timm
22.04.2024 15:58
Howlymyň içinde bir bölek ýere
Gül ekdim. Lowurdap açyldy bary.
Birisi gyrmyzy, birisi gara,
Birisi mämişi, birisi sary.
Şu gün gapymyzdan geldi bir myhman,
Geleni bäri hem gözleri gülde.
Şol seredip otyr gözlerin gyrpman,
Göýäki diýersiň, bir suwsuz çölde
Bütin ömürboýy zar bolup güle,
Doldurýan ýalydy şonuň öwezin.
Myhmanym seredýär «Gijegözele»,
Myhmana seredýär «Gijegözelim».
Owadan gözlerin ertirden bäri
Aýryp bilmän otyr owadan pelden.
Goşgy goşmasa-da, tüýs şahyr borly –
Bir pursat sowaýsa gözlerin gülden,
Göýä güller göçüp ötäýtjek ýaly,
Bakýardy güllere gezek-gezegne.
Bakýardy «Nerkese», gyzyl «Piona»,
Bakýar «Georgine», «Gijegözelne».
Men güle-de aşyk. Güli söýýänleň
Özüne-de aşyk. Hem güle bakýan
Hem myhmana bakýan.
Güller hakynda
Bir ajaýyp pikir
Aýdar ol hökman.
Edil diýşim ýaly. Içdi-de çaýyn,
Sözledi gül hakda ajap bir beýdi –
«Beýdip munça ýeri zaýalap nätjek...
Pomidor ekäýseň bolmaýamy!..» diýdi.
✍️ Kerim Gurbannepesow
29
73
3
timm
20.04.2024 19:37
15+ Must Watch Movies for Programmers🧑💻🤖
1. The Matrix
2. The Social Network
3. Source Code
4. The Imitation Game
5. Silicon Valley
6. Mr. Robot
7. Jobs
8. The Founder
9. The Social Dilemma
10. The Great Hack
11. Halt and Catch Fire
12. Wargames
13. Hackers
14. Snowden
15. Who Am I
Happy Coding ♥️
22
55
1
timm
16.04.2024 17:07
Kän gaýtalanyberse, owadan sözler hem öz gözelligini ýitirýär eken.
#Atajan Tagan
32
51
3
timm
29.03.2024 04:40
Esassyz tankydyň şahsýeti taryhdan çykaryp bilmeýşi ýaly, esassyz öwgi hem şahsyýeti taryha salyp bilmeýär.
#Atajan Tagan
27
48
1
timm
27.03.2024 23:08
Tankydyň ýeke gramyny götermegi ýokuş görýän adam öwginiň tutuş bir tonnasyny-da ýük görmeýär.
#Atajan Tagan
53
191
5
timm
24.03.2024 17:12
Bulary bilýärdiňizmi? Eger bilmeýän bolsaňyz 📸 edip alyň!
49
213
7
timm
23.03.2024 05:29
Marokkanyň Rabat şäherinde ýaşaýan 72 ýaşly kitap satyjysy Muhammet Aziz günde 6-8 sagat kitap okaýar. Fransuz, Arap we Iňlis dillerinde 5000-den gowrak kitap okap, Rabatdaky iň köne kitap satyjysy bolup, şol bir ýerde 43 ýyldan gowrak wagt geçirdi.
Kitaplaryny daşarda gözegçiliksiz goýmak, kitaplaryň ogurlanyp bilinjekdigi hakynda soranlarynda, okap bilmeýänleriň kitap ogurlamaýandyklaryny, başarýanlaryň bolsa ogry däldigini aýtdy.
41
220
9
timm
23.03.2024 05:23
Gündelik durmuşyñyzda köp gabat gelýänsiñiz) Bilmeýän bolsañyz öwrenip galyñ!
51
330
10
timm
22.03.2024 23:13
Soňra Hydyr aga türkmen taýpalarynyň adyna aýdylýan degişmäni gürrüň berdi.
Olardan meniň ýatda saklap galanlarym şular:
1. “Teke bilen goňşy bolma”. Manysy: gyz-gelniňe gyýa göz bilen gararmyş ýa-da goňşusyny satarmyş.
