enes_∞
23.12.2024 14:51
![]()
Demi — sowuk,🌬️gözýaşy — buz
Aýazbaba baradaky gürrüňler öz gözbaşyny gaty ir zamanlardan alyp gaýdýar.Ol rowaýatlarda Aýazbaba ak uzyn sakgally ýaşulynyň keşbinde suratlandyrylýar. Sowuk onuň demi, buz gözýaşy, gyraw haty, ak bulutlar bolsa saçy hasaplanypdyr. Aýazbabanyň dogduk mekany Finlandiýadyr.
Aýdylyşyna görä, Aýazbaba IV asyrda ýaşan şahs bolupdyr. Bir gezek ol bir garybyň öýüniň deňinden geçip barýarka, mätäçlikden kösenýän garry öý eýesiniň zeýrenip durandygyny eşidýär. Şonda ýüregi rehim-şepagatdan doly ýaňky adam bulara kömek etmegi ýüregine düwýär we peçiň turbasyndan öýe pul oklaýar. Pul turbadan aşak gaçyp peçiň ýanynda guratmak üçin goýlan gyzyň köwşüniň içine düşýär. Halk ýagşylyga ömrüni bagyş edeni üçin ony Aýazbabanyň keşbiniň üsti bilen aňladypdyrlar. Häzirki döwürde Russiýada, Finlandiýada, Belarusda we başga-da birnäçe ýerlerde Aýazbabanyň anyk salgyly mekany bar. Olaryň adyna günde dünýäniň çar künjünden ýüzlerçe hat barýar. Ol hatlaryň ählisine-de jogap ýazylýar.
Ýazuwly edebiýatda Aýazbaba baradaky ýazgylara Odoýewskiniň ertekilerinde duş gelmek bolýar. Ýazyjynyň ertekisindäki Aýazbaba täze ýyldaky wakalar bilen bagly däl, ol ýaz paslyndaky wakalary suratlandyrýar. Ertekidäki babanyň ak saçlary seçelenip dur.Ol buz ýaly sowuk ýurtda ýaşaýar. Eserde Aýazbaba çagalaryň oňat işleri üçin olara sowgat-sylaglar berýär, rehimli we adalatly edilip suratlandyrylýar. Odoýewskiniň ertekisinde göwni päk gyza Aýazbaba gymmat bahaly monjuk sowgat berýär, öweý enäniň gyzyna bolsa, Gün çykanda ereýän buzdan monjuk sowgat berýär.
5
104
enes_∞
22.12.2024 18:21
![]()
AÝAZ BABANYŇ DUTAR ÇALMANY ÖWRENIŞI(hekaýa)1-nji bölüm
Aýaz baba bu gezek hem däp bolşy ýaly, dünýäniň eýjejik çagajyklary üçin nobatdaky Täze ýyl sowgatlaryny paýlamak üçin ýola düşdi. Amerikany, Ýewropany aýlanyp bolandan soň, ol öz ugruny Merkezi Aziýa gönükdirdi. Bu sebitiň eýjejik çagajyklaryny ajaýyp sowgatlary bilen begendiren Aýaz baba öz ýanyndan aýdyma hiňlenip barýardy. Daş-töwerek dym-dyrslyk bolup, käýarym ýerde feýerwerkleriň sesleri ýa-da sugunlaryň güýçli hokranmasy aýdymy böläýmäse, Aýaz babanyň hiňlenýän aýdymyndan özge özboluşly ses onuň ünsüni bölenokdy. Birdenem, sesýetim aralykdan, ýerde nähilidir bir ýaňlanýan owaz onuň ünsüni böldü-de oturyberdi. Şeýle owazyň özboluşly mukam bolup ýaňlanmagy Aýaz babanyň ýüregini jigledip barýardy. Ýogsam heniz sowgatlarynyň ählisini paýlap hem gutarmandy. Emma onuň bilesigelijilik häsiýeti gozgap, öz erkine goýmansoň, öz ýanyndan “Gel, şu owazy anyklaýynda, ýetişerin-le” diýýän ýaly, paýtunyny aşak gönükdirdi.
