Sport » Sahypa 8 » Öwrenmeli App

21.01.2024 00:50

Al-Nasr we Portugaliýanyň milli ýygyndy toparynyň hüjümçisi Kristiano Ronaldo öz çykyşy barada çykyş etdiler. Bilşiňiz ýaly, portugaliýalylar 2023 senenama ýylynda 54 gol bilen iň köp pökgi geçiren oýunçy boldy.

Kristiano Ronaldo 39-njy doglan gününi 5-nji fewral, duşenbe güni bellär. Häzirki möwsümi alsak, “Al-Nasr” üçin 25 resmi oýunda Portugaliýaly ýyldyz 24 pökgi we hyzmatdaşlary üçin 11 gol geçirdi.

172

20.01.2024 16:03

" Ak _ pil" küşt

71

20.01.2024 15:15

“Mançester Siti” bilen Puma kompaniýasy ýaşyl agaç Aždarhasynyň ýylyna bagyşlanan täze çäkli futbol geýimini hödürledi. Bu barada championat.com habar berýär.
Klubuň metbugat gullugynyň habar berşi ýaly, geýimi döredijiler we öndürijiler toparyň “Etihad” stadionynyň taryhyndan hem-de hytaý medeniýetinden ruhlandylar. Bu geýimi ilkinji gezek “Mançester Sitiniň” zenanlar topary Kontinental kubogyň “Mançester Ýunaýted” bilen oýnunda geýer.
Hosep Gwardiolanyň topary häzirki möwsümde Angliýanyň Premýer-ligasynyň 20 tapgyryndan soň ýaryş jedwelinde ikinji orunda barýar, ol öňdebaryjy “Liwerpuldan” iki utuk yza galýar. “Mançester Siti” Premýer-liganyň çäklerindäki indiki oýnuny 31-nji ýanwarda geçirer. Şol gün öz meýdançasynda “Býornlini” kabul eder.

16

18.01.2024 22:44

BMF titulynyň eýesi Jastin Getji bilen ýarym ýeňil agramda UFC-niň öňki çempiony Maks Holloueý ýylyň iň uly söweşleriniň birinde duşuşar. Bu barada UFC-niň metbugat gullugyna salgylanyp, championat.com habar berýär.
UFC-niň prezidenti Dana Uaýt Getjiniň Holloueýe garşy söweşiniň 13-nji aprelde UFC 300 ýaryşynda geçiriljekdigini mälim etdi.
Ýatlap geçsek, Getji iýul aýynda UFC 291-de geçiren soňky söweşinde watandaşy Dastin Porýeni nokauta gidirdi.
Öň, ýeňil agram derejesinde UFC-niň çempiony russiýaly Islam Mahaçew sosial ulgamlarda 8-nji iýunda Saud Arabystanynda Jastin Getji bilen söweşmäge taýýardygyny aýdypdy. Mahaçew oktýabr aýynda UFC 294-de birinji raundda awstraliýaly Aleks Wolkanowskiden üstün çykdy.
Holloueýiň garyşyk başa-baş söweşlerde professional rekordy 25–7. Getjiniň hasabynda 29 söweşde 25 ýeňiş bar. Getji ýeňiş gazanan ýagdaýynda BMF titulyny goran ilkinji söweşiji bolar. Şeýle-de, ol ýeňiş tapgyryny üç söweşe çenli uzaldar.

39

18.01.2024 02:12

«Realyň» we Braziliýanyň milli ýygyndysynyň hüjümçisi Winisius Žunior Ispaniýanyň Superkubogynyň finalynda «Barselona» bilen geçirilen duşuşykda ajaýyp üstünlik gazandy. Bu barada lenta.ru «Çempionat» neşirine salgylanyp habar berýär.
Hüjümçi XXI asyrda «El Klassikonyň» iň çalt het-trigini amala aşyrdy. Braziliýaly futbolça garşydaşyň derwezesine üç gezek pökgi geçirmek üçin 39 minut gerek boldy.
Duşuşyk 14-nji ýanwarda, ýekşenbe güni geçirildi we «gaýmak reňklileriň» peýdasyna 4:1 hasabynda tamamlandy. Ýeňijileriň ýene bir pökgüsini Rodrigo geçirdi. Gök-gyrmyzylardan Robert Lewandowski tapawutlanmagy başardy.
«Real Madrid» 13-nji gezek Ispaniýanyň Superkubogynyň eýesi boldy. «Barselona» bu baýraga 14 gezek mynasyp boldy.

