sha.
25.11.2022 15:10
-"Pyçak süňke taýaldy !" Meniň sabyr käsäm doldy. Ol hiç wagt adam bolmaz! Men adamym bilen aýrylyşaryn. -diýip, gyz gözlerine ýaş aýlady.
-Ejesi lapykeçlik bilen: "Belki, aýrylyşmazdan, eglişik etmegiň ýoluny tapyp bilersiňiz" -diýdi.
- Ylalaşygyň ýoly? Hiç haçan!!!
Ejesi gyzynyñ öz aýdanyndan dänmejegini bildi we bu ýagdaýy görüp, başgaça çemeleşmegi ýuregine düwdi.
-"Aýralyk isleýärsiňizmi?" Bolýar, men seni ýoluñdan gaýtarmaryn. Bir gün seniñ ökünmegiňi we munuň üçin meni günakärlemegiñi islämok. Ýöne aýrylyşmaga howlukma! Häzir aýrylyşsaň, oňa çybyn çakan ýaly täsir etmez. Gaýta senden halas bolandygy üçin Hudaýa şükür eder. Öz gadryñy ýanýoldaşyña bildirmek üçin, ony süýji sözler bilen öz ýoluña salmaly bolarsyñ. Adamyña hormat goýup gürlemeli, süýji naharlar bişirip bermeli we söýgiñ bilen sylamaly bolarsyñ. Durmuş ýoldaşyñ " Ölerin, ýöne senden başga bilen ýaşamaryn !" diýýän ýerine ýetenden soň, birden aýrylyşmak üçin ýüz tutmalysyñ. Ine, şonda tomaşa görersiň! Ýanýoldaşyñ aýagyňa ýykylmasa meniñ adymy başga goýarsyñ!
-Gyz ejesine seredip mylaýym ýylgyrýar. Ol adamsynyň aýagynda ýatyp, ýalbarjakdygyny göz öňüne getirip .ondan öz şirin sözlerini aýamaýar we oña her gün süýji süýji naharlary bişirip berýär.
Birnäçe hepdeden soň ejesi gyzyna jaň etdi.
- Gyzym, öwredenlerimiñ peýdasy degýärmi ? diýip sorady - söhbetdeşligiň ortasynda ejesi .
- Hawa, hakyky gudrat! Men onuň aladasyny edýärin, süýji naharlary bişirp berýärin,süýji sözümem aýamok ! Şonuň üçin giýewiňiz menden iki ädim uzaga gidenok.
- Hawa, ýaşa! Berekella! Indi sen onuñ bilen aýrylyşyp bilersiň
- Näme? Nähili aýrylyşyk ? Beýle sowuk gepiñizi ýel uçursyn! Galyberse-de, men adamymy gowy görýärin. Ondan başgasy bilen durmuşymy göz öñüme getirip bilmerin!!!
Telefondaky söhbetdeşlikden soñ, Eje penjiredäki öz şekiline seredip, bagtly ýylgyrdy. Gyzynyň maşgalasyny halas edendigine begenip. "Bu gaty ýerlikli maslahat" boldy -diýdi öz ýanyndan
13
93
