Hemmäniň sizi makullamagyny,söýmegini isleýäňiz , ÜSTÜNLIK sebäbi olar ýaly zat ýok.Siz özüňizi söýüň we makullaň ýeter.

Sizden şuny soraýyn .

Siziň pikriňizçe Taňry ajaýyp we hiç kemçiliksiz birimi ?

  Birnäçe kişi bu soraga biragyzdan "hawa" diýer,  şolar ýaly bolsa-da ,Taňryny-da SÖÝMEÝÄNLER bar.Hatda Taňryny hem köpler makullamaýarka, size näme bolýarda hemmäniň sizi makullamagy,gowy görmegi hyýaly bilen ýaşaýaňyz ?

Aýkut Oğut

Bu gelen bagtymmy ýa-da baharmy?

Dolanmakmy geçip giden ýazlarma?

Ala gözlim, bakyp beýle gaharly,

Ýatlamalar üçin meni beýle ýazgarma.

Geçen hoş gün gaýtalanyp köňülde,

Alsa meni seniň söýgiň elinden,

Gyýylma biz bagty görmän geçsegem,

Geçmeris oň hesretiniň deňinden.

Bahar gaýtalanar, bagt gaýtalanmaz,

Gaýtalansa diňe düýşde görner ol.

Sebäp bagtam edil şowakör ýaly -

Öz gözleýär adamsyny görmez ol.

Özümi undamda ýatlama berlip,

Senem unudýaryn, meni bagyşla!

Bu dünýäde meniň bagtym barmy nä,

Ýatlamadan başga hem senden başga?!

Atamyrat Atabaýew

Men özümi aýamadym hiç ýerde,

Gaýgyda, hesretde, şatlykly günde.

Aglamda geň galdy terkidunýäler,

Bagtlylar geň galyp bakdy gülemde.

Söýemde şeýle bir ýürekden söýdum,

Onuň bir öýjügnem boş goýmadym men,

Adam söýsem, kimligine garaman,

Söýdüm üstünligi, ýetmezi bilen.

Maňa bolsa «beýdip ýörme» diýdiler,

«Seniň bu bolşuňa diýerler tentek.

Sen entek ýaş ahyr, saňa gor gerek,

Seniň bar geljegiň öňüňde entek».

Men özümi aýamadym hiç ýerde.

Gorum gutarar diýip etmedim müýni,

Kä söýenim üçin urdular meni,

Kä gazabym üçin söýdüler meni.

Haýyr işler üçin taýýarlyk boldum,

Şer işiň tersinde goýdum men şeri.

Soň görüp otursam, gutarýar eken.

Diňe berilmeýän zatlaryň gory.

Diňe söýmeýänleň, köýmeýänleriñ,

Özgäni beýgeltjek ajaýyp syry,

Bir gyzyl manat deý gizleýänleriñ,

Gutarýar ekeni ýürekde gory.

Men özümi aýamadym hiç ýerde,

Özümi bagş etdim özgeler üçin,

Dogry, käte azar berýär ýüregim,

Olam başga zatdan bolmagy mümkin.

© Gurbannazar EZIZOW.

20 ýaşda sizde tebigatyň beren ýüzi bolýar.

30 ýaşda durmuşyň çeken ýüzi,

50 ýaşda bolsa özüňiziň hakykatdan mynasyp bolup bilen ýüzüňiz bolýar.

#Koko Şanel

Palçy gelin, gözleriňde jady bar,

Belki, gözleň bu dünýäni jadylar.

“Güller solmaz”—diýip ynandyr meni,

“Dostlaň ölmez”—diýip, ynandyr meni.

Gün howluksa: “Howlukma!”—diý, ynandyr.

“Görjegiňiz gowluk bor”—diý, ynandyr.

Çyna sygynyb-a tapmadym bagt

Belki, seniň nesýäň bolsun-da nagt.

Ýalan sözleseňem, garap ýüzüme,

Müňkür bolmaýyn seň gara gözüňe.

Diý, keýgim: “Gudrat bar, jady bar palda”

Hudaý-ha aldatmaz, meni bir alda.

Ömrüň pelsepesi bolsa-da belli,

Palçy gelin, ber kalbyma teselli.

Sözle, keýgim, gury gepde eçil sen,

Kerler eşdip, körleň gözi açylsyn.

Ýetimleň enesi gelsin, ynandyr,

Umytsyz hassalar galsyn, ynandyr.

“Güller solmaz!”— diýip, ynandyr meni,
“Dostlaň ölmez!”— diýip, ynandyr meni.

Atajan Tagan.

Böwürlerne sanjy bolup gijeleň,
Kä surnugyp, kä ýerliksiz tijenen,
Setirlere sygyp bilmän güÿjelen
Däli duýgularmyñ eýesi senmi?
ýykdym-ýykyldymyn söresi senmi?

Müñ gaýtalap gezer ÿaly adyňy
Ýa sen adyn özi maña jadymy?!
Bašga zatdan mahrum edip ÿadymy,
Göwnümiň in süÿji görgüsi senmi?
Hiç üzüp bolmayan bergisi senmi?

Adam tapman duygularmy añara,
Goşgularmy okap berdim daglara.
Sen bir indi gaydyp meni aldama!
Gör, seň näçe gezek gidesiň geldi!
Gitmediñ-ä.ýa señem gijelen menmi?