Geňligine sered-ä, Aýaz babanyň ýoly edil gözel Aşgabadyň, onda-da “Oguzkent” myhmanhanasynyň üstünden düşäýşini. Bu gezek dikuçar meýdançasy Aýaz babanyň paýtunynyň düşlän ýerine öwrülse nätjek ?!
Aýaz baba bu ýerde kän eglenmedi. Çünki ýüregini hälki owaz büs-bütin gurşap alypdy. Bar maksady şony anyklamakdy. Tizden-tiz paýtuny bilen myhmanhananyň öňündäki awtoýoly uçup kesip geçdi-de, myhmanhanyň gabat öňündäki seýilgähe bardy. Bu gezek owaz edil ýakynynda ýaňlanýan ýaly bolup eşidildi. Ol öz ýanyndan owaza ýakynlaşandygyna begenýärdi we ol paýtunyny haýal sürüp başlady. Birdenem ses saza utgaşyp, täsin bir enaýy owaz bolup, ýaňlanyp ugrady. Şeýle sazy öň eşidip görüpmidi näme ?! Aýaz baba öz ýanyndan “Beý-bä, beýle hoşamaý owazlar nireden gelýärkä, juda täsin eşidilýär-le. Owazyň ýakymlydygyna bir sered-ä! Oturyp dagy eder ýaly däl, edil özüne maýyl edip dur. Dogrudan hem, men pianinonyň, ariýanyň sazlaryny, jazy, fortepianony diňläp görüpdim. Emma beýle owazy henize çenli eşitmändim. Hany anyklaýyn” – diýip, barha bilesigelijilik bilen gözlemegini dowam etdi.
Ol uzak ýöremedi. Birdenem, onuň gözleri elinde nämedir bir zatlary şol hereketlendirip oturan bir adama düşdi. Aýaz baba ilkibada, barmakdan çekindi. Ol adam bolsa, hiç zada üns bermän, elindäki guralyny oýnadyp, dürli sazlary çalyp otyrdy. Ak pamyga bürenip duran daýaw pyýadany görüp, saz çalýan ýigit garaşylmadyk pursada haýran galdy.
Aýaz baba barha ýakynlaşdy. Ol ýigit gözlerine ynanmady. Düýşdir öýtdi, emma düýş däl eken. Hakykatdanam, gabat öňünde Aýaz baba paýtuny bilen dur. Paýtunly daýy oňa barha ýakynlaşyp:
-Dostum, iňlis dilini bilýärmiň ? – diýip, geň galyjylyk bilen sereden-de, ýaş ýigit işini dowam edip, bilýändigini tassyklan ýaly, baş atdy. Aýaz baba:
-Gadyrdan dostum, men, neme, birhili seniň çalýan sazyň beýhuş ediji owazlaryna maýyl bolup geläýdim. Eger mümkin bolsa, bu täsin guralyň nämedigini aýdyp bilermiň ? Ondan daşgary, eliňdäki guralyň daş keşbi hem bir geňsi. Edil ýonulyp taraşlanan tagta meňzeş. Mundan hem şeýle owazlar çykýandygyna haýran galýaryn – diýip, matlabyny düşündirdi. Höwes bilen çalyp oturan ýaşajyk ýigit güldü-de:
-Wiý, bagyşlarsyňyz-da. Tolgunyp oturuşyma salamy hem unudaýypdyryn. Essalawmaleýkim, Aýaz daýy, güneşli Watanymyz Türkmenistana hoş geldiňiz !-diýip, gadyrly salamlaşdy. Aýaz baba edepli ýigidiň myhmansöýerligine öz ýanyndan diýseň begendi.
