enes_∞
11.11.2024 22:17
![]()
Çagalyga bir bilet
— Salam! Maňa bir petek beräýiň-dä. Bir tarapa. Diňe gidişin.
— Bir tarapa bolanok. Diňe gidişin hem gaýdyşyn.
— Ýeri, bolýar. Onda gidişin-gaýdyşyn, şu güne!
— Bu günki petekler eýýäm gutardy.
— Haçana bar? Iň golaý wagtdakysy gerek. Juda zerur!
— Iň golaýy… Bagyşlaň, diňe bir ýyldan.
— Hiç bolmanda, bir ýyldanam bolsa… Tutuş güne niýetlenen bolsun.
— Uzynly güne rugsat edilmeýär.
— Bolmanda, bir sagatlyk.
— Diňe bir minutlyk mümkinçilik bar.
— Bolýar, bir minutlygyny beriň onda.
— Ine, üç sagatlygam bar eken, ýöne bu ýene iki ýyldan…
— Ýok, maňa bir ýyldan bir minutlygyny beriň.
— Beýle bolsa, ýene bir ýola barlalyň: Gidişin-gaýdyşyna bir petek, ýene bir ýyldan, bir minutlyk. Dogrumy? Ylalaşýarsyňyzmy?
— Hawa.
— Alyň, ine, siziň çagalyga petegiňiz.
— Köp sag boluň.
— Ýogsa-da, bir zat sorap bilerinmi?
— Elbetde, soraň.
— Bary-ýogy ýekeje minut… Ýeri, siz näme etmekçi? Nämä ýetişerin öýdýärsiňiz?..
— Ejem bilen kakam ikisini bilelikde bagryma basmaga…
17
149
sadajaaa_
11.11.2024 20:26
Negatiwligiň tabynlygynda: howsala düşmek näme we ony nädip ýeňip geçmeli.
Howsala düşmek, ýa bolmasa-da galagoply pikir etmek — bu adamyň öz pikiri bilen yzygiderli garaşýan ýa-da geljekki ýagdaýlaryň kynçylygyny artdyrýan aň-bilim ýoýulmasydyr. Pikirlenişiň bu görnüşi şeýleräk: «Men hiç haçan gowy iş tapmaryn», «Men ýalňyz bolmak üçin doglan», «Synagdan geçmek maňa başartmaz», «Men hiç haçan horlanyp bilmerin» diýen ýaly pikirlerde ýüze çykýar.
Howsalaly pikirlenmäniň ýüze çykmagynyň sebäpleri biziň kabul edişimiziň, düşünjämiziň aýratynlyklaryndadyr: otrisatel ýatlamalar pozitiw ýatlamalara garanyňda ýatda has çuňňur yz galdyrýar, sebäbi negatiw impulslar güýçli emosional täsiri döredýär.
Howsalaly pikirlenmäniň iki görnüşini tapawutlandyrýarlar:
Häzirki wagta gönükdirilen: adam häzir hiç bir sebäp bolmazdan, erbet bir wakanyň boljakdygyny çaklaýar.
Geljege gönükdirilen: adam geljekde özüne ýa-da ýakynlaryna bolup biläýjek negatiw wakalary göz öňüne getirýär.
Howsala düşmegiň howplary:
Durmuşyňa we keýpiňe umumy ýaramaz täsir edýändigi.
Depressiýa döremek howpunyň ýokarlanmagy.
Agyry we beýleki negatiw alamatlary kabul etmegiň ýokarlanmagy.
Stressiň we aladanyň derejesiniň ýokarlanmagy.
Howsalany ýeňip geçmegiň usullary:
Galagop ýagdaýa salýan pikirler bilen dümtünmäň. Ýaramaz ýagdaý ýüze çyksa, indiki etjek hereketleriňiz dogrusynda pikirlenmäge synanyşyň, ýakynlaryňyz bilen näme bolandygyny ara alyp maslahatlaşyň. Bu ýagdaýyň ilkibada görnüşi ýaly betbagtçylykly däldigini görmäge kömek eder.
Ýagdaýyň bolup biljek netijelerini derňäň. Wakalaryň ösüşi üçin mümkin bolan ähli wariantlara serediň we iň hakykata laýyk geljegini saýlap alyň. Bu hyýalyň köplenç hakykatyň talap edişinden has garaňky suratlary çekýändigine düşünmäge kömek eder.
«Iň gowy dostuň testini» ulanyň. Ýakyn dostuňyzda hem şuňa meňzeş ýagdaý ýüze çykýan bolsa, nähili jogap berjekdigiňizi göz öňüne getiriň. Bu ýagdaýda iň erbet ýagdaýlara däl-de, faktlara we logika bil baglamak dogrudyr. Şol çemeleşmäni özüňiz babatda ulanyp görüň.
Gorkularyňyzy seljermek üçin özüňize wagt sarp ediň. Aladalaryňyza we tolgunmalaryňyza baha bermek üçin günde özüňize 30 minut wagt beriň. Olaryň rasionallygyny derňäň. Köplenç şeýle derňew ýagdaýy has hakyky nukdaýnazardan görmäge ýardam edýär.
Hünärmene ýüz tutuň. Meseläni özbaşdak çözüp bilmeseňiz, psiholog bilen maslahatlaşmak meseläniň düýp özenini tapmaga hem-de zerur maslahatlary almaga kömek edip biler.
6
156