Sen derdimmiñ, wagt bejerip bilmeÿän?
Sen berdiňmi ol mukamy - diñmeÿän?
Hey, gördüñmi men deÿ takat bilmeÿän?!
Ÿa şol takatlarmyň ogrusy senmi?
Ömrümiň ÿalnyşy-dogrusy senmi?

Saña dušup: bilmen, näme - rahatlyk we!
Ýüzün tutup, aglap otyr sagatjyk!
Sagatlar nä! Ay-günleri aglatdyk!
Ömrümin ykbaldan algysy senmi?
Ymtylan sa:lgymnyñ salgysy senmi?

Çary Ataýew

Saňa juda meňzeşligmi ýaňzydyp,

Gözlerimize hal goýupdyr Ýaradan,

Deň gelse-de sözlerimiz pikirmiz,

Ykballarmyz deň däl eken gyradeň.

Käte-käte welwet kibi göwnümiz,

Büdür südür köçelere meňzeýär,

Bilýäs ýogsa, sap sanalgy bu ömür,

Jan ýakarňa, gamlananňa

degmeýär.

Umydymyz, ynamymyz bir biziň,

Aýry ýola ýoluksagam, gitsegem,

Ömrüň soňy elter ahyr bir ýere,

Didelermiz görüşse-de, ýitsegem.

Men henizem haýran galýan bir zada,

Sözlerem geň galýar sözleşdigimiz,

Duşmagmyza päsgel berýän ýeke zat,

Olam biziň juda meňzeşligimiz...

© Baýram BEJIDOW

-Ah, Söýgi! Men şeýle bir sen ýaly bolmagy arzuw edýän!-diýip, buýsanç bilen Aşyklyk gaýtalaýardy. -Sen menden has güýçli.

-Sen meniñ güýjümiñ nämededigni bilýärmiñ?-diýip, Söýgi sorady.

-Sebäbi sen adamlar üçin wajyp bolanlygyñ üçin bolaýmasa.

-Ýok, asla beýle däl-diýip Söýgi uludan demini aldyda Aşyklygyñ başyny sypady- Men bagyşlap bilýärin, ine şolam meni şeýle güýçli edip bilýär.

-Sen Dönükligi bagyşlap bilýäñmi?

-Hawa, bagyşlap bilýän, sebäbi Dönüklik köplenç erbet niýet bilen däl-de bilmezlikden gelýär.

-Sen Biwepalygam bagyşlap bilýäñmi?

-Hawa, Biwepalygam bagyşlap bilýän, sebäbi adam biwepalyk edip dolanýar, ol deñeşdirmäge mümkinçiligi bolup, gowyny saýlaýar.

Sen Ýalany bagyşlap bilýäñmi?

-Ýalan-bu erbetlikleñ kiçisi. Ol köplenç halatda çykalgasyzlykdan, hem-de özüniñ günälidigne akly ýetýänlerde ýa-da birine agyryly etmejek bolýanlarda ýüze çykýar. Bu bolsa gowy alamatlary añlatýar.

-Men-ä beýle pikir edemok, käwagt şeýle bir ýalançy adamlar bolýar.

-Elbetde, olar ýaly adamlaram bar, ýöne olaryñ men bilen hiç-hili baglanşygy ýok, sebäbi olar söýmegi başaranoklar.

-Sen ýene nämeleri bagyşlap bilýäñ?

-Men ýene Gaharjañlygy bagyşlap bilýän, ol tiz geçiji. Gödekligi bagyşlap bilýän, ol Gynanmak bilen bile gelýär. Gynanjyñ bolsa haçan geljegni hiç kim bilenok, ony gözegçilikl hem edip bolanok. Her kim özüçe gynanýar.

-Hmm, ýene?

-Ýene Öýkäni bagyşlap bilýän. Ol Gynanjyñ uly dogany, olar biri-birinden emele gelýärler. Lapykeçligi bagyşlap bilýän, sebäbi ondan soñ ejir gelýär. Ejir çekmek bolsa arassalaýar.

-Ah, Söýgi! Sen hakykatdanam üýtgeşik. Sen hemme zady bagyşlap bilýäñ, men bolsa ilkinji synagda kükürt çöp ýaly bolup öçüp galýan. Men sen ýaly bolup bilmeýänime gynanýan.

-Sen bu ýerde-de ýalñyşýañ. Söýgi hem ähli zady bagyşlap bilenok.

-Ýöne sen edil şu wagtjyk aýtdyñ-ä, ähli zady bagyşlap bilýäniñi.

-Ýok, edil beýle däl. Ähli aýdan zatlarymy men dogrudanam bagyşlap bilýän, bagyşlaýanam. Ýöne durmuşda Söýgiñem bagyşlap bilmejek zady bar. Sebäbi ol duýgulary öldürýär. Gama batyrýar. We ahyrynda Döwülmäge sebäp bolýar. Ol şeýle bir agyry getirýär, hat-da beýik Gudratam ony bejerip bilenok.

Ol daş-töweregiñdäki adamlaryñ durmuşyny zäherleýär we öz içki dünýäñden çykman galmagyña sebäp bolýar. Ol Biwepalykdan, Dönüklikden beter ýaralaýar, Ýalandan hem Öýkeden beter degýär. Sen oña özüñ duşan wagtyñ düşünersiñ.

Aşyklyk, unutma duýgularyñ iñ ganym duşmany- Parhsyzlykdyr. Oña garşy dermanam ýok.