Tüweleme, men onda Türkmenistanda ekenim-dä! Hawa, siziň güneşli ýurduňyz hakynda telim gezek eşidipdim. Men şeýle ajap mekanda bolýandygyma çäksiz buýsanýaryn-diýip, loh-loh edip gülüp, ýene-de sözüni dowam etdi:
-Howaňyzam jana tenekar. Mylaýymjyk şemal öwsüp dur. Ýogsa-da, eliňdäki gural bilen tanyş etmedinle? – diýip, ýigide nurana gözlerini balkyldadyp, onuň jogabyna garaşýan ýaly, bilesigelijilik bilen ýigide, hem elindäki gurala gaýta-gaýta syn etdi.
-Biz muňa dutar diýýäris. Bu biziň milli saz guralymyz.
5
62
enes_∞
21.12.2024 14:27
![]()
🎄🎄Dünýäniň meşhur Täze ýyl arçalary🎄🎄
Täsin, owadan hem-de gelşikli täze ýyl arçalary, aýratyn öwüşgini, ajaýyplygy bilen adamlarda baýramçylyk ruhuny döredýär. Geliň, şeýle ajaýyp täze ýyl arçalary bilen bezelen şäherleriň käbirlerine gaýybana syýahat edeliň:
Nýu-Ýork, ABŞ
ABŞ-nyň uly şäherleriniň biri bolan Nýu-Ýork şäheriniň merkezi — Rokfeller meýdançasynda ajaýyp täze ýyl arçasy bolup, beýikligi 23 metr deň. Ol 45 müňe golaý dürli öwüşginli çyralar bilen bezelen bolup, depesinde kristaldan sünnälenip ýasalan 3 metrlik ýyldyz ýerleşdirilen.
![]()
Rio-de-Žaneýro, Braziliýa
Şäheriň içinden geçýän ýalpak suwly Rodrigo de Freýtas kölünde suwuň üstünde ýüzýän täze ýyl arçasy oturdyldy. Beýikligi 85 metr bolan arça emeli arçadyr. Ol dünýädäki iň uly ýüzýän täze ýyl arçasydyr. Çylşyrymly yşyklandyryşyň kömegi bilen onuň keşbi üýtgäp durýar. Esasy bellemeli zat, bu arçanyň şäheriň ähli ýerinden görünmegi üçin onuň kölüň ähli töwereginde ýüzüp aýlanmaklygydyr.
![]()
Gubbio, Italiýa
Ajaýyp täze ýyl arçalarynyň biri-de Gubbio şäherinde oturdyldy. Beýikligi 950 metr, ini 450 metr bolup, ol emeli arçadyr. Şeýle äpet arçany yşyklandyrmak üçin uzynlygy 19 km bolan geçiriji kabeller ulanyldy.
![]()
Praga, Çehiýa
Baýramçylyk günlerinde ajaýyp öwüşginlere beslenýän bu şäher gurnalan baýramçylyk bazarlary, owadan arçalary bilen ertekini ýada salýar. Şäheriň esasy meýdançasynda oturdylan arça we onuň töweregi müňlerçe yşyklar bilen bezelýär.
![]()
Rim, Italiýa
Ýurduň paýtagty Rim şäherinde oturdylan täze ýyl arçasy 25 metr beýiklikde bolup, ol hakyky arçadyr. Ol yşyklandyrylanda “parahatçylyk” sözi bilen diýseň ajaýyp keşbe eýe bolýar.
![]()
6
155
enes_∞
21.12.2024 14:18
![]()
Täze ýyl baýramçylygynyň taryhyndan
Täze ýyl baýramçylygy örän üýtgeşik, jadyly baýramçylyk. Sebäbi täze ýyl ähli ynsanlaryň kalplaryna nur paýlap, uly-uly umytlara, owadan arzuwlara beslenýär. Täze ýyl baýramy maşgala baýramçylygydyr. Täze ýyl – bu ýyl senenamasynyň esasy baýramçylyklarynyň biridir. Bu baýramçylyk dünýäniň ähli künjeklerinde diýseň şagalaňly bellenip geçilýär. Öz senenamalaryny millileşdirip ulanýan medeniýetleriň köpüsinde Täze ýyl baýramçylygyny bellemeklik örän möhüm çäreleriň biri bolup durýar.
