0878
25.05.2024 20:27
«Barselona» Hawini klubuň baş tälimçisi wezipesinden boşatdy. Bu karar Hawiniň , klubuň prezidenti Žoan Laporta, sport meseleleri boýunça wise-prezidenti Rafa Ýuste, sport direktory Deku, şeýle hem Hawiniň kömekçisi - Oskar Ernandes we Serhio Alegri bilen duşuşygyň netijesi boýunça kabul edildi.
Hawi "Barselona" 2021-nji ýylyň noýabryndan bäri tälimçilik edýärdi. Onuň ýolbaşçylygynda klub 2022/23 möwsümde La Liganyň çempionlygyny, şeýle hem Ispaniýanyň Superkubogyny aldy. Umumylykda, klub Hawiniň tälimçiliginde jemi 141 duşuşyk geçirdi, şolarda 89 ýeňiş, 29 ýeňliş we 23 gezek deňme-deňlik gazanyldy.
«Barselona» goşandy üçin Hawä minnetdarlyk bildirýär we geljekki karýerasynda oňa üstünlik arzuw edýär. Baş tälimçi hökmünde Hawi "Barselonada" soňky duşuşygyny şu ýekşenbe güni Sewilýada geçirer.
"Barselonanyň" täze baş tälimçisi ýakyn günlerde belli ediler diýlip garaşylýar. Maglumatlara görä, bu wezipä nemes hünärmeni Hans-Diter Flik bellenilip bilner.
Habar beriş serişdeleriniň maglumatlaryna görä, Hawini işden çykarmak hakynda karar onuň klubdaky ykdysady ýagdaýlar baradaky aýdanlaryndan soň kabul edildi. Klub Hawä we onuň tälimçiler toparyna 20 million ýewro öwez tölegini tölemeli.
21
67
mokono
10.05.2024 22:41
Düýn boksçydy, bu gün bolsa maýyp. Nädip birje söweş ýaş çempiýonyň durmuşyny üýtgetdi?
Şol wideony internet uögamynda görmedik adam ýok bolsa gerek. Bu professional boksçy Priçard Kolon. Ol nädip bu ýagdaýa düşdi?
Mundan 9 ýyl öň zehinli Priçard Kolon amerikaly Terrell Uilýams-a garşy söweş geçirdi, şondan soň koma düşýär we şondan bäri düşekde ýatyr. Biz Wirjiniýadaky şol söweşiň gorkunç podrobnostlaryny ýatlalyň we professional sport dünýäsi näderejede howpludygyny ýene bir gezek belläp geçeliň. Dogry, professional sportda gonorar ýokary bolmagy mümkin, ýöne şoňa görä ýaşaýşyňyzy uly hop astyna salmagyňyza mejbur bolýarsyňyz.
Priçard özüniň professional ýoluna 2013 ýylda başlaýar we muňa çenli yzly-yzyna bäş gezek Puerto Riko ýempiony bolýar. Kolon professional debýutynda nokaut bilen ýeňiş gazanýar. Soň yzly-yzyna ringe çykýar hemde olaryň köpüsi wagtyndan öň gutarýar.
Ýeňlişe uçrap görmedik boksçyň karerasy tizlik bilen ýokary göterilýär we Pritçardyň 17 professional tutluşygynda şol waka bolup geçýär. Söweşiň birinji minutlaryndan başlap Uilýams garşydaşynyň kellesiniň arka tarapyna (ýeňsesine) urgular geçirip başlaýar, emin bolsa müňa üns bermeýär. Bu urgular "towşan urgulary" diýlip atlandyrylýar. Adatça fermerler şu tehnikadan peýdalanýar, gymmatbahaly derisine zyýan ýetirmezlik üçin towşanym kelleiniň arka tarapyna güýçli urgy berip öldürýärler.
Emma, boks ringinde bu urgular hadagan edilen. Sebäbi ýönekeý- ol örän howply we olardan peýdalanmak göniden-göni diskwalifikasiýa alyp gelýär. Emma şol söweşde emin Uilýamsy doskwalifikasiýa etmekden geçen, hatda ondan açko hem aýyrmaýar.
