Bu dünýede aglan gülmejek ýaly

Hiç kim seň gadyryňy bilmejek ýaly

Ýüregimde ornan birje gyzyl gül

Meň göwnüme şol gül solmajak ýaly

Arzuwlaryň bary hasyl bolmaýa

Söýgi ýoluny käte baýlyk baglaýa

Ýanan ýürek garyplykdan aglaýa

Hamala garyp baý bolmajak ýaly

Meni ýakdyň senem bir gün ýanarsyň

Ýanan güniň meni ýada salarsyň

Söýgin nämedigini şonda bilersiň

Söýmedik söýeni söýmejek ýaly

Ýaşlykdan görmelim diňe görgümi

Gaýgyda goýmaýda bäş günlik ömrümi

Aýtsana sen etýän işiň dogrumy

Görkezen günüňi özüň görmejek ýaly

Allamdan dileýän bagtym ýatmasyn

Ýaradanyň özi gorap saklasyn

Namartlara Allam mätäç etmesin

Kyn gün geçjek eken geçmejek ýaly