2. “Ýomut bilen ýoldaş bolma”. Manysy: kisäňde teňňäň bar bolsa, göz gyzdyrarmyş. 3. “Ärsara syryň berme”. Manysy: syryňy başga kişä aýdarmyş.
4. “Sarygyň toýuna barma. ” Manysy: eger sen sarygyň toýuna ýeke özüň barsaňam, ol seniň toýuňa tutuş obasyny alyp geläýermiş.
5. “Salyr bilen söwda salma”. Manysy: salyra atyňy satsaň, bir hepde—on gün münenden soň, halaman, yzyna gaýtararmyş.
39
444
21
timm
22.03.2024 11:18
Men “Goşa pudagyma” geçdim:
Pelek iki nyşan salmyş synama,
Birisi düwnümdir,birisi—dagym.
Iki dag ýykylmyş bu gün üstüme,
Biri başym basmyş,biri—aýagym
-diýen setirleri diňlän Hydyr Derýaýewiň bokurdagy doldy. Men ýagdaýa üns bermedik bolup dowam etdim:
Hany meniň Mirhaýdarym,Miresen,
Ýekelik tygydyr bagrymy kesen.
Naçar emekdeşim Orazbibi,sen
Eşitseň,ýas tutup,gara geý imdi…
Ýene:
Agyr derdiňiz alaýyn,
Alyp,janymga salaýyn.
Sizden ozal men öleýin,
Geliň,gabra salyň,balam.
Daglar dözmez,daşlar dözmez,
Akar,gözde ýaşlar dözmez.
Ot alar,agaçlar dözmez,
Tap getirmez çölüň,balam.
Seýdi diýer: “Tur,Haýdarym!
Haldan habar ber,Haýdarym!”
Sözleri şeker,Haýrdarym,
Ýakdy meni tiliň,balam” —diýen setirler gulagyna ýeten Hydyr Derýaýew elimden çekdi-de:
—Saklan,Soltan Hüpbi,saklan!—diýip hamsykdy.
—Ýürek gaty ýukalypdyr..
—Hydyr molla,nämä hapa bolduň?
—Ýaňky setirler meni geçmişe aldy ötägitdi…
—Seýitnazar Seýdiniň döwrünemi?
—Ýok.1937-ä.1937-nji ýylda,edil Seýdiniň goşa pudagy ýaly meniňem goşa pudagym,heniz bir ýaşyny hem doldurmadyk ekiz ogullarym bir günde ýogaldy. Özi-de hut maňa sud edilen günde.Nähak töhmetiň pidasy bolup gidenlere “troýka” diýilýän üç sany adam sud edýärdi. Menem göni bäş minutyň içinde “halk duşmany” boldum galyberdim. Sud başlanmanka “Ekizleriň ikisi-de ýogaldy” diýen habar gelipdi:
—“Iň soňky haýyşyňy aýt!” diýip,başlyklyk ediji maňa ýüzlendi.“Edil bir sagat mundan ozal ekiz oguljyklam ýogaldy. Şo neresseleri öwlüýä eltip,jaýlap gaýtmaga rugsat ediň! — diýdim.
—Başga haýyşym ýok”.
Öz çagalary gözüniň öňüne gelendir-dä,suduň başlygy rugsat berdi. Men öz garyndaşlarymyň,duz-emek bolan tanyş-bilişlerimiň mert adamlar däldiklerine şonda göz ýetirdim. Hatda olar meniň ölen çagalarymy göterişip öwlüýä gitmäge-de gorkdular. Sebäbi men eýýäm halk duşmanydym.
—Dost-ýarlardanam hiç kim öwlüýä gitmedimi?
—Ýekejesi gitdi.
—Ol kimdi?
—Oňa Akmyrat Orazow dýýärler. Kaka raýonunyň “Ýüzbaşy” obasyndan.”Meni öwlüýäde ataýsynlar. "Getir oglany!" diýdi-de,palasa dolangy ýatan çagalaryň birini Akmyrat alyp ugrady. Özümem ikinji oglany göterdim… Hydyr aga elýaglygyny çykardy. Men gürrüňi başga ýere sowmak bilen boldum.
"Kyrk ýylda ýazylan kitap"
#Atajan Tagan
27
69
1
Yene yükle
