Mowzuklar smiling_ » Öwrenmeli App

Bir - birine göwni ýetsin, ynsanyñ,
Öz kemine bir azajyk uýalsyn.
Aklyñ-a bar welin, ýöne goýalsyn,
Şeýleräk türkmeni göresim gelýär.

Ýokarrakda bolsun gyşyk geplerden,
Döşe kakman, goý, öwrensin köplerden.
Öz - özüñi arassala galplardan,
Şeýleräk türkmeni göresim gelýär.

- Berdinazar Hudaýnazarow

185

Ýüregim ýüregiñ elinden tutup,
Ýa-da, tersine!
Ýüregiñ ýüregmiñ elinden tutup,
Ylgasady,
Ýöresedi,
Dursady!
Günlerem süýjije - süýjije ötüp,
Elmydama gülkim tutup dursady....:)

~ Aýgül GARAÝEWA

21

Gylygymdan daşdüşen...

Gylygymdan daşdüşen
Daşdeşen kalbym,
Ýyldyzlary oýnaş edinen,
Salgym.
Zyýarata endik eden gözlerim,
Gözdegen aýaklam
Özgeren ellem,
Saçlarymyñ bilin gujaklap,
Derjigip yz galdyran
Ýüzüm!
Ýylgyr,
Ýalanam bolsa,
Senden galsyn,
Hakyky ýylgyryşyñ
Gussasyn çaýyp.
Ýylgyr nusgawy bolsun,
Nusgasy galsyn!...

Awtor: Remezan Mämetgurbanow

107

Goşgularymy oka...!

Nirede sen? Hal - ahwalyñ niçik-kä?
Goşgularymy oka gamlanan çagyñ,
Gel, bileje derdinşeli ikiçäk
Goşgularymy oka gamlanan çagyñ!

Bu täleý her näçe goýsada gizläp
Seni goşgularym taparlar gözläp
... Süýji ýatlamalañ ýumagyn çözläp
Goşgularymy oka gamlanan çagyñ!

Ine ýürek suwum içen setirler-
Özi ýanyp, özi öçen setirler...
...Olar saña hiç bir zyýan getirmez
Goşgularymy oka gamlanan çagyñ!

Ýyllar geçýär - dünýäñ göçe - göçünde
Çaky däldir olar iki - üçüñde...
...Sen pyşyrdap..., ýok gowusy içiñden,
Goşgularymy oka gamlanan çagyñ!

Isleseñ sözlerimi men diýip çakla,
Hala unut... hala ýadyñda sakla.
...Şat günüñ olara bakmasañ bakma!
Goşgularymy oka gamlanan çagyñ...!

~ Annamuhammet Kirşen

30

Geljegiň hökmany başarnyklary: şu günüň özünde öwrenip başla.

Häzirki tiz özgerip-üýtgäp duran dünýäde yzygiderli öwrenip-özleşdirip ýörmek karýeraňy üstünlikli gurmak adaty zerur zada öwrüldi. Tehnologik ösüş we bilimleriň täze ugurlarynyň döremegi gündelik ýüzbe-ýüz bolunýan başarnyklaryň tiz könelmegine sebäp bolýar. Ýene 10 ýyldan soň uly isleg bildiriljek hünärleri häzirki wagtda öwrenip ýören mahalyň geljekde olar gerek bolar diýip asla pikiriňe-oýuňa-da gelýän däl bolsa gerek.

Esasy başarnyklar

Esasy başarnyklar geljekki ösüş üçin binýat bolup hyzmat edýär:

Sowatlylyk: Netijeli okamak we ýazmak ukybyň bolmagy maglumatlary gaýtadan işlemek we alyşmak üçin möhümdir.

Matematiki sowatlylyk: Maglumatlar asyrynda sanlara, statistikalara we esasy hasaplamalara düşünmek zerurdyr.

Sanly sowatlylyk: Sanly tehnologiýalaryň işleýşiniň esasyna düşünmek, bu ugurda öňde durjak täze wezipelere uýgunlaşmaga kömek edýär.

Maliýe sowatlylygy: Geljegiňi meýilnamalaşdyrmak üçin şahsy we korporatiw maliýe serişdelerini dolandyrmagyň esaslaryny bilmek möhümdir.