Täze ýylyň 1-nji ýanwary ilkinji gezek Rim hökümdary Ýuliý Sezar tarapyndan b.e.öňki 46-njy ýylda döredilipdir. Gadymy Rimde bu gün – täze başlangyçlaryň hudaýy bolan Ýanusa bagyşlanypdyr. Ýanwar aýy özüniň adyny şol Ýanus hudaýdan alypdyr, sebäbi bu aýy ilki şekillendirilende hem onda Ýanus Hudaýynyň iki tarapa seredip durşuny goýupdyrlar, ýagny öňe we yza. Grigiorýan senenamasy boýunça köp ýurtlarda täze ýyl ýanwar aýynyň birinden başlanýar. Täze ýyl sagat guşaklygy boýunça Ýuwaş ummanyndan başlanýar we ilkinji bolup täze ýyly Laýn adasynyň Kiribati Respublikasy garşylaýar. Täze ýyly soňkylaryň hatarynda bolsa, Amerikanyň Somoa, Midueý we Niue adalary garşylaýar. Şol wagt Kiribati Respublikasynda eýýäm ýanwar aýynyň 2-si bolýar.
Ilkinji gezek ýanwar aýynyň birinden täze ýyl b.e.öň 153-nji ýyldan bäri bellenilip başlanypdyr. Sebäbi şol gün Rim wekilleri öz işlerine girişipdir. B.e. öň 46-njy ýylda Rim hökümdary Ýuliý Sezar özüniň «ýulian» senenamasyny resmi taýdan b.e.öň 45-nji ýylyň 1-nji ýanwarynda tassyklaýar. Şol wagt Sezaryň hökümdarlygynda hem-de astrologiýanyň täsirinde «Täze ýyl» özüniň ýylyň başlanýandygyny aňladyp, raýatlyk ýylynyň döremegine getiripdir. «Hijri täze ýyly» yslam medeniýetinde yslam täze ýyly hökmünde giňden tanalyp, ol täze ýyly hökmünde baýram edilýär. Musulman senenamasynyň aý senenamasy sebäpli, täze ýyl ýyldan ýyla geçiş baýramy hökmünde bellenilýär. Ýylyň ilkinji güni musulman senenamasynyň ilkinji aýy bolan Muharram aýynyň ilkinji günüdir.
Bilşimiz ýaly, dünýäniň köp ýurtlarynda, şol sanda, biziň Türkmenistan döwletimizde hem Täze ýyl baýramçylygy her ýylyň 1-nji ýanwarynda bellenilip geçilýär. Ýanwar aýynyň 1-i- grigorýan we täze grigorýan senenamasy boýunça täze ýyl. Ýanwar aýynyň 1-i we fewral aýynyň 21-i aralygy – Hytaý täze ýyly. Mart aýynyň 21-22-si – musulman halklarynyň täze ýyly. Sentýabr aýynyň 5-inden oktýabr aýynyň 5-i aralygynda – ýewreý halklarynyň täze ýyly.
6
73
enes_∞
19.12.2024 13:25
![]()
DIŇE TÄZE ÝYL HAKYNDA
Täze ýyly garşy almagyň uzak taryhy ýoly bar. Taryhy maglumatlara salgylansak, bu ajaýyp baýramçylyk ilkinji gezek biziň eýýamymyzdan öňki III-IV müňýyllykda gadymy Mesopotamiýada bellenip geçilipdir. Gadymy döwürlerde Täze ýylyň ýaz paslynyň ýa-da güýz paslynyň başynda bellenilip geçilendigi welin has täsin. Gadymy Rimde ruhanylar Täze ýyly 1-nji martda garşy alypdyr. Şol wagtda rimlilerde Täze ýyl garşy alnanda, täsin däpler hem ýüze çykyp başlapdyr. Olaryň ynanjyna görä, Täze ýyl birek-birege ýakymly sözleri aýtmakdan başlamaly. Munuň bolsa, adamlary biri-birine ysnyşdyrýandygyna ynanypdyrlar. Şeýle-de, teňňe sowgat etmek asylly däbe öwrülip başlapdyr. Wagtyň geçmegi bilen, Täze ýyl 1-nji ýanwarda garşy almaga girişilip başlanypdyr. Bu senede garşy almak düzgünini bolsa, ilkinji bolup Ýuliý Sezar senenama girizipdir.
