Absolýut söweş çempionatynyň (UFC) ýeňil agramda çempiony russiýaly Islam Mahaçew braziliýaly Çarlz Oliweýra bilen asly ermeni bolan russiýaly Arman Sarukýanyň arasyndaky söweşiň ýeňijisine garşy titul goragyny geçirer. Bu barada promouşeniň prezidenti Dana Uaýt X sosial ulgamyndaky akkauntynda habar berdi.

“UFC 300. Ýeňil agram reýtinginiň birinji belgisi Çarlz Oliweýra dördünji belgi Arman Sarukýan bilen dalaşgärler söweşinde duşuşar” – diýmek bilen, Uaýt titul söweşiniň tomusda geçiriljekdigini belledi.

UFC 300 ýaryşy 13-nji aprelde Las-Wegasda geçiriler.

34 ýaşly Oliweýranyň hasabynda 34 ýeňiş we 9 ýeňliş bar. 27 ýaşly Sarukýanyň hasabynda 21 ýeňiş we 3 ýeňliş bar. Mahaçew 2022-nji ýylyň oktýabr aýyndan bäri ýeňil agramda UFC-niň çempion guşagyny saklaýar. Şonda ol Oliweýradan agyryly usul bilen üstün çykdy.

Madridiň “Realy” soňky 62 ýylyň dowamynda iň gowy gorag rekordyny gaýtalady, ol La Liganyň şu möwsüminiň ilkinji 19 tapgyrynda 11 pökgi geçirdi. Topar 1961/62 oýun möwsüminde Ispaniýanyň çempionatynda gaty az pökgini sypdyrdy.

42 ýyl ozal şol möwsüm “korol kluby” üçin çempionlyk möwsümine öwrüldi.

Soňky 9 ýagdaýyň 7-sinde La Liganyň ilkinji 19 oýnunda 11 ýa-da has az pökgi geçiren toparyň möwsümiň ahyrynda ýaryşda ýeňiji bolandygyny ýatlalyň.

19 tapgyrdan soň, “Real” goşmaça görkezijilerde “Žironadan” (48) öňe geçip, 48 utuk bilen öňde barýar.