garlawac
05.09.2023 15:27

Ýalňyşmy, ýazykmy ýa-da bir säwlik

Günäsiz kalbymy duşaklap goýýan.

Ädimim ýazgaryp gury söz bilen,

Öňýeten bir ýerik gyssanyp barýar.


Asmana atygsap ganaty gyrlan

çaga guşuň armany dek arzuwym.

Garaýşymy ýazgardylar göz bilen,

Agramy az özelenýän arzymyň.


...Ýürekdeş ýok göwün syryn açara,

Tapylmaz derdimi ýürekden diňlän.

Nirä bassam ýazyk boldy ädimim,

Ýokmuka günäni bagyşlap bilýän?!

Kaýyllygyň gülküsi


Ykbal, ýene gülýämiň meň üstümden

Ýa dikdiňmi erbetlige netiňi?

Pikirlerim bulaşyp dur sen hakda,

Ýalňyzlygam iýip barýar etimi.


Ýa çygryňdan çykdymy meň ýörelgäm,

Ýa-da bilmän öteräjik geçdimmi?

Ýalan bolýar gözüm bilen görenlem,

Çyn edäýýäň ýalan diýip eşdenmi.


Kaýyllygyň köprüsinden ötemsoň,

Gözüm ýumýan görkezenňe, görenme.

(Yhlasyma yhlas berseň ýetikdi,

Üýtgeşik zat hantama däl öwezne.)


Aklamana çalyşsamam özümi,

Seň gözüňde günälerim ulalýar.

...Aý, bolýa-da, näme bolsa şol bolsun

Barybir hem, näme bolsa şo bolýar.


Allanur ÇARYÝEW

14
67
garlawac
05.09.2023 01:04

Pikirlerim bulaşyp dur sen hakda,

Ýalňyzlygam iýip barýar etimi.

Hakyň ýokdur...


Hakyň ýokdur ýazgarmaga arzymy,

Pursat arap, söýgä ýoda açypdyň.

Saňa meňzäp bütin dünýäň arzuwy,

Wysal bolup gözlerime gaçypdyň.


Ölçerip gör aýralygyň sebäbin,

Delil barmy aklamaga özüňi,

Seni söýgiň ady bilen günäläp,

Gözýaş bilen ýazgarýarkam özümi?!.

Sen diňle, sen sägin, bu neçüýn beýle,

Heý, şunça ezýeti dözlermi söýgä?!.


...Ýanmaga atygsap, sönmäge ýakyn

Nazarma yşkymyň şöhlesin salýan

yhlasymdan ýüzüň sowup, näm üçin

Nätanyş birine öwrülip barýaň?!


2016 ý.

19
73
garlawac
03.09.2023 21:34

Şu tukat şäherde galdym men ýeke,"

Birmahallar gitmänime ökünýän."

Maňa "Ejizleme, mert bol!" diý, dogan,

"Bagyşla, käteler boýnum bükülýär.


Ýyldyzlara eliň ýetýärd-ä seniň,"

Ähli zady başarýardyň göwnüme...

Indi mana penjekleňem dar gelýär,"

Daralýar gün-günden, dogan, göwnümem.


Uzynly gün bir otagyň içinde

(Bir sen bilýäň garasöýmez gylygmy)..."

Säher Günün doguşyny ýigrenýän,

Örtýärkä gije ýalňyzlygymy.


Ýekelikden ýaňa däliräbersem,"

Başym alyp gidiberýän çar yana."

Men çykamson, boşap galan öýmüzde

Geçen günler ýaňadandan janlanýar.


Günleň menzeşligi ýüregme düşýär.

Durmuş mätäç edýär kä ýyljak nana.

Heniz ajy çilime agyz urmadym,"

Birden ejem çykyp käyejek ýaly.


Belki, sen gelensoň köşeşer ruhum,"

Tapylaram ähli zadyň çözgüdi ....

Duýýan, meniň ýuka yürek doganym,"

Senem aram-aram küýseýäň hüwdi.


Begençgeldi Orazow

19
60
garlawac
03.09.2023 11:30

Özümi ruh ýaly duýup başladym. Men olary görýän, olar meni görenok...


#garlawa¢

27
251
garlawac
30.08.2023 13:20

Saňa şo bir zady gaýtalar ýörerin,

Nädip bolar seniň göwnüňe ýarap -

pikrin etmerin.

Bilýäň-ä, onsuzam işim köp meniň,

Men kowýan guşlary günorta tarap.


Ýarygije oýanyp, tukat şäheriň

Gussasyny ölçeýärin sönmedik

çyralaryndan.

Gyşa aşyk guşlaň sowukdan gatan

jesedini ýygnaýaryn ýodalaň

gyralaryndan.


Säher ýollaň çyralarny söndürýän,

Oýarýan ukusyz awtobuslary

Hem çekip bulutlaň şekillerini,

Ýüp bilen berkidip, göge asmaly.


 Soň,
şäheriň adamlary irende,
Ýetimleriň hüwdüsine hiňlenýän.
Gün doganda, duralgalaň birinde
Gelmezmik-ä diýip garaşyp görýän
kimdir birine...

...Her gün öz-özümden gaçyp ýörün men,
Seni gujaklamda aglasym gelýär.
Özümi ugradyp başga ýerlere,
Menin seniň bilen galasym gelýär. 


© Begençgeldi ORAZOW

23
71
garlawac
29.08.2023 20:12

 Öňler owadan ýylgyryşymyň bardygyny bilemokdym:))


Içime salan zatlarym aňdar-tüňder boldy... Gel maňa ýygnaşsana!..


Kagyz. Ruçga. We kebelejikleri bilen hyýala çümüp oturan gyzjagaz...


