Mowzuklar barlagcy » Sahypa 33 » Öwrenmeli App

25.07.2020 10:47

Keseki däldigmi bildim aç-açan
Gözlerňe ýetende gyňajyň çowy.
Maňa her kim gabat geldi her ýerde,
Ýöne, hemmesinden diňe sen gowy.

Sen halal süýt emen, naçar maşgala,
Öwýär seni mydam goňşy-golam-da.
/Sen hakda üýtgeşik bir zat ýazaryn,
Menem ile belli şahyr bolamda/.

Gitdiň sen birmahal durmuşa çykyp,
Menem galdym, dönüp süpük tirýekä,
Bolýa, ýöne nesip edenem bolsaň,
Özüm ýaly ýarymgöwün bir ýekä.

Uzak ýaşap, bagta ýetmek höwesi,
Maňa şu güne çenli berdi goltgy.
Şoň üçin umytly ýaşadym ýördüm.
Ýogsam ölmäge-de sebäp bolupdy.

Aý, bolýa-da, geçen geçdi diýeli,
Goýdum seni hakydamyň töründe.
Sawçylyga iberjekdim ejemi,
…Goý, olam rahat ýatsyn göründe.

Keseki däldigmi bildim aç-açan,
Gözlerňe ýetende gyňajyň çowy,
Maňa her kim gabat geldi her ýerde,
Ýöne, hemmesinden diňe sen gowy.

Çary Ýegenmyradow

847

24.07.2020 15:59

Ýelden-günden gorap uçurymlaryn,
Döş gerip, käkilik beripmişin jan.
Men seniň şatlygyň, dünýäň, döwranyň,
Hasyl bolan myradyň men, eje jan!

Döräpsiň sen meni döretmek üçin,
Zemine ýaşaýyş ýaýratmak üçin,
Meni – asman, özüň ýer etmek üçin
Dünýä inipsiň sen özüň, eje jan!

Meni goşmak üçin adam sanyna,
Kän hupbatlar gördüň, dözdüň janyňa.
Agşam sallançagy alyp ýanyňa,
Gije ukyňy dört böldüň, eje jan!

“Men ejemi öz aýamda saklaýan,
Ine, şeýdip, emen süýdüm haklaýan”,
Diýen söz bikärdir diýip çaklaýan,
Saňa borjy ödäp bolmaz, eje jan!

Käte gidýän ýykyp seniň sözüňi,
Kä sähel zat üçin alýan ýüzüňi,
Aýt, nireden alýaň beýle dözümi,
Ählisine çydaýaň sen, eje jan!

Mydam küýüm-köçäm aýalym, çagam,
Sowgat alsam, seni unudaýýan, käbäm,
Başga hiç kim geçmez meniň bu günäm,
Diňe sensiň bagyşlaýan, eje jan!

Sen – miweli daragt, men bir iýmişiň,
Boýum görseň, dolýar eg durmuşyň.
Her alnan dem üçin egýärin başym,
Baky minnetdar men saňa, eje jan!

Ybraýym Yusup

1 097

24.07.2020 12:20

Galamdaş dostuma

Ömri şygyr bilen bezemek isläp,
Ýaşadyk özümiz şygyr, heň bolup.
Şöhraty däl, şahyrlygy höwesläp,
Gitdik döwre aýak goşup, deňlenip.

Goşgy ýazdyk, aň etmedik soňuny,
Şeýdip, derdimizem ýeňäýen ýaly.
Şygyrýet köýnek däl, geýip, soň ony
Egniňden çykaryp zyňaýar ýaly.

Ýeri, başyň alyp gidersiň nirä?
Ýol, duralga, iş, öý… durşuna şygyr.
Sowuk gijelere maňlaýy diräp,
Gözledik, agtardyk täzeçe pikir.

Pikrimizden uzyn geldi bu durmuş,
Başgaça ýaşadyk arzuwlarmyzdan.
Günler – çözmesi kyn tapmaça, gurluş,
Olar jogabyny hantama bizden.

Günleriň gözünde galgan sa:lgym men,
Ýüregim düşnüksiz ahmyrdan doly.
Eşigmiň ýyrtygna utanmandym men,
Gowşak goşgularma utanşym ýaly.

Ömürden däl, wagtdan has öňe gitdik,
Dost diýip, köpleriň elini gysdym.
Şatlygy däl, derdem deň bölüşjekdik,
Biz muny başaryp bildikmi Dostum?!
Aýtsana dostum!

Goçmyrat Orazberdiýew

366

23.07.2020 18:28

Şu gün saňa telwas etdim ýene men,
Eý, sen, päklik hem gözellik ölçegi.
Azary ýetikdir gaýyn eneňem,
Belli däl, pahyryň haçan öljegi.

Öňden belli zadyň gyzygam bolmaz, Söýmezdim-le beýle boljagyn bilsem.
Ýöne, hasaplabam söýüp bolanok,
Ýa-da söýgüde-de barmyka tilsim?

Akyl satýan akylsyzlar köpelip,
Ýaşyň on sekize ýeten mahaly.
Söýgi aýp zatdyr obada diýip,
Guratdylar göze ilen nahaly.

Indi-indi şo günleri ýatlasam,
Özümi ýazgarýan ilki bilen men.
Men batyr ekenim beýnisi ýuka — Durmuşyň al salýan tilkilerinden.

Käte seni sorap, barasym gelýär,
Ýöne, uýat bolar, saňa gep geler.
Arzuwlary ýuwaş-ýuwaş könelip,
Günler geçip barýar, geçýär hepdeler.