94

17.01.2024 08:39

“Ahal” futbol toparynyň oýunçysy Elman Tagaýew Türkmenistanda geçen möwsümiň iň gowy futbolçysy, “Arkadag” toparynyň hüjümçisi Didar Durdyýew bolsa, milli çempionatyň iň gowy hüjümçisi diýlip yglan edildi. Bu karar, ses berişligiň netijelerine esaslanyp, ýurduň futbol boýunça ýokary ligasynyň wekilleri we sport žurnalistleri tarapyndan kabul edildi.
Türkmenistanyň Futbol federasiýasy tarapyndan esaslandyrylan “fair-play” baýragy iň arassa, düzgün-tertipli oýunlary görkezen “Altyn Asyr” futbol toparyna gowşuryldy. Bu barada Türkmenistanyň Bedenterbiýe we sport baradaky döwlet komiteti habar berýär.
Türkmenistanyň futbol çempionatynyň iň ökde futbolçylarynyň 22-siniň sanawy şular diýlip kesgitlendi:
Birinji düzümde Rasul Çaryýew («Arkadag») – derwezeçi; Güýçmyrat Annagulyýew, Abdy Bäşimow (ikisi-de «Arkadag»), Hakmuhammet Bäşimow, Şöhrat Söýünow (ikisi-de «Ahal») – goragçylar; Welmyrat Ballakow, Arslanmyrat Amanow, Begmyrat Baýow (hemmesi «Arkadag»), Elman Tagaýew («Ahal») – ýarymgoragçylar; Didar Durdyýew («Arkadag»), Wahyt Orazsähedow («Altyn asyr») – hüjümçiler.
Ikinji düzümde Rahat Japarow ( «Ahal») – derwezeçi, Ybraýym Mämmedow, Mekan Saparow (ikisi-de «Arkadag»), Ata Geldiýew («Ahal»), Zafar Babajanow («Altyn Asyr») – goragçylar; Şanazar Tirkişow («Arkadag»), Magtymberdi Berenow («Nebitçi»), Yhlas Magtymow («Şagadam»), Ahmet Ataýew («Altyn asyr») – ýarymgoragçylar; Altymyrat Annadurdyýew («Arkadag»), Hojanazar Gurbanow (Aşgabat») – hüjümçiler.

40

15.01.2024 07:55

Antuan Grizmann Ispaniýanyň Superkubogynyň ýarym finalynda «Atletikonyň» düzüminde geçirilen oýunlardaky 174-nji goluny tora girizdi. Şeýlelikde, Fransiýanyň milli ýygyndysynyň oýunçysy «Atletiko» üçin girizilen gollar boýunça birinji orny eýeledi.
«Real» bilen oýundan öň hüjümçi Luis Aragones bilen birinji orny paýlaşýardy – olaryň hersinde 173 gol bardy.

«Meniň üçin bu ajaýyp zat – buýsanjymyň çeşmesi» diýip, Grizmann belleýär.

Grizmann 2014-nji ýylda «Real Sosýedad» toparyndan «Atletiko» toparyna geçdi we bäş ýyl madridliler bilen oýnady. Ondan soň fransuz iki möwsüm «Barselonada» çykyş etdi. 2021-nji ýylda hüjümçi Madridiň toparyna gaýdyp geldi.
2023/24-nji möwsümde Grizmann ähli ýaryşlarda «Atletikonyň» düzüminde 27 oýna gatnaşdy, şolarda 17 pökgi geçirdi we 3 ýardam pasyny berdi. Oýunçynyň Madridiň topary bilen baglaşan şertnamasy 2026-njy ýylyň tomsuna çenli dowam edýär.

22

14.01.2024 22:32

Mançester Sitiniň” norwegiýaly futbolçysy Erling Holand umumy topara ýanwar aýynyň ahyrynda gaýdyp gelmeli. Bu barada klubuň baş tälimçisi Hosep Gwardiola aýtdy diýip, rsport.ria.ru habar berýär.
Holand dekabr aýynyň başyndan bäri meýdança çykmady. Şenbe güni “Mançester Siti” Angliýanyň çempionatynyň 21-nji tapgyrynda “Nýukasl Ýunaýted” kluby bilen geçiren duşuşygy (2:3, Sitiniň peýdasyna) “Siti” üçin norwegiýaly hüjümçi bolmazdan geçiren bäşinji oýny boldy.

