“Inter Maýaminiň” we Argentinanyň ýygyndysynyň hüjümçisi Lionel Messi karýerasyndaky nobatdaky şanly sepgide ýetdi. Forbesiň habar bermegine görä, MLS-iň “Nýu-Ýork Red Bulls” bilen geçen oýnunda 36 ýaşly futbolçy bir gol geçirip, bäş gezek netijeli pas berdi we netijede XXI asyryň “gol+pas” ulgamy boýunca 1250 utuk gazanan ilkinji oýunçysy boldy.

Umuman alanyňda, Messi karýerasynda 1080 oýna gatnaşyp, 839 pökgi geçirdi we 411 gezek netijeli pas berdi.
Bu rekord ady rowaýata öwrülen argentinaly futbolçynyň karýerasyndaky ýene bir üstünlik boldy. Geçen ýyl “Inter Maýami” toparyna goşulany bäri, Messi ähli ýaryşlarda 25 gezek çykyş edip, 23 pökgi geçirdi we 16 gezek netijeli pas berdi. Ýene 6 gol bilen Messi Florida klubynyň taryhynda iň köp pökgi geçiren oýunçy bolup biler, häzir bu üstünlik onuň klub üçin 70 oýunda 29 pökgi geçiren watandaşy Gonsalo Iguaine degişlidir.
“Inter Maýami” 12 oýundan soň 24 utuk bilen MLS-iň sanawynda öňdeligi eýeleýär.