Aň goýalyp,pana akyl ýetirip,
Meň kakama juda meňzäsim gelýär.
Ojagyma bimennet çörek getirip,
Meň kakama juda meňzäsim gelýär.
Höwes edýän halal gadam urşuna,
Zähmetden gollary dönen gurşuna,
Ýygyrtly ýüzüni synlap durşuma,
Meň kakama juda meňzäsim gelýär.
Sylag essedir hormat goýana,
Ejize el berer (gurpa daýana),
Galamamy çalyşyp çopan taýaga,
Meň kakama juda meňzäsim gelýär.
Müdimilik çöle çykmalam bolsam,
Sowatsyzlyk ýükün çekmelem bolsam,
Ýigrimiden kyrka bökmelem bolsam,
Meň kakama juda meňzäsim gelýär.
Bu sözlem ýürekden,däldir ýasama,
Beýik arzuwlarymy gysyp gysyma,
Ýagşy ynsanlygyň hatyrasyna,
Meň kakama juda meňzäsim gelýär.
Awtoryny bilemok.
