möjek_daýy🐺
25.01.2024 15:40
«Microsoft» soňky 30 ýyl töweregi wagtyň dowamynda ilkinji gezek standart kawiaturasyna möhüm üýtgeşme girizdi. Muny kompaniýanyň ýerine ýetiriji wise-prezidenti we marketing boýunça direktory Ýusuf Mehdi öz blogynda yglan etdi. Şeýlelikde, täze noutbuklarda hem-de klawiaturalarda emeli aň kömekçisini çagyrýan «Copilot» düwmesi peýda boldy.
— «Copilot» düwmesiniň peýda bolmagy üç onýyllyga golaý wagtyň dowamynda klawiaturadaky ilkinji möhüm üýtgeşmäni alamatlandyrýar. Munuň özi diňe bir adamlaryň kompýuter ulanmagyny aňsatlaşdyrmak bilen çäklenmän, eýsem, bu işiň netijeliligini giňeldip, 2024-nji ýyly emeli aň bilen işleýän kompýuter ýylyna öwürer. Mahlasy, «Copilot» emeli aň dünýäsine giriş nokadyna öwrüler — diýlip, ýolbaşçynyň belliginde aýdylýar.
Täze «Windows 12-niň» çykmagy 2024-nji ýyl bilen senelener. «Microsoft» kompaniýasynyň ýolbaşçylary täze operasion ulgam baradaky resmi maglumatlary heniz mälim etmediler. Operasion ulgam emeli aňa esaslanýan tehnologiýalaryň köp sanlysyny özünde jemlär. Munuň özi onuň emeli aňyň çäginde lider bolmaga taýýarlanýandygyny görkezýär.
Emeli aň tehnologiýalaryny işjeň öndürýän «Quanta» kompaniýasynyň ýolbaşçysynyň sözlerine görä, «Windows 12-niň» çykmagy bu tehnologiýanyň şahsy kompýuterler, serwerler we awtoulag elektronikasy pudagynda uly ösüşe eýe bolmagyna sebäp bolar.
53
38
0
Yene yükle
