smiling_
04.11.2024 20:26
Meniñ ähli arzuwlamda adyñ bar,
Sen meniñ ýaşaýşym, barlygym, bagtym.
Wagtal - wagtal sesiñ eşdip durmasam,
Geçenok wagtam.
Ýyladyp gursagmy Günüñ çoguna,
Goşgy düzýän, saýasynda agajyñ.
Goşgukeş bolanym señ üçin ýalan,
Maña çyn.
Diñe goşgukeş däl, suratkeş boldum,
Pikkasso deý, çekýän seni gähi-de.
Bethoweniñ ,,Elizasyna" hiñlenýän,
Seýilgähde.
Gursagymda Ezizowyñ ,,Serpaýy",
Goşgulary bagryñ ezýär biçäreñ.
Gülçyrañ yşygna ýazýan hem pozýan,
Gijara.
Imrinýärkäm goşga, çarçuwamyzdan,
Mylaýym ýylgyryp bakýar, ýyldyz - Aý.
Arzuwlarma nakgaş kimin esedip,
Ýylgyraý!
L'autore: Mährijemal Nowruzowa
10
95
smiling_
23.10.2024 13:37
"Gitmesene
Gitseñ onsoñ bulutlary kim synlar...,,
L. Pürjäýewa
Gitmesene,
Gitseñ onsoñ gara başym dumanlap
Gara güni gapdalyma getirer
Gitseñ onsoñ, görülmedik gün aglap,
Kemsinmezmi ýazylmadyk setirim?!
Şygyrlarymy kime okap bererin,
Haýsy gözler ýüregimi ýaralar.
Gezerinmi göwnün görüp pelegiñ,
Köñüldäki arzuwlaryma garaman.
Gitmesene,
Gitseñ onsoñ galmalymy ýeke men
Duýgularym bilen, güllerim bilen
Mähremini saklap bilmän ýykylan
Mähire zar bolan günlerim bilen.
Galmalymy böwrüm diñläp, düñle dek
Biygtyýar ýollaryñy bagyrtlap
Basybilmän nalalarmy diñmedik
Gezerinmi gyzyl meýi owurtlap.
Gitmesene,
Galsañ munda: seni söýýän halyma
Dünýä sygmaz senli bolan bu dünýäm
Sen kemrysgal şahyryñdan nalama
Munda kem-kem bagtly bolup gidilýär.
Bagt daş däldir biz ikimiz birleşsek
Birleşeris, goý, gaşyñy çytma sen.
Şuña dirär her ne hakda gürleşsek,
Gitmesene, Gitmesene, gitme sen...
Author: Aşyr Hanow
13
61
smiling_
20.10.2024 13:41
Ömür ...
Irden synladym onuñ doguşyn,
Öýlän synladym onuñ ýanyşyn,
Agşam synladym onuñ ýaşyşyn.
Üçüsem ajap, şeýdip dogulsyn,
Şeýdip ýaşalsyn,
Şeýdip ýaşalsyn.
~
Deñeşdirip gördüm iki çanagy:
Bir çanaga bir çanaklyk çal sygdy.
Ýaşasyn, ýaşasyn kelle çanagy -
Içine müñ jogap, müñ sowal sygdy.
Deñeşdirip gördüm iki saçagy:
Bir saçaga - bir saçaklyk nan sygdy.
Ýaşasyn, ýaşasyn göwün saçagy,
Bir saçak başyna müñ myhman sygdy.
Deñeşdirip gördüm iki nokady:
Bir nokada - bir nokatlyk san sygdy.
Ýaşasyn, ýaşasyn göreç nokady,
Her nokat içine Ýer, Asman sygdy.
- Kerim Gurbannepesow
13
71
