Arslan_Alaýew
20.05.2024 10:50
Dünýäniň iň baý oýlap tapylan adamlary: Оlar kim? Nädip baý boldular?
Ilon Mask, Riçard Brenson, Bernar Arno… bu adamlar siziň ähliňize tanyş bolsa gerek. Emma döredijilik adamlary meşhur işewürlerden ruhlanyp ekranlarda, žurnallarda we komikslerde hem oýlap tapylan biznes adamlarynyň keşbini döretdiler. Bütin dünýäde olaryň millionlarça muşdaklary bar. Geliň olar bilen ýakyndan tanyşalyň we baýlygynyň gelip çykyşynyň syrlaryny biljek bolalyň.
7. Brýus Ueýn/Betmen
80 ýyl gowrak wagt bäri Betmen multfilmleriň, filmleriň, komiksleriň gahrymanydyr. Betmene bagyşlanan filmlerdir multfilmleriň ählisi onuň ene-atasynyň dünýäden ötmegi bilen başlanýar. Netijede, Brýus Ueýn ene-atasynyň ummasyz baýlygyna eýe bolýar. Ol ýaşlykdan tehnologiýalar bilen gyzyklanyp, himiýa, fizika, inženeriýa we beýleki innowasion ugurlarda gymmatly bilim toplaýar. Onuň mirasalan we dolanyşygy 31 milliard amerikan dollaryndan geçýän «Wayne Enterprise» kompaniýasy bolsa döwletiň sargydy boýunça goranyş äheňli önümleri taýýarlap berýär. Bilermenleriň maglumatlaryna görä, Brýus Ueýniň/Betmeniň baýlygynyň möçberi 9,2 milliard amerikan dollaryna barabardyr. Ol häzirki wagtda tehnologiýalaryň, ýaraglaryň täze görnüşlerini döredip, baýlygyny köpeldýär. Supermen, Diana, Kiborg, Fleş ýaly gahrymanlar bilen Gotemi we bütin dünýäni goramagyny dowam edýär.
6. Toni Stark
Demir adamy (Ironman) hemmeler hem tanaýan bolsa gerek. Artist Robert Dauni Kiçiniň ýerine ýetirmeginde köpçülige hödürlenen «Demir adam», «Ar alyjylar» filmleri millionlarça adamlaryň göwnünden turdy we dünýäde milliardlarça amerikan dollary möçberinde girdeji gazanmagy başardy. Toni Stark barada aýtsak, ol hem Betmen/Brýus Ueýn ýaly çagalykdan ene-atasyny ýitirdi. Ummasyz baýlygy miras aldy. Maglumatlara görä, Toni Starkyň keşbi meşhur milliarder Ilon Maskdan göçürilipdir. Şeýlelik bilen, Marvel dünýäsiniň iň akylly işewüriniň kapitaly 12,4 milliard amerikan dollaryna barabardyr. «Ar alyjylaryň» soňky filminde Toni Stark dünýäden ötdi. Onuň durmuşy we baýlygy baradaky indiki şekiller janköýerler tarapyndan sabyrsyzlyk bilen garaşylýar.
5. Eje/Kerol Miller
Siziň köpüňiz Simpsonlar, Griffinler, Amerikan kaka ýaly multfilmlere tomaşa edýänsiňiz, Bu multfilmleri gödek gülküli sahnalary, jemgyýetiň wajyp meselelerine gülki bilen seredýänligi meşhur etdi. Şu äheňde döredilen Futurama multfilmindäki robot öndürmekde monopol ýagdaýa eýe bolan Kerol Milleriň (eje lakamly) baýlygy 15,7 milliard amerikan dollaryna barabardyr.
4. Karlaýl Kallen
«Twilight» (Сумерки) filminde ýaşy 100-den geçen wampirleriň durmuşy barada gürrüň berilýär. Wampirler maşgalasynyň başynda Karlaýl Kallen dur. Edwardyň kakasy 382 ýaşynda bolup, ömrüniň dowamynda girdeji getirjek işlere maýa goýupdyr. Onuň üçin Karlaýlyň geljegi görýän wampir gyzy Elis bar. Netijede, 300 ýyl gowrak wagt bäri goýulan maýalar Karlaýlyň umumy baýlygyny 46 milliard amerikan dollaryna ýetirmäge mümkinçilik berdi.
3. Smaug
Gowakda ýaşaýan we boýy köşkleri ýatladýan aždarhany tanaýan bolsaňyz gerek. Ol «Ýüzükleriň hökümdary» (The Lord of the Rings), «Hobbit» filmleriniň gahrymany bolup, ummasyz baýlygyň goragçysydyr. Oňa bir gowak doly hazyna degişli. Alymlar aždarhanyň göwresini ölçemek bilen gorag astyndaky altynlaryň bahasyny kesgitlediler. Maglumatlara görä, Smaug jemi bahasy 62 milliard amerikan dollaryna golaý bolan altyna eýeçilik edýär!