Medeni gymmatlyklardan habarlylyk: Medeni özboluşlylyklara düşünmek dünýä ýüzünde aragatnaşygy täsirli guramagy ýeňilleşdirýär.

Ylmy sowatlylyk: Ylmy usullara düşünmek maglumatlara tankydy göz bilen seredip, netijeli bahalandyrmaga ýardam edýär.

Öwrenmek ukyby: Öwrenmegiň netijeli strategiýalaryna erk edip bilmek täze başarnyklary tiz öwrenmäge mümkinçilik berýär.

Etiki sowatlylygyň bolmagy: Etika bilen bagly ýagdaýlaradyr meselelere düşünmek oýlanyşykly netije çykarmaga kömek edýär.

Geljegiň şahsyýet üçin möhüm başarnyklary

Üznüksiz okamak: Bilesigelijilik we kämillige gol bermek pikiri özgerýän dünýä uýgunlaşmagyň açarydyr.

Duýgy intellekti: Duýgulara düşünmek we dolandyrmak ukyby netijeli täsir etmek üçin möhümdir.

Liderlik: Özgeleri hyjuwlandyrmak we kämilleşdirmek ukyby islendik ugurda gymmatlydyr.

Aragatnaşyk: Netijeli maglumat alyş-çalşygy we hereketleriň koordinasiýasy çylşyrymly taslamalarda hökmanydyr.

Çözgüt çykarmak: Näbellilik ýagdaýynda oýlanyşykly çözgütleri kabul etmek ukyby gitdigiçe zerur başarnyga öwrülýär.

Döredijilik: Täze ideýalary we innowasion çözgütleri döretmek — maşynlaryň entek bäsleşip bilmeýän ussatlygydyr.

Tankydy pikirlenmek: Maglumatlary we pikiri logiki taýdan seljermek ukyby çylşyrymly meseleleri çözmek üçin gerek.

Ulgamlaýyn pikirlenmek: Çylşyrymly ulgamlardaky gatnaşyklara düşünmek täsirli çözgütleri tapmaga kömek edýär.

Hyzmatdaşlyk: Toparlaýyn işlemek, şonuň netijesinde hem umumy maksatlara ýetmek ukyby islendik ugurda talap edilýär.

Gepleşikler: Pikiriňe ynandyryp bilmek we özara bähbitli ylalaşyklary gazanmak dürli ýagdaýlarda peýdalydyr.

Özüňi seljermek: Öz reaksiýalaryňa düşünmek stres bilen göreşmäge örän oňat ýardam edýär.

Çydamlylyk: Kynçylyklary ýeňip geçmek hem-de şowsuzlyklardan soň ýene aýaga galmak ukyby ähli aýdylýanlaryň özeninde durýar diýilse dogry bolar.

Uýgunlaşmak: Täze şertlere uýgunlaşmagy başarmak örän wajyp başarnyklaryň biri.

Öz güýçli we gowşak taraplaryňyza baha bermek hem-de size iň laýyk gelýän endikleri maksada okgunly kämilleşdirmek derwaýys zatdyr. Esasy sowatlylygy şahsy başarnyklar bilen birleşdirmek geljekde islendik hünär gurşawynda üstünlik gazanmaga kömek etjek zatdyr.

Peýdalanylan çeşme: morethandigital.info

19

Güniñ kölegesi düşýär ömrüme...

Güniñ kölegesi düşýär ömrüme,
Gözlerimde bolsa, garalýar iñrik.
Eýersiz, uýansyz gerşime münüp,
Wagt haýdap barýar,
Saklanma ýok hiç,
Çagalykdan özüm bilelim bäri,
Şu güne deñiç,
Gemrip,
Ýyllaryñ hatar goýan yzyny,
Gömüp barýar, duýgularyñ çañyna...
,,Soñky günüm" diýip her gün ýaşaýan,
Irden turdum,
Oýaryjyñ jañyna...
Asmanyñ goýnunda gaýmalap ýören,
Aýy hemra edip, aýlanýan ýerem,
Arkasyna hopba atyp hemmäni,
Güne tarap öwrüp myssaran ýüzün.
Çykmadyk janlara hediýe berip,
Ýeñse ýüzün Zöhrä öwren ene ýer.
Silkinesi gelýär,
Nebsi agyrýar.
We ýöne, (ýene-de) uludan alýarda demin,
Goýnunda gizleýär näzik tenleri,
Mahluk bolan ynsanlaryñ elinden...

