...M...
14.03.2022 06:59
Indi bildim zamananyň azanyn,
Ýamanlar ýagşydan gaça başlady,
Gaýta bedasyllar asylzadadan,
Pisint etmeý, töre geçe başlady.
Yrýa boldy köpüň okan namazy,
Taňry hiç bolmady razy,
Pygamber ornunda oturan kazy,
Para üçin elin aça başlady.
Şalarda galmady hökmi-adalat,
Bir pul üçin müfti berer rowaýat,
Bil, bu işler – nyşanaýy-kyýamat,
Zalymlar bitoba öte başlady.
Dadhahlar turuban, ýüzün sarardyp,
Kim töresin tapyp, reňňin gyzardyp,
Zalymlar mazluma syrtyn gabardyp,
Gamçysyndan ganlar saça başlady.
Müžtehid sözüne amal bolmady,
Mynafyklar ýaradany bilmedi,
Sopular pirinden taglym almady,
Dünýä üçin dinden geçe başlady.
Bir para sopular „ sopy men“ diýer,
Soramaý, zalymlar tagamyn iýer,
„Bizni ýagşy kişi diýsinler“ diýer,
Her işikde halka gura başlady.
Garryga aýlandy biz gören ýaşlar,
Aýaga dolandy biz gören başlar,
Bimahal ýük baglap imdi gardaşlar,
Ahyret azmyna göçe başlady.
Akyl bolan gamda ýüregin ezip,
Derdiniň dermanyn soraglap gezip,
Zamananyň pisat balanyn syzyp,
Panydan bakyýa göçe başlady.
Ne asyl begleriň nobaty ötdi,
Gaýtam şugul-haramyga söz ýetdi,
Dünýäde kim galyp, myrada ýetdi,
Muhubbet çyraga öçe başlady.
Kazy bolan bir jowapda durmady,
Gije mähnet tartyp, kitap görmedi,
Şerigaty ugrunda dogry ýörmedi,
Nebs üçin imansyz öte başlady.
Magtymguly Pyragy.
9
23
2
...M...
11.03.2022 13:32
Aglamak aýyp däl terk etse bagtyñ,
Aglamak aýyp däl umyt synanda.
Ýürek gara ýaşa gark bolýar eken,
Göze ýeke damja göz ýaş inende.
Aglamak aýyp däl ýakyn ya:t bolsa,
Aglamak aýyp däl ölende ynam.
Durmuşyma ýyly berip bilenok,
Ýer Şaryny oda döndürýän Günem.
Aglamak aýyp däl, döwülse ynam,
Aglamak aýyp däl, aglaýyn bugün.
7
40
1
...M...
10.03.2022 16:53
Maýyl olmañ bu dünýäge, dostlarym,
Barça mundan oña barsa gerekdir.
Owwal aman, ahyr iman istärem,
Hak gulnuñ myradyn berse gerekdir.
Bir gün Kap dagyndan Hardeçjal çykar,
Bezäp eşegine, zümerret dakar,
Ýa Mäti öñünden tuguny diker,
Söweşip, Deçjaly gyrsa gerekdir.
O şol dagda Deçjal bezana döner,
Ýañy başdan diniñ çyragy ýanar,
Medinede Isa asmandan iner,
Sap gurup, meýdanda dursa gerekdir.
Asmandan Jebraýyl olara geler,
Mäti bilen Isa jahany alar?
Medine şährinde patyşa bolar,
Kyrk ýyllap döwrany sürse gerekdir.
Kyrk ýyldan soñ olar kylyrlar sapar,
Giýalar gurap hem derýalar kepär,
Ýajuj-Mäjuj diýrler, mugjuza gopar,
Magrypdan maşryga ýörse gerekdir.
Paş eýlärem, bir sözüm bar diýmäge,
Tillerim öwrülmez any aýtmaga,
Jahan guryp, närse galmaz iýmäge,
Bir-biriniñ ganyn sorsa gerekdir.
Ýagmyr ýagar, ýeriñ ýüzün suw alar,
Weýran bolup, beýik daglar öwrüler,
Haýwan, ynsan galmaz, barçasy öler,
Zamanyñ ahyry bolsa gerekdir.
Ezraýyl öz janyn özi alarmyş,
Barça gidip, Hakyñ özi galarmyş,
Bu jahana dört Perişde gelermiş,
Ysrafyl suruny çalsa gerekdir.
Gögeriban, ýer ýüzüne çykarlar,
Mynapyk, zalymy şol gün ýakarlar,
Hasap eýläp, haýyr-şeriñ çekerler,
Ýa melek mizanyn gursa gerekdir.
Bu pisatlar ýer ýüzüne gelende,
Müňkür ýyglap, mümün bary gülende,
Gabyr ýarylyp, taňla magşar bolanda,
Resul "Ymmatym" diýip tursa gerekdir.
Barçany ýaradan şol gözel Alla,
Diýeweriň "Lä ilähe illalla",
Günäkär ymmatyn Hak Resululla,
Syratdan başlaýyp ýörse gerekdir.
Ymmat bolan, bilgil, syratdan geçer,
Jennet içre köwser şerabyn içer,
Aldanmaň, sopular, pirlerňiz gaçar,
"Dat!" - diýip, Resulga barsa gerekdir.
Magtymguly, serden gitmez dumanym,
Men Haka aşygam, ýokdur gümanym,
Owwal demde aman, ahyr imanym,
Rozy kylyp, bize berse gerekdir.
Magtymguly Pyragy
9
44
3
...M...
08.03.2022 15:46
Güller bilen gülüp gelen bu bahar Kalbyñyza günüñ nuruny çaýsyn Baharym barlygym gelsin ülkäme Eneler,doganlar gözüñiz aýdyñ Saglyk,salamatlyk size yar bolsun. Her ojagyñ ýaraşygy Eneler,
11
36
9
...M...
07.03.2022 14:12
.
9
40
4
11
36