2. Skruj Makdak
Çagalaryň iň gowy görýän gahrymanlarynyň biri, «Disney-iň» guwanjy Skruj Makdak dünýädäki iň gysyk we iň baý ördek bolsa gerek. Onuň altyn teňňeleriniň, ýüzükleriniň içine çümüp, ýüzýän pursatlaryna tomaşa etmedik ýokdur. Onuň girdejileri Ýerdäki gymmatbahaly çig mallary gazyp alýan konserniniň üstünlikli hereket edýändigi bilen düşündirilýär.
1. T’Çala/ GaraPantera
«Marvel-iň» ýene-de bir ýyldyzlarynyň biri, Wakandanyň hökümdary, Gara Pantera oýlanyp tapylan gahrymanlaryň arasynda iň baýy bolmaly. Onuň Wakandasynda dünýäniň iň gymmatly baýlygy — wibranium bar. Bu kuwwatly himiki elementiň 1 gramynyň bahasy 10 müň amerikan dollaryna deň. Wakandanyň ammarlarynda bolsa wibraniumyň 10 müň tonnasy saklanýar. Netijede, Gara Panteranyň ukyplaryna eýe bolan T’Çalanyň baýlygy 90,7 trillion amerikan dollaryna ýetýär!
93
117
Arslan_Alaýew
20.05.2024 07:04
Üstünlige ýetmegiň esasy syry — gürlemek
Köpçüligiň öňündeçykyş etmek üstünlige barýan uzak ýoly ýakynlaşdyrýan öwrümleriň biridir. Şonuňüçin hem gürlemegi öwrenmek siziň üçin iň peýdaly başarnyklaryň biribolar.Bçykyş etmegi we gürlemegi kämil ýagdaýda öwrenmegiň bolsa birnäçe syrybar. Geliň olar bilen ýakyndan tanyş bolalyň.
Adamlar bilengürleşmegiň ýa-da köpçüligiň öňünde çykyş etmegiň birnäçe görnüşi bar. Emmaolaryň, esasan, iki görnüşi ýaýran:
Gülküli çykyş
Dostlaryň arasyndaýa-da toý-dabarada çykyş edenlerinde adamlaryň degişýändigine, adamlaryňkeýpini göterýändigine üns berensiňiz. Şeýle adamlaryň dostlary, tanyşlary hemköp bolýar. Olar gatnaşmaga hem ýakymly. Eger-de siziň häsiýetiňiz we pikirýöredişiňiz özüňizi şeýle alyp barmaga mümkinçilik berýän bolsa, gürlemekden weüns merkezinde bolmakdan çekinmäň;
Çylşyrymly çykyşlar
Çylşyrymlymeselelere, mysal üçin, ylmy mowzuklara bagyşlanan çykyşlary etmek, yzygiderlifaktlary beýan etmek size ýakyn bolsa bu ugurda hereket etmäge çalşyň.Işiňizdäki ýygnaklarda çykyş ediň we tejribäňizi köpeldiň. Degişlilikde, edaraňyzdaabraýyňyz artar we karýeraňyzyň ösmegine mümkinçilik berer;
Maslahatlar
Netijeli we täsirliçykyş etmek üçin birnäçe düzgünler bar.
1. Düşünýänzadyňyz barada çykyş ediň ýa-da gürrüň beriň. Gürrüňiň dowamynda size garşy çykan adam bolsa oňa jogapbermeli bolar. Ikirjeňlenseňiz adamlarda siziň ukybyňyza, aklyňyza, bolan şübhebolar.
2. Çykyşyňyzdaýa-da gürrüňiňizde yzygiderliligi we baglanyşygy hem-de logikany saklajakboluň. Ilki alma barada gürläp,soňam başga planetalar barada pikirleriňizi paýlaşsaňyz hiç kimiň sizi diňläsigelmez.
3. Köpräksynanyşyň we tejribäňizi artdyryň. Näçe köp çykyş etseňiz, şonça-da tejribäňiz artar. Oňat çykyş etmek hemtejribe bilen bile gelýär. 10-larça çykyşlardan soňra, siz batyrgaý gürläp,sesiňiziň kadaly çykýandygyna göz ýetirersiňiz. Kameradan hem gorkmarsyňyz.