Gowy bolsun çagalaryň görjegi,
Ýetişýär gyzlarmyz, ogullarymyz.
Seniň günäň däldir, meniňkem däldir,
Söýgiň ýok ýerinde doglumagymyz.

Çary Ýegenmyradow

478

21.07.2020 22:48

Ýene tukatlygyň böwrüni diňläp
Otagmyň giň açyk penjiresinden,
Otyryn derdimi Aýa güjeňläp,
Goý, olaram biraz eljiresinler.
Çygly howa hoş ýakanok köňlüme,
Öl bolansoň gözlerimiň garasy.
Bikesi deý zeýrenip dur, gör, ýene,
Kireýine bolýan öýmüň çyrasy.
…Uzaklara süýnüp giden nazarym,
Şäher içre eglener kän wagtlap,
Diňläp ýene Suhanberdiň gazalyn
A:jap giden gök çaýdan kä owurtlap,
Tabyn edip pikirlermiň mülküni
Şahyrlarça oýlamakçy bolýaryn,
Onda erkin ýatan ýaryň zülpüni
Oýlarymda oýnamakçy bolýaryn.
Emma daňlar atar maňa aşyk deý,
Bolsam-da men bu gijeleñ ýesiri.
…Şeýdibem soňlanar mawy yşykda
Bu ajap gijeleň gözel efiri…

280

20.07.2020 17:30

Ýürek gursagyma sygmady bu gün, Ýylgyryp garaý, gyz, köşeşeýin men. Götertmedi yşkyň kysmaty bu gün, Halymy soraý gyz, köşeşeýin men.

Bulutlar bu dertden ýagyp ýeňleýär, Perwana alaçsyz ýanyp ýeňleýär,
Adam ogly syryn ýaýyp ýeňleýär,
Bir pursat duraý gyz, köşeşeýin men.

Hem dermanym, hem-de derdim diňe sen, Örteme jigerim dile-dile sen.
Söz bilen däl, ala gözler bile sen,
Wada bir beräý gyz, köşeşeýin men.

Şar gara gözleriň jady-la seniň,
Çirkizdi ýüregmi oduna meniň.
Gözlerimi süzüp adyňa seniň
«Jan» goşup Suraý gyz, köşeşeýin men.

744

20.07.2020 00:01

Iñ owadan ölüm seniň gözleňde,
Hezil edip ölýän öldüren wagtyň.
Çünki gözleriňden bakylyk tapýan,
Iki janly bolup oýanýan soňam,
Saçlarymy sypap, galdyran wagtyň.

Million ýyllap ýaşap ýören ýaly men,
Söýmegimiň çuňlugundan baş alsaň.
Aslynda, ölmejek ýaly ekeniň,
Eger söýüp ýaşamagy başarsaň.

Bu goşgymam saňa düşnüksiz gerek?
Samradýar-da, kalba siňse yşk nury.
Lenç edilen illeň melegi däl sen,
Sen sadaja ojagymyň meşhury.

Biz üçin hiç bir zat çylşyrymly däl,
Durmuşy ejizler günäkärlesin.
Düşmese bor aramyza aýralyk,
Çözeris biz aýralykdan bärkisin.

Men juda şat, ynsanlygym özgerdi,
Saňa ykbalymy aldyran wagtym.
Iň owadan ölüm seniň gözleňde,
Hezil edip ölýän, öldüren wagtyň.

1 123

19.07.2020 19:48

Ýadygärlik surat..

Ýenede gün dogdy. Paýlandy poçta.
Gyzdan hat gelipdir... kyrk sekiz ýaşda.

Ýazmak gadagan däl. Gelibersin hat.
( Başga näme işiñ bar jogap berde ýat..)

Pylanowa Jemal...yzynda bukjañ
Guwandym synladym agzyny açman.

Adresi nagyşly gyrasy jähek
Megerem ýazan gyz mähekdir mähek.

Bukjañ arkasynda owadan setir...
'' poçta hatym äkit jogabyn getir,,

Çaýyldy ýüzime harplaryn näzi
Meger harplardanam näzlidir özi.

...bir gezek çekemde söküldi ýelim
Gaçdy ak bukjadan ak ýüzli gelin.

Suratyñ astynda owadan setir
Poçta suratym elt suratyn getir.

Aşaky dodagyn gizläp dur ýaşmak
Şony hem syraýsañ-
Bal süýnip gaçjak.

Bukjanyñ içinde bir bölejik hat
Menden sowgat bolsun şujagaz surat.

Iberip bilseñiz ýadygär kitap
Heziller ederdim okap okap okap.

Içine salsañyz ýadygär surat
Ondaha has beter açardym ganat.

Sizede goşgada aşyk men aşyk
Ýöne , wah armanly geçdidä ýaşlyk.

Kyrk ýyl çekip gezdim aşyklyk derdin...
Indem..... altmyş...."

...Gelin,
...işimä gördüñ!...

Kerim Gurbannepesow

886

barlagcy

barlagcy

18.07.2020 19:31

Söýgi hakda öňem ýazdym kän gezek, Ýene ýazjak. Öňkilerim az ýäly. Bir gyz ýüregime gurupdyr duzak Söýüp ýörün... bar pasyllar ýaz ýaly. Ýöne diýýaän gyzym şeýle bir ynjyk, Käte ýakyp, gowrup barýar

1 081

barlagcy

barlagcy

17.07.2020 17:26

Gözelleň ählisin goýup bir ýana, Seçip-saýlap, seni söýsem, söýermiň? Ýaz görkiňe aşyk bolup gaýbana, Gül keşbiňe hormat goýsam, söýermiň? Gar küräp, tüweleý her ýän çäpanda, Asman-zemin bir-birini

1 421