smiling_
09.10.2024 14:19
Daň atandan Gün batynça: işde ukyň tutmazlygy üçin 8 sany täsirli usul.
Daň atandan Gün batynça: işde ukyň tutmazlygy üçin 8 sany täsirli usul
Iş ýeriňde mahalyň ukyň tutmagy — işleýän sagadyna ýa iş tertibine garamazdan, köp adamyň ýüzbe-ýüz bolýan umumy meselesidir. Bu ýagdaý iş öndürijiligiňi peseldip, keýpiňe ýaramaz täsir edip biler, käbir hünärlerde işleýän adamlaryň bolsa jan saglygyna-da howp salyp biler. Işleýän mahaly uklamak pikiri özüne çekiji bolup görünse-de, köpler üçin bu artykmaçdyr. Şol sebäpden, iş günüň dowamynda gujur-gaýratyňy we ünsüňi depginli saklamak üçin sekiz sany laýfhaky dykgatyňyza ýetirýäris.
Säher bilen gezim etmek. Günüňizi gysga wagtlyk gezelenç bilen başlaň. Arassa howa we ýeňil fiziki işjeňlik bedeniň gan aýlanyşyny stimulirleýär we energiýanyň derejesini ýokarlandyrýar.
Işe başlamazdan öň gysga wagtlyk uklamak. Eger meýilnamaňyza laýykl getirip bolýan bolsa, onda iş günüňize başlamazdan ozal 15 — 20 minutlyk uklamaga çalşyň. Bu, esasanam gijeki çalşyklarda işleýänler üçin peýdalydyr.
Yzygiderli arakesmeler. Birnäçe sagatdan gysga wagtlyk dynç almagy ýatdan çykarmaň. Ofisiň töwereginde gezelenç ediň ýa-da ganyňyzyň kadaly aýlanmagy üçin adaty maşklary ýerine ýetiriň.
Aýdyň yşyklandyryş. Iş ýeriňizde yşyklandyryşyň aýdyňlygy, ýagtylygy ýeterlik derejede bolsun. Tebigy yşyk bolsa has gowy bolar, ýöne bu mümkin bolmadyk ýagdaýynda aýdyň emeli yşyklandyryş hem ýardam eder.
Günüň dowamynda ýeterlik mukdarda suw içiň. Suwsuzlyk ýadawlyga we konsentrasiýanyň peselmegine sebäp bolup biler.
Kofein. Kofäni halaýan bolsaňyz, ukusyzlyga ýokary derejede täsirli bolar diýseňiz çalşygyňyzyň başynda içiň. Gijeki ukyňyňy bozmazlyk üçin bolsa günortan kofeinden içmekden saklanyň.
Aromaterapiýa. Sitrus, narpyz ýa-da jasmin ýaly ýakymly yslary ulanyň. Olar beýnini herekete getirip, konsentrasiýany artdyryp bilerler.
Energetik saz. Energiýa getiriji sazlar bilen özboluşly pleýlist dörediň. Saz keýpiňizi ýokarlandyryp, öndürijiligiňizi artdyryp biler.
Gijeki ukyny, deňagramly iýmitlenmegi we yzygiderli maşk etmegi sazlaşykly birleşdirýän sagdyn durmuş ýörelgesiniň hem energiýany we öndürijiligi saklamakda möhüm hyzmata eýedigini ýatdan çykarmaň.
Peýdalanylan çeşme: www.mentoday.ru
11
37
smiling_
08.10.2024 18:04
Kalbyñ owazy.
Men ony köçeden gözläp tapmadym,
Gel-gel bu gün çykaryp bererim ýaly.
(Gurbannazar Ezizow)
Diwarlañ gulagy diñläp ýadady,
Alawlan içimiñ hümmüldisini.
Aýdylmadyk ymgyr ýatan sözlerim,
Ýaýar armanyñ sesini.
Julk boldym damjalan ahmyrlam ýuwdup,
Ýene-de duýgulam gussama ýuwdym,
Sowgat diýip berlen ak gündizlem,
Gijelerde geýen jebrime sowdum.
Hakym ýokdan bilýän,
Arzuwlarmy diri ýere gömmäge.
Biçärelik kowup gelýär arkamdan,
Deşik tapsam girjek gaçyp sümmäge.
Ýok,
Maña ýetmegine ýol bermen onuñ.
(Ýüregmi köçeden gözläp tapmadym)
Umydym galkanym, yhlasym galam,
Goranaryn gorkylamdan saplanyp.
L'autore: Uzuk Agamyradowna
11
50
smiling_
08.10.2024 08:55
Aglama diýme!
Aglasam agym ýetmejek,
Derdim bar, aglama diýme!
Em edäý, ömür bitmejek,
Ýaram bar, aglama diýme!