1492-nji ýyla çenli Täze ýyl Russiýada mart aýynda garşy alnypdyr we şol ýyl bu däp sentýabr aýyna geçirilipdir. Emma Pýotr I öz döwründe, 1700-nji ýylda 1-nji ýanwarda bellemek barada karar çykarypdyr. Ilkinji gezek rus patyşasy şol wagt halkyna ýedi günüň dowamynda dynç almaga rugsat beripdir.
Täze ýylyň ilkinji aýy bolan ýanwar aýynyň adynyň gelip çykyşy barada bellemek isleýärin. Taryha salgylansak, bu aýyň adynyň gelip çykyşy öz gözbaşyny gadymy Rimiň Ýanus atly taňrysyndan alyp gaýdýar. Rowaýata görä, Ýanus gapynyň we ähli başlangyçlaryň hudaýy bolup, ol iki ýüzli görnüşde suratlandyrylýar. Onuň bir ýüzi geçmişe, beýleki tarapy bolsa geljege bakýar. Şonuň üçin ýanwar iki ýylyň sepgidindäki aý hasaplanýar.
🎄
8
128
enes_∞
19.12.2024 09:39
![]()
Ýaşyl bag ýylany. 2025-nji ýylyň bu nyşany barada nämeleri bilmeli?
Barha golaýlap gelýän 2025-nji ýylda ruhy ýyl dolandyryş şalygy Gündogar senenamasynyň iň syrly nyşanlarynyň biri bolan — ýaşyl bag ýylanyna geçýär. Bu ýyl paýhasly kararlaryň, içki dünýäniň ösüşiniň we gyzykly üýtgeşmeleriň döwri boljakdygyny wada berýär.
Bu nyşanyň häsiýetnamasy
Gündogar medeniýetinde ýylan çuňňur paýhaslylygy, düşünjäni we kyn ýagdaýlardan çykalga tapmak ukybyny alamatlandyrýar. Tebigy paýhaslylygy we gapma-garşylyklardan gaça durmak ukyby gymmatly häsiýetler hasaplanýar. Ýaşyl reňk ösüşi we täzelenmegi aňladýar, bag bolsa ösüşi we ýokary işjeňlik hyjuwyny peşgeş berýär.
Täze ýylda nädip şowlulyga eýe bolmaly
Ýylanyň ruhy goldawyny almak üçin, öýde onuň göwnünden turjak atmosferany döretmeli diýýärler:
Interýeri janly ösümlikler, esasanam, tropiki ösümlikler bilen bezäň;
Oňa bezeglik çüwdürimler ýaly Gündogar elementlerini goşuň;
Simwoliki gymmatlyklary ýerleşdiriň: Hytaý teňňeleri ýa-da ownuk zatlar;
Bezeglerde ýylanyň şekilini ulanyň: heýkeljikler, şemler, senenamalar.
Ýaşyl bag ýylanynyň ýylyny nähili garşy almaly?
Ýylan nepisligi we rahatlygy gowy görýär. Öýde baýram etmek ýa-da restoranda oturylyşyk guramak bolsun, islendik amatly şert baýramçylyk üçin laýykdyr. Maslahat berilýän geýimler:
Zümerret we otuň öwüşginleri;
Çal, süýtreňk we goňur reňkler;
Ýylan derisini ýada salýan ajaýyp şekilli geýimler;
Erkekler üçin — çal reňkdäki kostýumlar.