“Onuň ýagdaýlary gowy, ýöne bir kiçiräk mesele bar, ony aýagy biynjalyk edýär. Lukmanlar bejeriş işlerini bir hepdelik bes etmek we ony, ähtimal, Abu-Dabide dowam etdirmek kararyna geldiler. Şu aýyň ahyryna çenli ol taýýar bolar diýip umyt edýärin. Onuň süňkündäki jaýryk biziň pikir edişimizden birneme uly eken. Onuň bitişmegi üçin wagt gerek. Ol şu aýyň ahyrynda dolanmaga taýýar bolar” – diýip, “Mançester Sitiniň” resmi saýty Gwardiolanyň sözlerini getirýär.

Şu möwsümde Holand “Mançester Siti” üçin 22 oýna gatnaşyp, 19 gol geçirdi we bäş netijeli geçirim etdi.

20

12.01.2024 14:10

Demirgazyk Amerikanyň Esasy futbol ligasynyň (MLS) kluby «Sporting Kanzas-Siti» öz meýdançasynda «Inter Maýami» bilen geçirjek duşuşygyny myhmanlaryň argentinaly Lionel Messiniň meşhurlygy sebäpli başga bir stadiona geçirdi. Bu barada «Kanzas-Sitiniň» resmi web sahypasynda habar berilýär.
«Sporting Kanzas-Siti» bilen «Inter Maýami» toparlarynyň arasyndaky oýun 13-nji aprelde geçiriler. Kanzasyň futbol topary 18467 tomaşaçy üçin niýetlenen «Çildrens Mersi Park» stadionynda oýnaýar. Messiniň toparyna garşy oýun 76416 adamlyk «Errowhed Stedium» stadionynda geçiriler.

«Bu oýna liga senenamasyny çykaraly bäri görlüp-eşidilmedik gyzyklanma döredi. Munuň şu ýazda Kanzas-Sitidäki iň uly waka boljakdygyna ynanýarys. Lionel Messiniň MLS-iň çäklerinde Orta Günbatarda, «Errowhed Stedium» stadionyndaky ilkinji oýnuny geçirmek mümkinçiligi diýseň tolgundyryjy. Çünki sebitimiz şu tomus Amerikanyň Kubogynyň oýunlaryny we 2026-njy ýylda futbol boýunça dünýä çempionatynyň oýunlaryny geçirmäge taýýarlyk görýär» diýip, «Sporting Kanzas-Siti» toparynyň baş direktory Jeýk Rid belledi.
«Bu oýna gyzyklanma we isleg gaty ýokary, şonuň üçin biz iki klubyň hem, olaryň janköýerleriniň we tomaşaçylarynyň hem «Kanzas-Siti Çifs» toparynyň meýdançasynda geçiriljek täsin futbol oýnundan lezzet aljakdygyny bilýäris» diýip, amerikan futboly klubynyň prezidenti Mark Donowan aýtdy.

19

11.01.2024 06:55

Iki agram derejesinde UFC-niň öňki çempiony Konor Makgregor sosial ulgamlarda täze wideo ýerleşdirip, onda özüniň amerikaly Maýkl Çendler bilen söweşjekdigini yglan etdi. Bu barada championat.com habar berýär.
Irlandiýaly söweşijiniň aýtmagyna görä, olaryň söweşi 29-njy iýunda Las-Wegasda geçiriljek UFC ýaryşynda bolar.
Konor Makgregor bilen Maýkl Çendleriň arasyndaky söweşi ilkibaşda 2023-nji ýylda geçirmek meýilleşdirilipdi. Ýöne Makgregor USADA-nyň barlag sanawyna wagtynda girmedi, şol sebäpli olaryň söweşi yglan edilmedi.
Ýatlap geçsek, Makgregor 2013-nji ýylda UFC-niň söweşijisi boldy. Ol garyşyk başa-baş söweşlerde jemi 28 söweş geçirip, 22 ýeňiş gazandy we alty ýeňlişe sezewar boldy. Türgen 2021-nji ýylyň tomsundaky ýeňlişden soň oktagona çykmady. Şonda ol UFC 264 ýaryşynda amerikaly Dastin Porýe bilen duşuşdy. Söweşiň netijesinde Konoryň aýagy döwüldi.

28