Meniñ duýgularym ukudamyka?
Gözlerim görenokmy bolýan zatlary?
Ýüregim...
Ýüregmi goýup gaýdan ekenim,
Çagalyk döwründe tanyş ülkede.
Gözümde yz goýan şekil diýmeseñ...
Ähli zat,
Ýat bolup barýar
...Unudylyp barýar...

Remezan Mämetgurbanow

33

17.09.2024 21:24

Oýnasym geldi...

Men elimiñ damarlaryn kesemde,
Umytlarym saralyp...
Ujypsyz sowalgam ýok kesämde,
Nesibäm dymýar,
Garalyp...
Uçýan güýzüñ saryýagyz meñzini,
Durnalara münüp synlasym geldi.
Özümi ýerden ýokaryk oklap,
Synasym geldi.
Ýassanyp pişikleñ samankepbesin,
(Bulduraýan gözden tamam kepmesin),
Dogulamda okalmadyk tepbedim.
Garşy ýana goýup,
Kesek okladym...
Küle garyp,
Gumy peşäp...
Ukladym,
Oýanasym geldi,
Oýnasym geldi...

Awtor: Remezan Mämetgurbanow

33

17.09.2024 18:51

❥••• Bir adamyñ geçirimlilik etmegi, onuñ gowşaklygy däldir, ýumşaklygydyr.

❥••• Hakyky baýlyk emlägiñ köplügi däldir. Hakyky baýlyk kalbyñ baýlygydyr, baryña şükür kanagat edip bilmekdir.

❥••• Geçýän zat wagt däldir, ömürdir.

❥••• Nesibäñde bar bolsa, kynam bolsa hemme ýollar açylar.

❥••• Adam öz ýakynyna kömek etdigiçe, Allatagala hem oña kömek eder.

❥••• Diliñe terbiýe bermezden öñürti ýüregiñe terbiýe bermeli, çünki söz ýürekden gelip, dilden çykar.

❥••• Isleýänim bolanok diýip gynanma, ýa has gowusy bolar, ýa-da haýyrlysy şoldur.

❥••• Adamy owadan edýän daşky sypaty däldir, adamkärçiligidir.

240

16.09.2024 19:47

🤍

Bir aýdym diñlärsiñ käte...
Gaýta, gaýta...
Ganabilmän bir çende.
Haýranlar galarsyñ ýaşalan ýyllañ,
Geçilen ýollaryñ sähel pursada..
..hem birje owaza sygyp biljegne.

Aýdymlar diñlärsiñ käte...
Olar kalbyñ oklap biri-birine,
Otdan - suwa, suwdan - oda atarda
Alyslara alyp gider ýüregñi
Meñzäp durnalaryñ nesip hataryna.

Käte-de hiç aýdym gozgamaz göwni,
Bu uly dünýäde göýä özüñi
Ýeke-ýalñyz galansyñ öýdüp başlarsyñ.
Onsañ öz ýanyñdan täsin hiñlene,
Hatda özüñede saýra heñ bile
Sen öz aýdymyñ aýdyp başlarsyñ.

~ Kakamyrat REJEPOW

82

16.09.2024 16:36

《Skripka》

Neneñ gözel sen,
Ajaýyp, gulaga ýakymly sesiñ.
Men seni bir gezek elläp görüpdim,
Şol wagt sypadym tutuş bedeniñ
Sebäp ilkinji görüşimdi meniñ
Süýkedim çybygyñy iki ýan,
Çykypdy,
Gulaga ýakymsyz bir ýañ.
Onda-da özümden başga sesiñi eşiden..
..näzenin bardy,
Ýylgyrdy-da seni elimden alyp,
Zowlandyryp täsirli çaldy.
Öñem men seniñ sesiñe zardym,
Şol wagt men diri haýranyñ boldum.
Meñ elimde beýle näzik çykmady...
Seni çalan bolsa skripkaçy gyzdy...
Täsirli,
Täsin,
Lezzetli çaldy.
Bilemok şindizem
Ol haýsy sazdy?

~ Remezan Mämetgurbanow

24