S - Aşyk bolduňmy, kiz?
M - toba diý!
S - Toba gaty tiz geldiň-le?!
M - .....


Çaga bolsam, yrsarasam, öýkelesem, näzimi çekseler, eý görseler....


S - Näme üçin oňa razy bolaňok?
M - Şagala gawun bolasym gelenok meň)


Birinden kebelejikleriniň ýagdaýlaryny soradym. Ol: ,,Mende güljagazlar bar" diýdi )


Iň gynanýan ýerim kimlerdendigimi, ýaşaýan ýerimi, şahsyýetimi bilip meni tanaýandyklaryny aýdýarlar. Ýöne kiçkim bilenok iň soňky okan kitabym, halaýan reňkim näme ýa-da köwşümiň razmeri näçe, ýa bolmasa haçan iň soňky gezek parka gitdim...


#garlawaç.

29
135
garlawac
29.08.2023 01:17

Düşünene agyr bir jümledir: ,,Meselem men hiç oturup dertleşmedim kakam bilen" 😞

31
206
garlawac
28.08.2023 12:23
Ruhuňy ürküzýär deňziň gomlary,
Döndüň umman içre gorkak gaýyga.
Indi uçmaga-da höwesiň gaçdy,
Kaýyl bolup ýaşap ýörsüň aýlyga.

“Gursagymda ýeke setir galmady,
Ýüregmi (agzymdan) gusasym gelýär.
Şaýym çykmasa-da bir däne çilime,
Az-owlak ýygnanyp gidesim gelýär.

Hamala öýkenim agralýar kem-kem,
Dem alsam
Çyg çekip, gatan sement deý… ”
Bir gije duýdansyz goştorbaň bilen
Çykyp gaýtdyň, güm bolup bu sebitden.

Gitdiňem-dä,
ýeri, onsoň, kelläňden,
Sogrup bildiňmi bir, ruhuň gohuny?
Aňsatmy, nä, äpet göwräň içinde
Göterip gezmeklik serçäň ruhuny?!

© Begençgeldi ORAZOW
32
255
garlawac
27.08.2023 21:17
Ýaşamaga güýjüm galmady, dostum. Sen ýaşa… Ýöne hergün ir-säher, otagyň her boşlugyny Gün şöhlesi bilen doldurmagy unutma! Tutularam tans etsin ýeliň sazyna. Ýolugra bir sazyň täsiri bilen hiňlenip ugra sen işiňe bakan. Men saňa üýtgeşik aýdym goýmadym, bilýän. Sen saýla bir serçäni, goşulyber şonuň heňine.

Depderiň bir çetine Gün suratyn çekmegi, ähli saralyp-solan gülleri jaýlamagy we her agşamara, dostum, aglamagy unutma! Men henizem ýaşaýandyr öýtsün otagym.

Ýaşaýarkaň, ýaşamagy unutma! Ýadasaň eger, akymyna goşul mawy asfaltyň, ýöräber ýoluň soňuna deňiç. Ýollar uzak, ädimlerem gysga… Soňuny saýma, ýürek urşuňa deňläber ädimleriňi.

Men gidemsoň asmana gowy seret, dostum. Göwnüňi birinde galdyraýsaňam, hergiz umydyňy ýitirmejek bol. Saňa ykbal gam çekdirse, ony çilim tüssesi deý sowur goýber gursagyňdan. Öz hasratyň özüňe artyk ge:r, dostum.

Aýnada özüňe syn edýäňmi bir?! Agyr dälmi gözleňdäki betonlar? Utanma, agla!

Arasynda ýöriteläp saçyňy dara. Şemalam halaýar bezemenleri. Gözellik diýip aşa kösenme ýöne. Ýylgyryp goýber.

…Ölüler mazarda üşemeýän eken. Şol pikir maňa köp ejir çekdirdi. Ötenlem üçin. Emma itler, pişikler üşeýär, dostum. Olaryň ganaty ýog-a, uçup gidäýer ýaly.

Kebelekleň nesli tükenmez entäk, ony gaýgy etme. Sen tebigaty arz et Ýaradana. Mümkin bolsa, ýene bir-iki aý goşup bersin bahara. Gyşdan kemse bolar, halys bolmasa. Onsuzam dokuzymyz üçe ýetenok. Hemem, güýzi unutma, dostum. Dekabr aslynda güýzüň kapyýasy.

Onsoňam… Sen göwnüňi giň tut. Şol ýerde bir gysylyp galmaýyn, dostum!

Begençgeldi Orazow
28
493
garlawac
26.08.2023 23:05

Saňa şo bir zady gaýtalar ýörerin,

Nädip bolar seniň göwnüňe ýarap -

pikrin etmerin.

Bilýäň-ä, onsuzam işim köp meniň,

Men kowýan guşlary günorta tarap.


Ýarygije oýanyp, tukat şäheriň

Gussasyny ölçeýärin sönmedik

çyralaryndan.

Gyşa aşyk guşlaň sowukdan gatan

jesedini ýygnaýaryn ýodalaň

gyralaryndan.


Säher ýollaň çyralarny söndürýän,

Oýarýan ukusyz awtobuslary

Hem çekip bulutlaň şekillerini,

Ýüp bilen berkidip, göge asmaly.


Soň,

şäheriň adamlary irende,

Ýetimleriň hüwdüsine hiňlenýän.

Gün doganda, duralgalaň birinde

Gelmezmik-ä diýip garaşyp görýän

kimdir birine...


...Her gün öz-özümden gaçyp ýörün men,

Seni gujaklamda aglasym gelýär.

Özümi ugradyp başga ýerlere,

Menin seniň bilen galasym gelýär :)


© Begençgeldi ORAZOW

16
66