2025-nji ýyldan nämelere garaşmaly?
Ýyl hem asuda, hem dürli üýtgeşmeli täzelikleri bilen depginli boljakdygyny wada berýär. Birinji we üçünji çärýeklere aýratyn üns berilmelidir — bu döwürler käbir kynçylyklary getirip biler. Şeýle-de bolsa, ýylanyň paýhasy islendik synaglary ösüş we kämilleşmek mümkinçiliklerine öwürmäge kömek eder.
Ýatda saklaň: ýylan sazlaşyga we deňagramlylyga ýokary baha berýändir. 2025-nji ýylda bu ýörelgelere eýerip, durmuşyň ähli ugurlarynda üstünlikleri we rowaçlyklary gazanyp bilersiňiz.
3
128
enes_∞
16.12.2024 17:03
![]()
Bilermenler Täze ýyl arçasyny öý haýwanlaryndan goramak barada maslahat berýärler
Täze ýyl arçasy özüniň ýaldyrawuk yşyklary bilen diňe bir çagalaryň we uly ýaşly adamlaryň däl, eýsem, öý haýwanlarynyň hem ünsüni aýratyn özüne çekýär. Ol esasan-da pişikleriň nazaryna düşmek bilen, olaryň ýykmak howpuna sezewar bolýar, sebäbi arçada bezelen oýunjaklar öý haýwanynyň has-da ünsüni çekýär. Bezemen arçany öý haýwanlaryndan goramakda nähili çemeleşmelidigi babatda «MIR 24» degerli maslahatlary berýär.
![]()
1. Arçanyň töweregine ýere ikitaraplaýyn ýelmeşýän lentany ýa-da şykyrdap ses edýän materialy ýelmemek. Pişiklerem edil itler ýaly ýelmeşýän hem-de şykyrdaýan zadyň üstünde ýöremegi halamaýarlar;
2. Täze ýyl arçaasynyň töweregine güýçli ysly, has gowusy sitrusyň tagamyny ýetirýän suwuklygy sepiň. Esasanam pişikler bu ysy halamaýarlar. Şeýle hem, Täze ýyl agajynyň töweregine apelsin, limon ýa-da greýpfrut miweleriniň gabygyny ýaýratmak bolar, olardan dürli şekilleri hem ýasamak ýerlikli bolar;
3. Bezelen arçanyň daşynda dürli hili böwetleri goýup bolar: gözenekleri, haltajyklary we ş.m., olaryň aşagynda bolsa sowgatly gutulary ýerleşdirmek bolar;
4. Haýwanyň otaga giren mahaly arçany burçda ýerleşdirip, tutynyň aňyrsynda gizlemek. Pişik arçany görüp durmasa oňa ünsem berip durmaz;
5. Original dizaýny halaýanlar üçin oňaýly usul: Arçany ýokarysyndan potologa diräp asyp goýmak. Beýle usul eger arça uzyn hem-de ýeňil bolsa göwnejaýdyr;
6. Eger arçanyň boýy kiçi bolsa, onda ony stoluň ýa-da şkafyň üstünde hem ýerleşdirip bolar;
7. ň ýeňil usul: Eger öý eýeleriniň öýde bolmadyk mahaly arçanbyň bezelen otagynyň gapysyny ýapyp goýmak;
8. «Alternatiw» arçany dikip bilersiňiz: Diwara arça şahalaryny ýerleşdirmek bilen, oňa gülleri we oýnawaçlary asyp bilersiňiz;
Eger öý haýwany bezelip goýlan arça has aýratyn üns berip, oňa ýakyn baryp duran bolsa, onda öý eýesine bu ýagdaýa örän seresaplyk bilen çemeleşmek zerurdyr. Sebäbi pişigiň ýa-da itjagazyň arçanyň haýsydyr bir bezegini ýuwutmagy mümkindir. Öý haýwanyny bu zatlardan çetde saklamaga çalyşmaly, çünki eger pişigiň bezeg çyralaryny bilmän ýuwudan ýagdaýynda ol jandaryň aşgazan gurluşyna örän zyýan ýetirip bilýändir. Bu bolsa bolup biljek ýagdaýdyr. Beýle halatda dessine weterinar lukmana ýüz tutmalydyr.
