MacBook-larynda täzeden işlemekligi dowam etdirip başladylar.
Apple bu arzlaryň üstünde işläp, dörän meseleleri çözmese, kompaniýa gysga wagtda ulanyjylaryny ýitirer.
