timm
05.05.2024 00:49
Elwan reñke boýap gussañ tuguny.
Bu gün ýene düşdüñ meniñ ýadyma,
Natuwanym,
sowuk ülkäñ suguny.
Şeýle boldy.
Aýraladyk ýolumyz,
Gözyaş dökmän, bir-birege söz bermän.
Indi bilýän, dolanmarsyñ asyl-ha,
Ikatýoga meñzemeseň özgermän.
Men seni ugradyp, bir zady bildim,
Ömrüñ, söýgi bilen dirilikdigin.
Ykbal maña ýalñyzlygy buýrupdyr,
A men hesret bilen birigipdirin.
Az salymdan göge galar doly Aý,
Şa gyzy deý, jygasy zer börükli.
Kimdir biri añtap, ýalñyz çagymy,
Köñül köşgün çarşaklapdyr, dörüpdir.
Salamat bol, egsilmesin mertebäñ,
Ýoluñ uzak, typançakdyr, doñakdyr.
Ahmal, söýgi şowsuz bolsa has beter,
Ezýetlidir, ýatlamaga oñatdyr.
Şoň üçindir düşdüň ýene ýadyma,
Natuwanym,
sowuk ülkäñ suguny.
Toşap ýaly goýalanda al şapak,
Elwan reñke, boýap gussañ tuguny.
#Çary Yegenmyradow
26
55
timm
25.04.2024 19:06
Hiç bir millet uçdantutma ýaramaz bolmaýar. Her taraplaýyn dokuzy doly hem millet bolmaýar. Her milletde-de gowy adamam bar, ýaramazam. Men kän-kän milletleriň arasynda bolmak bilen öz synçylyk mümkinçiligimiň çäginde şeýle netijä geldim: nemesler –anyk, ýaponlar—tertipli, ýewreýler, ermeniler ýiti, daglylar—dost-ýara wepaly, özbek bilen täjik gara zähmete berlen, pribaltlar-“içimitap”, tatarlar mekir hem akylly, türkmenler—ýalta hem sadamekir, ruslar giň hem uzakçyl.
#AtajanTagan
24
100
timm
22.04.2024 15:58
Howlymyň içinde bir bölek ýere
Gül ekdim. Lowurdap açyldy bary.
Birisi gyrmyzy, birisi gara,
Birisi mämişi, birisi sary.
Şu gün gapymyzdan geldi bir myhman,
Geleni bäri hem gözleri gülde.
Şol seredip otyr gözlerin gyrpman,
Göýäki diýersiň, bir suwsuz çölde
Bütin ömürboýy zar bolup güle,
Doldurýan ýalydy şonuň öwezin.
Myhmanym seredýär «Gijegözele»,
Myhmana seredýär «Gijegözelim».
Owadan gözlerin ertirden bäri
Aýryp bilmän otyr owadan pelden.
Goşgy goşmasa-da, tüýs şahyr borly –
Bir pursat sowaýsa gözlerin gülden,
Göýä güller göçüp ötäýtjek ýaly,
Bakýardy güllere gezek-gezegne.
Bakýardy «Nerkese», gyzyl «Piona»,
Bakýar «Georgine», «Gijegözelne».
Men güle-de aşyk. Güli söýýänleň
Özüne-de aşyk. Hem güle bakýan
Hem myhmana bakýan.
Güller hakynda
Bir ajaýyp pikir
Aýdar ol hökman.
Edil diýşim ýaly. Içdi-de çaýyn,
Sözledi gül hakda ajap bir beýdi –
«Beýdip munça ýeri zaýalap nätjek...
Pomidor ekäýseň bolmaýamy!..» diýdi.
✍️ Kerim Gurbannepesow
29
73