Ýüregmiñ yşyk tary,
Haýal - ýagal mydar bary,
Sessiz çekip çydar ýaly,
Merdiñ ýok, aglama diýme!
Kalby päk, göwni çagajyk,
Aglamak maña nämejik,
Şu gün ses edip aglajak,
Şertim täk, aglama diýme! :)
L'autore: Ogulnur Ataýewa
10
133
smiling_
07.10.2024 18:55
Men sary ýaprak.
Gaýbana şemalam aparar meni,
Ýekeje tolgunma... Ýekeje şatlyk...
Baldagymdan üzüp, goparar meni.
Men sary ýaprak.
Men topragy söýýän,
Topragam meni.
Aslym - toprak, öýüm - toprak,
Meniñ üçin ölüm - toprak
Hem başym hem soñum toprak.
Men sary ýaprak.
Düşnüksizje duýguly,
Yşkdan urguly. Ýatladýan gaýgyñy,
Paşmadyk söýgini.
Men sary ýaprak.
Aslynda men bagtly -
Siñýän topraga,
Diñýän birsellem,
Soñra dogýan täzeden.
Yrza hemmeden. Ýöne... ünji dur bir senden,
Bir senden...
L'autore: Laçyn BAZAROWA
8
30
smiling_
07.10.2024 07:32
Gözi ýaşly gyza
Aglama gyz, buruljurap aglama,
Ýylgyrmaly çagyñ a:ga baglanma.
Heniz seni ýylgyrtjaklar dirikä,
Gussalaryñ salgymyna aldanma.
Seret!
Biwagt daman gözýaşlaryñdan,
Elýaglygyñ ezilipdir bireýýäm.
Näme sebäp boldy?
Biwepalykmy?
Haýsy oglan sen deý gyzyñ bagtyndan,
Mesligine başy sämän ol haýýar.
Kim bolsada unut, senem, tijende,
Bu pursatlaryñ ajan gussasyny däl,
Pynhan hem höwürli kömelek ýaly.
Gömlüp ýatan ýylgyrşyny alyp gal.
Hemem bezen aýnañ öñüne geç-de,
(Näçe gün bolupdyr bezenmäniñe)
Öz - özüñe timar berip durşuña.
Öz - özüñi bagtly duý, şükür et,
Begenip şul pursat begenýäniñe.
Hem ýadyñda sakla, aglama hergiz,
Heniz seni ýylgyrtjaklar dirikä.
Awtor: Wepa Pirnepesow
10
60
smiling_
06.10.2024 20:23
Perwaý bermesem-de senli oýlara,
Diýsem-de: ,,Häki bir hyýaldyr-da bi"
Meni öz goýnuna düýrüp barýar-la
Duýdansyz tolkunan yşkyñ girdaby.
Geñdi maña aşyklaryñ dessany,
... Yşky akla gelmez nysak saýardym.
Ýöne...
Haýran saña ...
Seni göremde,
Keşbiñi öz gözlerimden gabandym.
Saña görünmäge çekinip ýördüm,
Agşam bolsa...
Bak pelegiñ işine.
Ah, göwnümiñ döwük penjiresinden
Özüñ giräýipsiñ meniñ düýşüme.
Birhili, düşnüksiz oýlara çümüp,
Gezip ýörün açylmadyk syr ýaly.
...Halym şygra öwrüp, saña ýollaýan,
Sen bir diýäýmäwer:
,,Hyýaldyr-da bi".
- Kakamyrat Rejepow
9
182
smiling_
06.10.2024 08:43
Ýetäýjek ýaly
Pyşyrdanyñ - şygyr, sözläniñ - aýdym,
Zemin heýjan tapar, tutulsa adyñ.
Dünýämde şemim sen, köñülde şadym,
Meni bir sen bagtly edäýjek ýaly.
Neneñ gowy -
Gül ýürege ýaz gonsa!
Dillere - saz, kirpiklere näz gonsa!
Doñup durun, ynan, sähel gozgansam,
Sen gözümden uçup gidäýjek ýaly.
Meni soñsuz derde dözen dözmezim,
Seniñ söýgiñ bile gitdim özgerip...
Bir alaja ýüpüm - aşyk gözlerim
Sen nirede bolsañ, ýetäýjek ýaly.
Soñsuz synaglara sezewar göwnüm,
Öñde - soñda bir hoş söze zar göwnüm.
Diñe senli günler bezeýär ömrüm,
Alnymda ak dañlar ataýjak ýaly.
Sen sen diýip, şunça menzil aşdygym,
Bir ýylgyrşyñ - ak bagtyma buşlugym.
Ýagmyr bolup ýagsa gözden ýaşlarym,
Yşkyñ wysal güli bitäýjek ýaly.