4. Gürläňizdetolgunsaňyz, rahatlandyrýan zady tapyň. Her kimi bir zat rahatlandyrýar. Biri mysal üçin, gürläpbaşlamaka çala ýylgyrýar. Biri üç gezek uludan dem alýar. Käbir adamlarsöýýänini ýatlaýar. Siz hem özüňizi rahatlandyrýan zady tapmaga synanşyň.
5. Hiç bir adam hem sizeşowsuz çykyş etmegi arzuw edenok. Sizi diňleýän adamlaryň aglabasy ýa siziň şowlyçykyş etmegiňizi ýa-da size bitarap garaýar. Şonuň üçin öňüňizdäki adamlaraduşmanyňyz ýa-da howp hökmünde garamaň. Tersine, olara dostlaryňyz hökmündeserediň. Şonda sizä olara, olaram size ynanar.
102
150
Arslan_Alaýew
19.05.2024 20:24
Bilesigeliji bolmagyň ýollary
Bilesigelijik ähli adama mahsus, emma her bir adamyň öz garaýşy, pikirleri we gyzyklanmalary bolýar. We şoňa göräde adamlaryň bilesigelijilik häsiýetleri tapawutlanýar.
Bilsigelijilikli bolmagyň ýollary:
Özüňiziň gyzyklanmalaryňyzyň nämeden ybaratdygyny yzarlaň we her okan zadyňyza bilesigelijilikli çemeleşiň. Haýsy meselede gyzyklanma dörese şony içgin öwreniň. Size gyzykly bolan maglymatlary okan wagtyňyz gerekli newro-signallary alan beýin gönükdirilen maglumatlary gowy özleşdirýär we uly ähmiýet bilen garaýar diýip alymlar belleýärler.
Özgeleriň ideýalary bilen gyzyklanyň. Olary diňlemegi başaryň ýagny beýinlerimizi özge pikirler bilen lowurdatmaly soňra bolsa öz pikiriňizi bir ýere jemläp netije çykarmaly. Şeýle usulda beýinler gowy kämilleşmegi başarýar.
Kitaphanalara we kitap dükanlaryna aýlanyň. Kitap adamyň iň gowy dostydygy ählimize mälimdir. Kitap okamak bilen adam dünýagaraýşyny, bilimlerini, gyzyklanmalaryny we bilesigelijini artdyrýar. Mundan başga-da internet ulgamynda tötänleýin maglumat agtarmak barada özüňize täze prinsipler dörediň.
Maglumatlar toplaň ýagny birnäçe şahyrlaryň, alyp baryjylaryň, alymlaryň, telekeçileriň gürrüňdeşligine tomaşa ediň. Olar özleriniň durmuşy, başdan geçirmeleri, açyşlary bilen bagly birnäçe peýdaly maglumatlary aýdaýarlar. Bu hem siziň bilesigelijiligiňi artdyryp, soraglaryňyza jogap tapmagyňyza hem ýardam edip biler. Biz beýnimizi ýa dogry maglumatlar bilen dolduraryp dogry peýdaly ýa-da ol gereksiz maglumatlardan dolar.
109
109
Arslan_Alaýew
19.05.2024 15:10
Sagdyn bedende sagdyn ruh: Konor Makgregoryň üstünliginiň syry
Bir işi taşlamazdan öň, näme üçin başlanyňy unutma. Makgregor bu ýörelgä eýermegini hiç haçan bes etmedi. Ol 1988-nji ýylda Irlandiýanyň paýtagty Dublin şäherinde doguldy. Çagalykdan sporty söýen. Türgen ilki futbol bilen meşgullanyp, dünýäniň iň meşhur topary «Mançester Ýunaýtede» janköýerlik edipdir. Makgregor oktagonyň ýyldyzy bolmazyndan öň örän kyn durmuşda ýaşapdyr. Onuň ejesi oglunyň sporty taşlamazlygy üçin elinde baryny edipdir. Başda Konor santehnik bolup, hakyna tutma işgär hökmünde gazanç edipdir. Ol daňda 5 de oýanyp, ilki işine gidipdir. Soňra 10 sagatlyk işden soň türgenleşige baryp, gijä çenli türgenleşipdir. Bu gün tertip iki ýyl arakesmesiz dowam edipdir. Diňe iki ýyldan soň ýakynlarynyň goldawy bilen Makgregor çynlakaý sporta girişýär. Netije, Makgregor dünýäniň iň baý türgenleriniň biri. Ony dünýäde tanamaýan ýok bolsa gerek. Onuň islendik tutluşygy dünýäde millionlarça seslenme alýar. Geliň onuň sebäbine düşünjek bolalyň.
