Ýylgyryşlarymyň sebäpkäri sen,
Hassa wagtym halymyň kemaly sen,
Gözlerimiň nury sen, jemaly sen,
Kalbymda ýeketäk sensiň ejemjan.
Bu dünýäde barlygyňa guwanyp,
Ýaşaýaryn şol guwanja daýanyp,
Teşne men, bilmedim mährinden ganyp,
Kalbymda ýeketäk sensiň ejemjan.
Açylan halaty baharda güller
Saýran çagy bu baglarda bilbiller,
"Balam" diýen şypaly şirin diller,
Kalbymda ýeketäk sensiň ejemjan.
Nazarow Umyt
