smiling_
20.10.2024 13:41
Ömür ...
Irden synladym onuñ doguşyn,
Öýlän synladym onuñ ýanyşyn,
Agşam synladym onuñ ýaşyşyn.
Üçüsem ajap, şeýdip dogulsyn,
Şeýdip ýaşalsyn,
Şeýdip ýaşalsyn.
~
Deñeşdirip gördüm iki çanagy:
Bir çanaga bir çanaklyk çal sygdy.
Ýaşasyn, ýaşasyn kelle çanagy -
Içine müñ jogap, müñ sowal sygdy.
Deñeşdirip gördüm iki saçagy:
Bir saçaga - bir saçaklyk nan sygdy.
Ýaşasyn, ýaşasyn göwün saçagy,
Bir saçak başyna müñ myhman sygdy.
Deñeşdirip gördüm iki nokady:
Bir nokada - bir nokatlyk san sygdy.
Ýaşasyn, ýaşasyn göreç nokady,
Her nokat içine Ýer, Asman sygdy.
- Kerim Gurbannepesow
13
78
smiling_
15.10.2024 22:24
Ýyldyzlary kim kakdyka asmana,
Kimkä Aýy şol agladan ýöreden?!
Käbir adamlary küýsedip ýene,
Asyl, kimkä gijeleri döreden.
Düýşlerimiñ derwezesi açyk dur,
Emma weli oña asla gelen ýok.
Köçä çykdym,
Aý nuruny saçyp dur,
Bu gije ygyp ýören ýelem ýok.
Bilmen häzir haýsy ýurduñ çäginde,
Gije bilen gündizligiñ serhedi.
Gijäñ şeýle ýürekgysgynç çagynda,
Parahat uklapdyn ,,Parahat - 7".
Bisalgy ädimim.
Ýollan arkasy.
Uly köçe. Ýol belgisi. Duralga...
Adam şu zatlary ulanman gurýar,
Kalpda bir-birege ýoda guranda...
Ukusyz gijeden takatyñ gözläp,
Gyýylýarsyñ, geçenlere ökünýäñ.
Emma geçen ýollarmyzyñ ahmyry,
Didelerden geljegmize dökülýär.
- Seýran Seýitmämmedow
10
119
smiling_
14.10.2024 20:52
Bir gün bag deý ýanyp köýseñ, (Baky gelen barmy, eýsem?)
Abraýñy ataña goýsañ,
Ogluña atyñy goýsañ,
Bugdaýa meýdany goýsañ,
Zemine asmany goýsañ,
Gurmadygñy goýsañ eger,
Deñi - duşlañ dowam eder.
Sährany şähere goýsañ,
Tohumy bahara goýsañ.
Goýsañ,
Goýsañ,
Köp zat goýsañ,
Derdiñi enä goýmasañ.
Dert alynmaz ýöne ýere,
Kim başyn hesrete goşýar?
Ýöne mydam enelere,
Üleşikde şu paý düşýär.
- Gurbannazar Ezizow
11
66
smiling_
14.10.2024 17:30
Ejizlere awasyn!...
Egnin gysyp otyr ýalañaç baglar,
Duýýan ýaly aýralygyñ awusyn.
Senden ar alasy gelýär ykbalyñ,
Ýeke çekmek kyn ekeni agysyn.
Gara ýeri bagra basyp, gör, näçe
ýaprak ýatyr, göýä bary aglaýar.
Meniñ ýüregimde ýaşajak bolsañ,
Gözlerimde gözýaş görüp, agla ýar!
Yşkymyñ jemalyn çañ basyp gitdi,
Gabaklaryn galdyranok - öýkeli.
Ýürek paralanar, bir günden bir gün,
Güýze meñzäp gitse onuñ heýkeli.
Elinde gamçysy bu ýelleriñem,
nämüçindir bar ýagysy ýapraklar.
Akylly adamdan erbetlik çykmaz,
Erbetligi eder diñe akmaklar.
...Ýapragyndan jyda düşen bu baglar,
Çeker otyr aýralygyñ awusyn.
Hergiz ýowuzlygy bagyşlap bolmaz,
Bu ýüregim ejizlere awasyn!
L'autore: Ogultäç Oraztaganowa
12
60
smiling_
12.10.2024 21:20
Ynamdan gaçmañ.
Bir adam aýdaýsa içdäki syryn,
Duşmanlañ ýanynda oñ syryn açmañ.
Iki ýüzli bolmañ mydam mert duruñ,
Ynamdar adam bol, ynamdan gaçmañ.
Señ üçin jan berjek dostlañ ýoluna,
Mydam ýagty boluñ hiç haçan öçmäñ.
Düşürip dostlarñy duşman goluna,
Namart adam bolup, ynamdan gaçmañ.
Başarmajak işiñ goýsa öñüñde,
Başararyn diýip hiç kasam içmäñ.
Soñra durup bilmän beren sözüñde,
Özüñ masgaralap ynamdan gaçmañ.
Saýlada söý birin şonda-da duruñ,
Sähel zada söýen ýaryñdan geçmäñ.
Öz söýen ýaryña wepaly boluñ,
Biwepalyk edip ynamdan gaçmañ.
Puluñyz ýok wagty ýerde süýrelip,
Sähel pul tapsañyz asmana uçmañ.
Ýa wezipäñ galyp sähel beýgelip,
Bolşuñyz üýtgedip ynamdan gaçmañ.
- Hanmyrat Nurmyradow
9
116
smiling_
11.10.2024 22:02
"Men özümi aýamadym"
Gurbannazar Ezizow
Men ýüregmi dözmedim hiç özüme, Aýamadym, özgelere berdim men.
Ýama boldy, paralanan ýüregim,
Özgeleriñ agyryly derdinden.
Ýaş halyma goja boldum, büküldim,
Öz iýjegmi berdim, açgöz bolana.
Al bilen el serýänden utuldym,
Özgä peşgeş berdim, öz nesibämi,
Üşän wagty mahmal düşän ýorganym.
Men öz bolşumça hatama döndüm
Paýlama, özüme dözmedik zadym.
Ýüregimi dözdüm...
,,Aklyndan azaşan" dakyldy adym...
- Remezan Mämetgurbanow
13
63