1. Makgregory ýa gowy görüp, ýa-da ýigrenip bolýar. Oňa bitarap garamak mümkin däl.
Konor Makgregory ýa söýüp ýa ýigrenip bolýar. Emma sen ony ýigrenýän bolsaňam näme üçindir tutluşyklaryna tomaşa edýäň?... Makgregor özünde şeýle imiji döretmek üçin köp zähmet çekdi. Onuň bar ýeri hökman şagalaň, gülki we şatlyk, ýigrenç, dawa-jenjel... ol özünde adamlary duýgulandyrýan ähli hereketleri jemläpdir. Netijede Konor özüni satmagy başarýan iň ukyply işewür-türgenleriň biridir.
2. Makgregor ýasama däl. Köplenç
Makgregor ýasama däl. Ol puly gowy görýär, şagalaňlary halaýar. Ol gaharlanýar. Aglaýar. Söwüşýär. Makgregoryň käbir adamlar ýaly ýasama däldigi, kemçiliklerini gizlemeýändigi adamlarda ýakymly täsir galdyrýar. Şonuň üçin hem adamlar Konora belli bir derejede intuiktiw derejede ynanyp, ony yzarlaýarlar, harytlaryny satyn alýarlar.
3. Diňe özüne mahsus hereketler
Makgregoryň millioneriň ýörüşini meşhur edendigini bilýärsiňiz. Ony gaýtalamadyk adam ýok bolsa gerek. Ol başga adamlaryň gaýtalajak, «wirusa» öwrüljek hereketlerini döreti ýa-da olary meşhur etdi. Häzirki wagtda onuň geýnişi hem dünýäde iň meşhur stilleriň biridir. Bu zatlary, umuman, bir söz bilen «McGregor style» diýip atlandyryp bolar.
4. Syraty
Makgregor syratyna örän üns berýär. Ol adamlaryň gözünde galmak üçin dürli görnüşlerdäki gymmatbahaly eşikleri geýýär. Türgeniň pikiriçe, eşik adamyň tebigatyny kesgitleýän esasy görkezijileriň biridir.
5. Pul
Makgregor pul gazanmagy örän gowy görýär. Ol gerek bolsa bokslaşýar. Siz onuň ProperTwelve kompaniýasy barada hem eşidensiňiz. Ýer gelende bellesek, kompaniýa satmak bilen Makgregor 600 million dollar gazandy. Meýwezer bilen tutluşyk bolsa oňa 85 million dollar getirdi. Netije, häzirki wagtda onuň girdejisi 400 million amerikan dollary töwereginde bahalandyrylýar.
Elbetde, adaty durmuşa Makgregor ýaly bolmaly däl. Emma ondan öwrenmeli zat kän. Onuň özüne ynamy, geýnişi, dürli usullar bilen gazanjy we beýleki häsiýetler size üstünlige ýetmäge mümkinçilik berer.
115
250
Arslan_Alaýew
14.05.2024 08:09
Berdinazar Hudaýnazarow.
"Bolmaly"
Ulumsylyk hiç kişini bеzänok,
Başarsaň birnеmе sada bolmaly.
Ynsanlygyň şеýlеräk bir şеrti bar:
Kasam-kasam, wada-wada bolmaly.
Ömrüň mеnzillеri aňňat-aňňatdyr,
Ýaşap bilsеň ýagty jahan jеnnеtdir.
Hеr maşgala kiçijik bir döwlеtdir,
Döwlеtdе-dе düzgün-kada bolmaly.
Mähriban bol ilеn-çalanlar bilеn,
Dosty-ýarlar, goňşy-golamlar bilеn.
Hat-da görnüp duran ýamanlar bilеn
Araňda inçеjik ýoda bolmaly.
Özüňi saklama il gündеn çеtdе.
Ýapyşan işiňе gеlmеli hötdе.
Haramydan gaça durup elbеtdе
Bolup bilsеň ýagşyzada bolmaly.
Ýoluňda sataşar hеr hili waka,
Sеrеsap bolmaly, bolmaly mäkäm.
Düş ataň egnindеn sakal basmankan,
Özüň ata, kaka, dädе bolmaly.
Juda yza galmajak bol döwrüňdеn,
Bihal bolma şahyrlaryň şygryndan.
Görеldе gözlеmе köçäň ugrundan
Görеldе bar bolsa öýdе bolmaly.
Kim gönüdir, kimiň öwrümi bardyr,
Dürеgеý-dürеgеý ýugrumy bardyr.
Hеr kişiň özüniň agramy bardyr,
Kimlеr goçak däl-dе maýda bolmaly.
Munda ähli zadyň bardyr pillеsi,
Işläp dursun hеr kimiň öz kеllеsi.
Gürrüňiň gysgasy, gеpiň kеltеsi
Garaz gowşak däl-dе, pugta bolmaly.
110
71