Dünýe bir çarh, aýlaw aýlaw aýlanyp,
Duşurar ol, ahyr bir gün aýñalyp.
Howpurgadym, azaşdyryp aýralyk,
Gül ömrüm armanly ötäýjek ýaly.
- Kakamyrat Rejepow
13
52
smiling_
05.10.2024 18:05
,,Gelen çagyñ bahar, giden çagyñ gyş,
Ähli zat buz ýaly sowaýar, ynan!"
Sen sözlerñi gaýtalaýañ ynamly,
A men ol sözlere edemok ynam.
Geñ galyp, ýüzüñe bakýan düşünmän.
Diýjek bolýan ,,Seniñ bu sözleñ ýalñyş"
Sen ne-hä diñleýäñ, ne-de dymýañ,
,,Gelen çagyñ bahar, giden çagyñ gyş".
Pikir edýän, ,,Nädip, beýle tebigat,
birje adam üçin üýtgäp bilýärkä?!
Onsoñam, men "gyş", diýip, "gar" diýip heläk.
Ol nämüçin men gidemsoñ gelýär-kä?!"
L'autore: Aýgül GARAÝEWA
12
225
smiling_
05.10.2024 14:14
Ýylgyryşyň güýji: ol saglygymyza we keýpimize nähili täsir edýär.
Ýylgyryşyň güýji: ol saglygymyza we keýpimize nähili täsir edýär
Her ýylyň oktýabr aýynyň birinji anna gününde dünýä ýüzünde Ýylgyryş güni bellenilýär. Bu baýramçylygyň ýüze çykmagy 1963-nji ýylda meşhur «smaýlik» belgisini döreden amerikan suratkeşi Harwi Boluň ady bilen baglydyr. Baýramçylygyň şygary şeýleräk: «Diňe ýagşy işleri et. Iň bolmanda bir adamy ýylgyrmagyna sebäpkär bol».
Elbetde, «Gülmek ömürden» diýilýär, ýöne ýönekeý ýylgyryş hem şeýle täsirli bolup bilermikä?
Ýylgyrmak — bagtly bolmagyň çeşmesi
Ýylgyranymyzda bedenimizde işjeňlik halyna gelýän myşsalar beýnimize diňe oňyn signallary iberýär, keýpimizi gowulandyrýar. Hatda ýalandan ýylgyrmak hem ruhumyzy göterip biler.
Ýylgyrmak we uzak ömür
Geçirilen ylmy gözlegler edil gülmek ýaly, çyn ýürekden ýylgyrmagyň hem ömrüňi uzaldyp biljekdigini mälim etdi. Bagt — saglygyň we uzak ömrüň açarydyr we ýylgyrmak oňa ýetmegiň aňsat usulydyr.
Birek-birekden geçýän ýylgyryşyň täsiri
Adamlar başgalaryň duýgularyny kabul edip alyp bilýärler. Ýylgyrmak bilen, başgalaryň hem şeýle duýga berilmegini gazanyp bilersiňiz.
Basyşa täsiri
Ýylgyrmak we gülki ýürek urşuňyzy we dem alşyňyzy çaltlaşdyrýar, bu bolsa gan basyşyny peseltmäge kömek edýär.
Ýylgyryşyň dürli görnüşleri
Fransuz lukmany Dýuşen Bulon ýylgyryşyň 19 görnüşiniň bardygyny kesgitläpdir. Olaryň diňe 6-sy şatlyk bilen baglanyşyklydyr. Beýlekiler utanç ýa-da gynanç ýaly dürli duýgulary beýan edip bilerler.
Ýaşartmaga edýän täsir
Ýylgyranyňyzda 5-den 53-e çenli ýüz myşsalaryňyz işjeňleşýär, bu olaryň hemişe işjeň bolmagyna we ýüzüňiziň ýaşlygyny saklamagyna kömek edýär.
Ýylgyrşyň özüne çekijiligi
Ylmy barlaglaryň görkezişi ýaly, makiýažsyz ýylgyrýan aýallar ýylgyrmaýan, ýöne birkemsiz makiýažly zenanlara garanyňda erkeklere has özüne çekiji görünýärler. Haýran galdyryjy ýeri, aýallar erkeklere garanyňda ýygy-ýygydan ýylgyrýarlar: Erkekler — ortaça 8gezek, zenanlar — 62 gezek.
Ýylgyrmak — keýpiňizi, saglygyňyzy we beýleki adamlar bilen gatnaşyklaryňyzy gowulandyrmagyň ýönekeý, ýöne täsirli usulydyr. Başarsaňyz, ýygy-ýygydan ýylgyrmaga çalşyň, pikir edýän netijäňiz uzak garaşdyrmaz!
Peýdalanylan çeşme: www.techinsider.ru
13
43