Pritçard emine garşydaşynyň gadagan urgylary ulanýandygyna yşarat edýär, emma ol hiç hili reaksiýa bildirmeýär. Soň Kolonyň gahary gelip ar almak niýetinde garşydaşynyň bilinden aşaky bölegine urgy geçirýär. Pritçartdan derrew iki oçko alyp taşlanýar.
Diňe ýedinji raundda emin Uilýamsy ýeňsä yzly-yzyna urgular geçireni üçin jezalagy ýüregine düwýär. Şeýle-de Kolon lukmana başynyň aýlanýandygyny yşarat edýär, ýöne söweşi dowam etdirýär. Dokguzynjy raundda öň hiç wagt nogdaunda uçramadyk Priçard üç minudyň içinde iki gezek nokdaunda gidýär. Kolon ýerinden turup öz burçyna yarap gidýär. Olýerde onuň topary söweş duruzyldy- diýip pikir edip, boksçyň elliklerini çykarmaga başlaýarlar. Emma beýle bolmady we ýeňiş Uilýamsa ýazylyp, Pritçart diskwalifikasiýa edildi.
Gahrymanymyz eşik çalşylýan otaga gelip, lukmanlara we toparyndakylara özüni erbet duýýandygyng aýtýar we özünden gidýär. Boksçy beýnisi şikeslenen halda keselhana eltilýär we operasiýa edilýär. Şundan soň ol koma düşüp, alty aýdan köpräk wagt palatada ýatýar. Kolon hiç zady duýmaýan adam bolup komadan çykýar. Bir wagtlar ringi sandyradan boksçy binäçe ýyl bäri normal geplemek we hereket etmek ukybyndan mahrum bolup, düşekde ýatyr.
Gynandyrýan ýeri, bu ýagdaý boksda ýeke-täk waka däl we bu bolan ýagdaýlary üýtgedip bolmaýar. Boks resmileri bu hili aýylganç netijelere alyp gelýän ähli ýagdaýlary hasaba almaklary we sporty howpsuzrak etmek üçin hereket etmekleri gerek.
*Arada wideosyny gördüm şu boksyň. Göz-görtele ýeňsä urgy geçirýärdi Uilýams. Emin sebäpli maýyp boldy 92-nji ýyl oglan.
22
104
0878
05.05.2024 19:14
Dortmundyň "Borussiýasynyň" ýarym goragçysy Marko Roýs möwsüm gutarandan soň, kluby terk eder. Bu barada futbolçynyň özi hem-de klubuň Metbugat gullugy habar berdi.
34 ýaşly Roýs bu nemes klubunda 2012-nji ýyldan bäri çykyş edip gelýärdi. Bu döwürde ol umumylykda 424 oýna gatnaşyp, 168 gol geçirip we 128 gol pasyny berip, "Borussiýanyň" hakyky taryhy oýunçysyna öwrülmegi başardy.
"Borussiýa" bilen bilelikde Roýs 3 gezek Germaniýanyň Superkubogyny (2013, 2014, 2019) we 2 gezek ýurduň Kubogyny (2017, 2021) gazandy, şeýle hem Çempionlar ligasynyň finalyna çykdy (2013). Üç gezek gol Bundesligada möwsümiň iň gowy oýunçysy boldy (2012, 2014, 2019).
«Klubda geçiren wagtym üçin çäksiz minnetdar. Bu klubda men ömrümiň ýarysyndan gowragyny geçirdim. Kähalatlarda agyr pursatlar bolan hem bolsa, geçiren her günüme örän şatdyryn" diýip, Roýs aýtdy.
Häzir "Borussiýa D" Germaniýanyň çempionatynda 5-nji orunda ýerleşýär we indiki möwsümde Çempionlar ligasynda çykyşyny kepillendirdi. Çempionlar ligasynyň häzirki möwsüminiň birinji ýarym final duşuşygynda nemes kluby 1:0 hasap bilen "Pari Sen-Žermenden" üstün çykdy. Jogap duşuşygy Parižde 8-nji maýa geçilýän gije geçiriler.
16
30