https://turkmenportal.com/images/uploads/images/news/2022/12/09/garrett-bear-tQwxdyuHi5E-unsplash.jpg
Öýüňizde bu hili şertler bar bolsa, iň gowusy döwülmeýän oýunjaklary almaly. Döwülýän oýunjagy pişik arçanyň şahasyndan gaçyryp, ýaralanyp biler.
Öý haýwanynyň elektrik girlýandlara çolaşmazlygy üçin ony üns merkezinde saklamalydyr. Elektrik togunyň adama seredeniňde itlere we pişiklere pes täsir edýändigi baradaky jemgyýetçilik pikiri bolsa aslynda hakyky däldir.
8
67
enes_∞
12.12.2024 15:21
![]()
Astrologik çaklamalar — 2025: Ýylan ýylynda size nämeler garaşýar?
🔺Daluw (gowa) (21.01 — 19.02). 2025-nji ýyl daluwlara bilim we intellektual ösüş pudagynda möhüm üýtgeşmeleri getirer. Bag ýylany işjeň öwrenmek üçin şert döreder, ýöne aşa işlemekden we stresden gaça durmak üçin ýüklere deňagramly çemeleşmegiň zerurlygyny ýatdan çykarmaly däldir.
Durmuş ritminiň umumy tizlenmegi bilen, daluwlara içerki rahatlygy ileri tutup, öz tizligine eýermek maslahat berilýär. Bu ýyl üstünlik gazanmak üçin kyn däl-de, şahsy zerurlyklary we emosional ýagdaýy göz öňünde tutup, öňe hereket etmek kyn düşmegi mümkindir.
Şahsy durmuşyňyzda şol bir deňagramly çemeleşmäni ulanmak maslahat berilýär: duýgularyňyzy diňläp, gatnaşyklary ýuwaş-ýuwaşdan ösdüriň. Tejribesi bolan jübütler üçin bu ýyl gatnaşyklaryň täze taraplaryny açmaga we emosional baglanyşyklary çuňlaşdyrmaga mümkinçilik döreder.
Daluwlar, esasanam, dowamly keselleri bolanlar saglygyna aýratyn üns bermelidir. Ýazda we tomusda öňüni alyş çäreleri saglygyň beterleşmeginiň öňüni alar.
🔺Hut (balyk) (20.02 - 20.03). Hutlar üçin bag ýylanynyň ýyly döredijilik taýdan gülläp ösüş döwri bolar, bu çeperçilik potensialyňyzy açmaga we tebigy duýgurlygy ösdürmäge mümkinçilik berer. Şeýle-de bolsa, ýyldyzlar, esasanam, sosial ulgamda täze tanyşlar babatda seresaplylygy maslahat berýärler. Tebigy ynamsyzlygyň kynçylyk döretmezligi üçin maliýe gatnaşyklarynda hüşgärligi ýokarlandyrmak zerurdyr.
Söýgi meselesinde iň amatly perspektiwalar ýylyň ahyryna çenli açylýar. Ýeke hutlar şahsy durmuşyny düýpgöter üýtgetmäge mümkinçilik alarlar, ýöne astrologlar duýgularyň umumy düşünjäni örtmegine ýol bermezden, ýoldaş saýlamaga rasional çemeleşmegi maslahat berýärler.
Saglyk barada aýdylanda bolsa, çynlakaý problemalara garaşylmaýar, ýöne allergiki täsirler ýa-da iýmit bozulmalary bilen baglanyşykly ownuk keseller bolup biler. Hutlar täze iýmitleri synap göreninde seresap bolmalydyr we elmydama zerur dermanlary içmelidir.
6
152
